ಭಾರತದ ಪಾಲಿಗೆ ದುಬಾರಿಯಾಗಿರುವ ಹ್ಯುಂಡೈ, ಕಿಯಾ: ಪಿಯೂಷ್ ಗೋಯೆಲ್

ಪ್ರಗತಿವಾಹಿನಿ ಸುದ್ದಿ, ಪುಣೆ: “ದಕ್ಷಿಣ ಕೊರಿಯಾದ ವಾಹನ ತಯಾರಿಕೆ ಮುಂಚೂಣಿ ಕಂಪನಿಗಳಾದ ಹ್ಯುಂಡೈ ಮತ್ತು ಕಿಯಾ ಭಾರತದ ಪಾಲಿಗೆ ದುಬಾರಿಯಾಗಿ ಪರಿಣಮಿಸಿವೆ” ಎಂದು ಕೇಂದ್ರ ವಾಣಿಜ್ಯ ಸಚಿವ ಪಿಯೂಷ್ ಗೋಯೆಲ್ ಹೇಳಿದ್ದಾರೆ.

ಪುಣೆಯಲ್ಲಿ ನಡೆದ ಏಷ್ಯಾ ಆರ್ಥಿಕ ಸಂವಾದದಲ್ಲಿ ಗೋಯಲ್ ಈ ಬಗ್ಗೆ ವಿಷಾದ ವ್ಯಕ್ತಪಡಿಸಿದ್ದಾರೆ.

“ಹ್ಯುಂಡೈ ಮತ್ತು ಕಿಯಾದಂತಹ ಕೊರಿಯಾದ ಮುಂಚೂಣಿ ಕಂಪನಿಗಳು ಉಭಯ ದೇಶಗಳ ನಡುವಿನ ಮುಕ್ತ-ವ್ಯಾಪಾರ ಒಪ್ಪಂದವನ್ನು ದುರುಪಯೋಗಪಡಿಸಿಕೊಳ್ಳುವ ಮೂಲಕ ಭಾರತಕ್ಕೆ ಶತಕೋಟಿ ಡಾಲರ್‌ಗಳಷ್ಟು ವ್ಯಾಪಾರ ಕೊರತೆಯನ್ನು ಉಂಟುಮಾಡಿವೆ. ಮುಕ್ತ ವ್ಯಾಪಾರ ಒಪ್ಪಂದವು ಈ ಕಂಪನಿಗಳನ್ನು ಅನಿಯಂತ್ರಿತವಾಗಿ ಆಮದು ಮಾಡಿಕೊಳ್ಳಲು ಅನುವು ಮಾಡಿಕೊಡುತ್ತಿದ್ದು, ಅದನ್ನು ಈ ಕಂಪನಿಗಳು ವಿವೇಚನಾರಹಿತವಾಗಿ ಬಳಸುತ್ತಿವೆ” ಎಂದರು.

“ಕೊರಿಯಾದ ಆಟೋ ಉದ್ಯಮದಲ್ಲಿ ನಿರ್ದಿಷ್ಟವಾಗಿ ಹ್ಯುಂಡೈ ಮತ್ತು ಕಿಯಾ ಎರಡೂ ಸ್ಪಷ್ಟವಾಗಿ ಹಿಂದುಳಿದಿವೆ. ಅವು ಕೊರಿಯಾ ಮತ್ತು ಜಪಾನ್‌  ನಮ್ಮ ಜತೆಗಿನ ಮುಕ್ತ ವ್ಯಾಪಾರ ಒಪ್ಪಂದದ ಪ್ರಯೋಜನಗಳನ್ನು ಪಡೆಯುತ್ತ ವಿವೇಚನೆಯಿಲ್ಲದೆ ಆಮದು ಮಾಡಿಕೊಳ್ಳುವುದನ್ನು ಮುಂದುವರೆಸಿವೆ” ಎಂದು ಗೋಯಲ್ ಹೇಳಿದರು.

“ಅರ್ಧ ಶತಕೋಟಿ ಅಥವಾ ಶತಕೋಟಿ ಡಾಲರ್‌ಗಳ ಸಣ್ಣ ಹೂಡಿಕೆಯು ಕೊರಿಯಾ ಅಥವಾ ಇತರ ದೇಶಗಳೊಂದಿಗೆ ನೇರವಾಗಿ ಉಂಟುಮಾಡಿದ ಶತಕೋಟಿ ಡಾಲರ್ ವ್ಯಾಪಾರ ಕೊರತೆ ಭಾರತದ ಪಾಲಿಗೆ ದುಬಾರಿಯಾಗಿದೆ. ಇದನ್ನು ಸಾರ್ವಜನಿಕವಾಗಿ ಹೇಳಿಕೊಳ್ಳಲು ನನಗೆ ಇಷ್ಟವಿಲ್ಲ” ಎಂದು ಅವರು ಹೇಳಿದರು.

“ನಮ್ಮ ಉತ್ಪನ್ನಗಳಿಗೆ ತಮ್ಮ ಮಾರುಕಟ್ಟೆಯನ್ನು ತೆರೆಯುವ ಬಗ್ಗೆ ನಾವು ಕೊರಿಯಾದೊಂದಿಗೆ ಮಾತನಾಡುತ್ತಿದ್ದೇವೆ. ಆದರೆ ಸಂಪೂರ್ಣ ವ್ಯತ್ಯಾಸವನ್ನು ಪರಿಶೀಲಿಸಲಾಗುವುದು. ಭಾರತದಿಂದ ಕೊರಿಯಾಕ್ಕೆ ಯಾವುದೇ ಉಕ್ಕಿನ ರಫ್ತು ಮಾಡುವುದನ್ನು ನಿಲ್ಲಿಸುವುದಿಲ್ಲ. ಜಪಾನ್ ಗೂ ಇದು ಅನ್ವಯಿಸುತ್ತದೆ. ಆದರೆ ಸದ್ಯದ ಬೆಳವಣಿಗೆಗಳಲ್ಲಿ ನಾವು ಲಾಭದಾಯಕವಾಗಿ ಮಾರಾಟ ಮಾಡಲು ಸಾಧ್ಯವಾಗುತ್ತಿಲ್ಲ” ಹೇಳಿದರು.

“ಉತ್ಪಾದನಾ-ಸಂಯೋಜಿತ ಪ್ರೋತ್ಸಾಹ (ಪಿಎಲ್‌ಐ) ಯೋಜನೆಗಳು ಉತ್ಪಾದನಾ ವಲಯಕ್ಕೆ ಸ್ವಲ್ಪ ಮಟ್ಟಿಗೆ ಮಾತ್ರ ಸಹಾಯಕಾರಿಯಾಗಿವೆ. ಅಂತಿಮವಾಗಿ ಅವು ಸ್ವಾವಲಂಬಿ ಮತ್ತು ಸ್ಪರ್ಧಾತ್ಮಕವಾಗಿರಬೇಕು. ಗ್ರಾಹಕರಿಗೆ ಗುಣಮಟ್ಟದ ಉತ್ಪನ್ನಗಳನ್ನು ಒದಗಿಸಬೇಕು. ಇತರ ದೇಶಗಳೊಂದಿಗಿನ ಮುಕ್ತ ವ್ಯಾಪಾರ ಒಪ್ಪಂದಗಳಲ್ಲಿ ಯುಕೆ ಮತ್ತು ಕೆನಡಾದಂತಹ ಕೆಲವು ದೇಶಗಳಲ್ಲಿ ಉತ್ತಮ ಪ್ರಗತಿ ಕಾಣುತ್ತಿದ್ದೇವೆ” ಎಂದು ಗೋಯಲ್ ಹೇಳಿದರು.

“ಸ್ವಿಟ್ಜರ್ಲೆಂಡ್ ಮತ್ತು ಸಹೋದರ ರಾಷ್ಟ್ರಗಳು ಯಾವುದೇ ಒಪ್ಪಂದವನ್ನು ಪ್ರಾರಂಭಿಸಿಲ್ಲ. ನಾನು ವಿಶಾಲ ಚೌಕಟ್ಟು ಮತ್ತು ಸೂಕ್ಷ್ಮ ಸಮಸ್ಯೆಗಳನ್ನು ಪರಿಹರಿಸಲು ಪ್ರಯತ್ನಿಸುತ್ತಿದ್ದೇನೆ. ಆಮದು ಮಾಡಿದ ಡೇರಿ ಉತ್ಪನ್ನಗಳು ಬೆಲೆಯ ಮೇಲೆ ಪರಿಣಾಮ ಬೀರಲು ನಾವು ಅನುಮತಿಸುವುದಿಲ್ಲ, ನಾವು ಮೊದಲು ದೇಶೀಯವಾಗಿ ಹೈನೋದ್ಯಮದಲ್ಲಿ ತೊಡಗಿರುವ ರೈತರ ಹಿತಾಸಕ್ತಿಗಳನ್ನು ನೋಡಬೇಕಾಗಿದೆ” ಎಂದು ಸಚಿವರು ಹೇಳಿದರು.

ಸುಳೇಬಾವಿ- ಮೋದಗಾ ರಸ್ತೆ ಅಭಿವೃದ್ಧಿಗೆ ಚಾಲನೆ

https://pragati.taskdun.com/sulebavi-modaga-road-development-work-started/

ಕುಟುಂಬ ಸಹಿತ ರಾಯರ ಮಠಕ್ಕೆ ಭೇಟಿ ನೀಡಿ ಪೂಜೆ ಸಲ್ಲಿಸಿದ ಯಡಿಯೂರಪ್ಪ

https://pragati.taskdun.com/yeddyurappa-visited-raya-mutt-with-his-family-and-offered-puja/

ಜರ್ಮನಿಯಲ್ಲಿ ಕೆಲಸ ಮಾಡಲು ಭಾರತೀಯ ಟೆಕ್ಕಿಗಳು, ನುರಿತ ಕೆಲಸಗಾರರಿಗೆ ಆಹ್ವಾನ; ವಿಸಾ ಪ್ರಕ್ರಿಯೆ ಸರಳೀಕರಣಕ್ಕೆ ಸಿದ್ಧತೆ

https://pragati.taskdun.com/indian-techies-invited-to-work-in-germany-preparing-for-visa-process-simplification/