ಹೆಂಡತಿಯ ತಲೆ ಕತ್ತರಿಸಿ, ಪೊಲೀಸ್ ಠಾಣೆಗೆ ಕೊಂಡೊಯ್ದ ಪತಿ
- ತನ್ನ ವಿರುದ್ಧ ಕೌಟುಂಬಿಕ ದೌರ್ಜನ್ಯ ಪ್ರಕರಣ ದಾಖಲಿಸಿದ್ದಕ್ಕಾಗಿ, ತನ್ನ ಹೆಂಡತಿಯ ಮೇಲೆ ಸೇಡು ತೀರಿಸಿಕೊಂಡ ಪತಿ.
ಆಘಾತಕಾರಿ ಕೊಲೆ ಪ್ರಕರಣವೊಂದರಲ್ಲಿ, ಒಬ್ಬ ವ್ಯಕ್ತಿಯು ತನ್ನ ಹೆಂಡತಿಯ ಶಿರಚ್ಚೇದ ಮಾಡಿ, ನಂತರ ಕತ್ತರಿಸಿದ ತಲೆಯನ್ನು ವಿಜಯವಾಡದ ಬೀದಿಗಳಲ್ಲಿ ಹೊತ್ತು ತಿರುಗಿದ ಘಟನೆ ನಡೆದಿದೆ.
ಪೊಲೀಸರ ಪ್ರಕಾರ, ಪ್ರದೀಪ್ ಕುಮಾರ್ ಅವರ ಪತ್ನಿ ಮಣಿಕ್ರಾಂತಿ (23) ಕುತ್ತಿಗೆಯನ್ನು ಅವರ ಮನೆಯ ಬಳಿ ಪತಿ ಚಾಕುವಿನಿಂದ ಕತ್ತರಿಸಿದ್ದಾನೆ. ನಂತರ ಒಂದು ಕೈಯಲ್ಲಿ ಅವಳ ತಲೆಯನ್ನು ಮತ್ತು ಇನ್ನೊಂದು ಕೈಯಲ್ಲಿ ಚಾಕು ಹಿಡಿದು ಬೀದಿಯಲ್ಲಿ ನಡೆದುಕೊಂಡು ಪೊಲೀಸ್ ಠಾಣೆಗೆ ಬಂದಿದ್ದಾನೆ..
ಕಾಲೋನಿಯಲ್ಲಿ ಇರಿಸಲಾಗಿದ್ದ ಸಿಸಿಟಿವಿಯಲ್ಲಿ ಕತ್ತರಿಸಿದ ತಲೆಯೊಂದಿಗೆ ಆತ ನಡೆಯುತ್ತಿರುವುದು ರೆಕಾರ್ಡ್ ಆಗಿದೆ. ಸಿಸಿಟಿವಿ ದೃಶ್ಯಗಳಲ್ಲಿ, ಬೀದಿಗಳಲ್ಲಿ ಕೊಲೆಗಾರನನ್ನು ನೋಡಿದ ಜನರು ಭಯಭೀತರಾಗಿ ಓಡುತ್ತಿದ್ದಾರೆ. ಕೊಲೆಗಾರ ಪ್ರದೀಪ್ ಹತ್ತಿರದ ಕಾಲುವೆಯಲ್ಲಿ ತಲೆ ಎಸೆದು ನಂತರ ಸತ್ಯನಾರಾಯಣಪುರಂ ಪೊಲೀಸ್ ಠಾಣೆಯಲ್ಲಿ ಶರಣಾಗಿದ್ದಾನೆ.
ಪೊಲೀಸ್ ಉಪ ಆಯುಕ್ತ ವಿಜಯ್ ರಾವ್ ಅವರ ಪ್ರಕಾರ, ಸಂತ್ರಸ್ತೆ ಒಂದು ವರ್ಷದಿಂದ ತನ್ನ ಗಂಡನಿಂದ ದೂರವಿರುತ್ತಿದ್ದಳು. ಪ್ರಸ್ತುತ, ಕತ್ತರಿಸಿದ ತಲೆಗಾಗಿ ಹುಡುಕಾಟ ನಡೆಯುತ್ತಿದೆ. ಏತನ್ಮಧ್ಯೆ, ತಲೆ ಇಲ್ಲದ ದೇಹವನ್ನು ಶವಪರೀಕ್ಷೆಗಾಗಿ ಸರ್ಕಾರಿ ಆಸ್ಪತ್ರೆಗೆ ಸ್ಥಳಾಂತರಿಸಲಾಗಿದೆ./////
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
