ಅಬಕಾರಿ ಇಲಾಖೆಯಿಂದ 1.65 ಕೋಟಿ ರೂ.ಮೌಲ್ಯದ ವಸ್ತು ವಶ

ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ : ಲೋಕಸಭಾ ಚುನಾವಣೆ ಹಿನ್ನೇಲೆಯಲ್ಲಿ ನೀತಿ ಸಂಹಿತೆ ಜಾರಿಯಾದಾಗಿನಿಂದ ಬೆಳಗಾವಿ ಉತ್ತರ ಜಿಲ್ಲೆಯ ಚಿಕ್ಕೋಡಿ ತಾಲೂಕಿನ ಅಬಕಾರಿ ಅಧಿಕಾರಿಗಳಿಂದ ೩೪ ದ್ವಿ-ಚಕ್ರ ವಾಹನ, ೪ ಕಾರ್ ಹಾಗೂ ೨ ಹೆವಿ ವಾಹನಗಳನ್ನು ಸೇರಿ ೧,೬೫,೬೮,೧೯೧ ಮೌಲ್ಯದ ವಾಹನಗಳನ್ನು ವಶಪಡಿಸಿಕೊಳ್ಳಲಾಗಿದೆ.
ಚುನಾವಣಾ ಆಯೋಗವು ನೀತಿ ಸಂಹಿತೆ ಮಾ.೧೬ ರಿಂದ ಜಾರಿಯಾದಾಗಿನಿಂದ ಏ.೧೯ ವರೆಗೆ ಅಬಕಾರಿ ಉಪ ಆಯುಕ್ತರ ಕಚೇರಿಯು ಬೆಳಗಾವಿ ಉತ್ತರ ಜಿಲ್ಲೆ ಚಿಕ್ಕೋಡಿ ಜಿಲ್ಲಾ ವ್ಯಾಪ್ತಿಯಲ್ಲಿ ಅಬಕಾರಿ ಇಲಾಖೆಯು ಲೋಕಸಭಾ ಚುನಾವಣೆ-೨೦೨೪ ನಿಮಿತ್ಯ ಅಬಕಾರಿ ಅಕ್ರಮಗಳನ್ನು ತಡೆಗಟ್ಟಲು ಅಬಕಾರಿ ಅಧಿಕಾರಿಗಳು ದಾಳಿ, ಗಸ್ತು ಹಾಗೂ ರಸ್ತೆಗಾವಲುಗಳನ್ನು ಕೈಗೊಂಡು ೫೭-ಘೋರ, ೪೯-ಸಾಮಾನ್ಯ ಹಾಗೂ ೩೬೨-೧೫(ಎ) ಹೀಗೆ ಒಟ್ಟು ೪೬೮ ಮೊಕದ್ದಮೆಗಳನ್ನು ದಾಖಲಿಸಿ ೫೭೦ ಆರೋಪಿಗಳನ್ನು ಬಂಧಿಸಲಾಗಿದೆ.
೧೮೫೧೬.೦೦೦ ಲೀಟರ್ ಭಾರತೀಯ ಮದ್ಯ, ೭೩.೦೦೦ ಲೀಟರ್ ಹೊರ ರಾಜ್ಯದ ಮದ್ಯ, ೧೫೩ ಲೀಟರ್ ಸೇಂದಿ, ೩೩೦ ಲೀಟರ್ ಕಳ್ಳಭಟ್ಟಿ ಸಾರಾಯಿ, ೮೩.೪ ಲೀಟರ್ ಬಿಯರ್ ಹಾಗೂ ೩೪ ದ್ವಿ-ಚಕ್ರ ವಾಹನ, ೪ ಕಾರ್ ಹಾಗೂ ೨ ಹೆವಿ ವಾಹನಗಳನ್ನು ವಶಪಡಿಸಿಕೊಳ್ಳಲಾಗಿರುತ್ತದೆ. ಅಬಕಾರಿ ಪದಾರ್ಥಗಳ ಮತ್ತು ವಾಹನಗಳ ಮೌಲ್ಯವು ೧,೬೫,೬೮,೧೯೧ ಆಗಿರುತ್ತದೆ ಎಂದು ಬೆಳಗಾವಿ ಉತ್ತರ ಜಿಲ್ಲೆಯ ಚಿಕ್ಕೋಡಿ ತಾಲೂಕಿನ ಡೆಪ್ಯೂಟಿ ಕಮೀಷನರ್ ಆಫ್ ಎಕ್ಸೈಜ್ ಆಫೀಸ್‌ರಾದ ಪ್ರಶಾಂತಕುಮಾರ. ಕೆ ಅವರು ಪ್ರಕರಣದಲ್ಲಿ ತಿಳಿಸಿದ್ದಾರೆ.