ಮದುವೆ ಮೆರವಣಿಗೆ ವೇಳೆ ಹರಿದ ಡಿಜೆ ಲಾರಿ; ನಾಲ್ವರ ದುರ್ಮರಣ

ಪ್ರಗತಿವಾಹಿನಿ ಸುದ್ದಿ; ಕಲಬುರ್ಗಿ; ಮದುವೆ ಮೆರವಣಿಗೆ ವೇಳೆ ಡಿಜೆ ಇದ್ದ ಲಾರಿ ಹರಿದು ನಾಲ್ವರು ಸಾವನ್ನಪ್ಪಿರುವ ಘಟನೆ ಕಲಬುರ್ಗಿ ಜಿಲ್ಲೆಯ ಸೇಡಂ ನ ಕಡತಲಾದಲ್ಲಿ ನಡೆದಿದೆ.

ಇಲ್ಲಿನ ಮದನಾ ತಾಂಡದ ಮಧು ಹಾಗೂ ಕಡತಾಲ ತಾಂಡದ ವರನ ಮದುವೆ ಮೆರವಣಿಗೆ ವೇಳೆ ತಡ ರಾತ್ರಿ ಈ ದುರಂತ ಸಂಭವಿಸಿದೆ. ಮದುಮಗಳನ್ನು ಸ್ವಾಗತಿಸಲೆಂದೇ ತೆಲಂಗಾಣದಿಂದ ಡಿಜೆ ತರಿಸಲಾಗಿತ್ತು.

ಮದುವೆಗಾಗಿ ಬೇರೆ ಬೇರೆ ಊರುಗಳಿಂದ ಆಗಮಿಸಿದ್ದ ಸಂಭಂಧಿಕರು ವಧು-ವರರ ಮೆರವಣಿಗೆಯಲ್ಲಿ ಭರ್ಜರಿ ಸ್ಟೆಪ್ ಹಾಕುತ್ತಾ ಸಾಗಿದ್ದರು. ಸಂಭ್ರಮದ ನಡುವೆ ಡಿಜೆ ಇದ್ದ ಮಿನಿ ಲಾರಿ ಜನರ ಮೇಲೆಯೇ ಹರಿದಿದೆ. ಸ್ಥಳದಲ್ಲೇ ಮೂವರು ಸಾವನ್ನಪ್ಪಿದ್ದರೆ, ಮತ್ತೊಬ್ಬರು ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ. ಹತ್ತಕ್ಕೂ ಹೆಚ್ಚು ಜನರು ಗಂಭೀರವಾಗಿ ಗಾಯಗೊಂಡಿದ್ದಾರೆ.
ರಸ್ತೆ ಅಪಘಾತ; ಖ್ಯಾತ ನಟಿ ಸುನೇತ್ರಾ ಪಂಡಿತ್ ಗಂಭೀರ