ಬೈಕ್ ಕಳ್ಳನ ಬಂಧನ; 10 ಬೈಕ್ ವಶ

ಪ್ರಗತಿ ವಾಹಿನಿ ಸುದ್ದಿ,, ರಾಯಭಾಗ – ದ್ವಿಚಕ್ರವಾಹನಗಳನ್ನು ಕಳುವು ಮಾಡುತ್ತಿದ್ದ ಆರೋಪಿಯನ್ನು ರಾಯಭಾಗ ಪೊಲೀಸರು ಬಂಧಿಸಿ 10 ಬೈಕ್‌ಗಳನ್ನು ವಶಪಡಿಸಿಕೊಂಡಿದ್ದಾರೆ.

ರಾಯಭಾಗ ತಾಲೂಕು ದೇವಾಪುರದ  ನಿಂಗಪ್ಪಾ ಉದ್ದಪ್ಪಾ ಪಿಡಾಯಿ ಬಂಧಿತ ಆರೋಪಿ.

 ರಾಯಭಾಗ ಪೊಲೀಸರು ಮೋಟಾರ್ ವಾಹನ ಕಾಯ್ದೆಯಡಿಯಲ್ಲಿ ವಾಹನಗಳ ಕಾಗದ ಪತ್ರಗಳನ್ನು ಪರಿಶೀಲಿಸುವ ವೇಳೆ ನಿಂಗಪ್ಪಾ ಉದ್ದಪ್ಪಾ ಪಿಡಾಯಿ ನಂಬರ ಪ್ಲೇಟ್ ಇಲ್ಲದ ಹಿರೋ ಸ್ಪೆಂಡರ್ ಪ್ಲಸ್ ವಾಹನವನ್ನು ತೆಗೆದುಕೊಂಡು ರಾಯಬಾಗ ಪಟ್ಟಣದಲ್ಲಿ ಬಂದಾಗ ವಾಹನವನ್ನು ನಿಲ್ಲಿಸಿ ಕಾಗದ ಪತ್ರಗಳನ್ನು ಹಾಜರಪಡಿಸಲು ಪೊಲೀಸರು ಕೇಳಿದ್ದರು.

ಆರೋಪಿಯು ದಾಖಲಾತಿಗಳನ್ನು ಹಾಜರಪಡಿಸದೇ ಇದ್ದಾಗ ಸಂಶಯಗೊಂಡು ವಾಹನವನ್ನು ಪರಿಶೀಲಿಸಿದಾಗ ಅದು ರಾಯಬಾಗ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ  ಕಳ್ಳತನವಾದ ವಾಹನವಾಗಿರುವುದು ಕಂಡುಬಂದಿದೆ.

ಬಳಿಕ ಅಥಣಿ ಡಿಎಸ್‌ಪಿ ಶ್ರೀಪಾದ ಜಲ್ಲೆ ಅವರ ಮಾರ್ಗದರ್ಶನದಲ್ಲಿ ಪಿಐ ಎಚ್ ಡಿ ಮುಲ್ಲಾ ನೇತೃತ್ವದಲ್ಲಿ ಕಾರ್ಯಾಚರಣೆ ನಡೆಸಿದ ರಾಯಭಾಗ ಪೊಲೀಸರಿಗೆ ಆರೋಪಿಯು ತಾನು ಓಡಿಸುತ್ತಿರುವ ವಾಹನವನ್ನು ಭಿರಡಿಯಲ್ಲಿ ಕಳ್ಳತನ ಮಾಡಿಕೊಂಡು ಬಂದು ಓಡಿಸುತ್ತಿದ್ದು ಮಾರಾಟ ಮಾಡುವ ಸಲುವಾಗಿ ಇನ್ನು ಕೆಲವು ವಾಹನಗಳನ್ನು ಕಳ್ಳತನ ಮಾಡಿಕೊಂಡು ತನ್ನ ವಶದಲ್ಲಿಟ್ಟುಕೊಂಡ ಬಗ್ಗೆ ವಿಚಾರಣೆ ಕಾಲಕ್ಕೆ ಹೇಳಿದ್ದಾನೆ.

ಆರೋಪಿಯಿಂದ ಒಟ್ಟು 10 ದ್ವಿ ಚಕ್ರ ವಾಹನಗಳನ್ನು ವಶಪಡಿಸಿಕೊಂಡು ತನಿಖೆ ಕೈಕೊಂಡು ಆರೋಪಿಯನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ.