ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ – ಬೆಳಗಾವಿ ಜಿಲ್ಲಾ ಉದ್ಯೋಗ ವಿನಿಮಯ ಕೇಂದ್ರದ ವತಿಯಿಂದ ಶನಿವಾರ ಉದ್ಯೋಗ ಮೇಳ ನಡೆಯಿತು.
ಎಸೆಸೆಲ್ಸಿ, ಪಿಯುಸಿ, ಐಟಿಐ ,ಡಿಪ್ಲೊಮಾ, ಬಿಎಡ್, ಡಿಎಡ್ ಹಾಗೂ ಯಾವುದೇ ಪದವಿ ವಿದ್ಯಾರ್ಹತೆ ಹೊಂದಿರುವ ಅಭ್ಯರ್ಥಿಗಳಿಗಾಗಿ ಉದ್ಯೋಗ ಮೇಳವನ್ನು ಬೆಳಗಾವಿ ಸುವರ್ಣ ವಿಧಾನಸೌಧದ ಜಿಲ್ಲಾ ಉದ್ಯೋಗ ವಿನಿಮಯ ಕಚೇರಿಯಲ್ಲಿ ಆಯೋಜಿಸಲಾಗಿತ್ತು.
ಈ ಉದ್ಯೋಗಮೇಳದಲ್ಲಿ ಸುಮಾರು 14 ಕಂಪನಿಗಳು ಪಾಲ್ಗೊಂಡಿದ್ದವು. 400 ರಿಂದ 500 ವರೆಗೆ ವೇಕೆನ್ಸಿಗಳಿದ್ದವು. ಸುಮಾರು 1300 ಯುವಕ -ಯುವತಿಯರು ಪಾಲ್ಗೊಂಡಿದ್ದರು. 100 ಜನರಿಗೆ ಮೊದ ಹಂತದಲ್ಲಿ ಉದ್ಯೋಗ ದೊರಕಿದ್ದು , ಎರಡನೇ ಸುತ್ತಿನಲ್ಲಿ ಕೆಲವು ಕಂಪನಿಗಳು ಸೋಮವಾರ ಫಲಿತಾಂಶ ನೀಡಲಿದ್ದಾರೆ. ಈ ಉದ್ಯೋಗ ಮೇಳದಲ್ಲಿ ಜಿಲ್ಲಾ ಕೌಶಲ್ಯ ಅಭಿವೃದ್ಧಿ ಮುಖ್ಯ ಅಧಿಕಾರಿ ಬಸವಪ್ರಭು ಅವರು ಮಾತನಾಡಿದರು.
ಜಿ ಎಸ್ ಕೋರಸ್ಗಾಂವ , ಭೀಮ ನಾಯಕ್ , ನಾಗರಾಜ್ ಹಾಗೂ ಬೆಳಗಾವಿ ಜಿಲ್ಲಾ ಉದ್ಯೋಗ ವಿನಿಮಯ ಕೇಂದ್ರದ ಸಿಬ್ಬಂದಿ ವರ್ಗ ಉಪಸ್ಥಿತರಿದ್ದರು.
