ಧಾರವಾಡ: 3 ದಿನಗಳ ಸಂಗೀತ ಕಾರ್ಯಕ್ರಮ ಆರಂಭ

ಪ್ರಗತಿವಾಹಿನಿ ಸುದ್ದಿ, ಧಾರವಾಡ: ಭಾರತೀಯ ಸಂಗೀತ ವಿದ್ಯಾಲಯದ ಸ್ಥಾಪಕರು ಹಾಗೂ ಸಂಗೀತ ಲೋಕದ ದಿಗ್ಗಜ ಸಿತಾರ ವಾದಕ, ಧಾರವಾಡ ಘರಾಣದ “ಸಿತಾರ ರತ್ನ” ರಹಿಮತ್ ಖಾನ್ ಅವರ 68 ನೇ ಪುಣ್ಯ ತಿಥಿಯ ಅಂಗವಾಗಿ, ಧಾರವಾಡದ ಸೃಜನಾ: ಅಣ್ಣಾಜಿ ರಾವ್ ಸಿರೂರ ರಂಗಮಂದಿರದಲ್ಲಿ ಸಂಗೀತ ಕಾರ್ಯಕ್ರಮವನ್ನು ಮೂರು ದಿನಗಳವರೆಗೆ, ಪ್ರತಿ ದಿನ ಸಂಜೆ 5.30 ರಿಂದ ಹಮ್ಮಿಕೊಳ್ಳಲಾಗಿದೆ.

ಶುಕ್ರವಾರ ಸಂಗೀತ ವಿದ್ವಾಂಸ ಪಂಡಿತ್ ಶ್ರೀ ಓಂಕಾರ್  ನಾಗರಾಜರಾವ್  ಹವಾಲ್ದಾರ್ ಅವರಿಂದ ಕಾರ್ಯಕ್ರಮ ಆರಂಭವಾಯಿತು. ತಬಲಾ ವಾದಕ ಶ್ರೀಧರ ಮಾಂಡ್ರೆ ಹಾಗೂ ಹಾರ್ಮೋನಿಯಂ ವಾದಕ ಸಮೀರ್ ಹವಾಲ್ದಾರ್ ಸಾಥ್ ನೀಡಿದರು.

Home add -Advt

ಮೂಲತಃ ಬೆಳಗಾವಿಯವರಾದ ಪುಣೆಯ ಖ್ಯಾತ ಕೊಳಲು ವಾದಕ ರಾಜೇಂದ್ರ ಕುಲಕರ್ಣಿಯವರಿಂದ ಅದ್ಭುತ ಸಂಗೀತ ಲಹರಿ ಮನಸೂರೆಗೊಂಡಿತು. ರಘುನಾಥರಾವ್ ನಾಕೋಡ ತಬಲಾ ಸಾತ್ ನೀಡಿದರು.