ಪ್ರಗತಿವಾಹಿನಿ ಸುದ್ದಿ, ಕತಾರ್: FIFA ವರ್ಲ್ಡ್ ಕಪ್ 2022ನ 16ನೇ ಸುತ್ತಿನಲ್ಲಿ ಸ್ವಿಟ್ಜರ್ಲೆಂಡ್ ವಿರುದ್ಧ ಪೋರ್ಚುಗಲ್ ಜಯಗಳಿಸಿದ ನಂತರ ಕ್ರಿಸ್ಟಿಯಾನೊ ರೊನಾಲ್ಡೊ ಅವರು ಸಹ ಆಟಗಾರರೊಂದಿಗೆ ವಿಜಯ ಸಂಭ್ರಮಿಸಲು ನಿರಾಕರಿಸಿದ್ದಾರೆ.
ಈ ಕುರಿತ ವಿಡಿಯೊ ಈಗ ವೈರಲ್ ಆಗಿದೆ.
ವೈರಲ್ ಆದ ವೀಡಿಯೊದಲ್ಲಿ, ರೊನಾಲ್ಡೊ ಅಂತಿಮ ಸೀಟಿಯ ನಂತರ ನೇರವಾಗಿ ಡ್ರೆಸ್ಸಿಂಗ್ ಕೋಣೆಗೆ ಹೋಗುವುದನ್ನು ಕಾಣಬಹುದು. ಆದರೆ ಪೋರ್ಚುಗಲ್ ತಂಡದ ಉಳಿದವರು ಪಿಚ್‌ನಲ್ಲಿ ಸಂಭ್ರಮಿಸಿದ್ದಾರೆ.
ರೊನಾಲ್ಡೊ ಪಂದ್ಯಕ್ಕೆ ಬೆಂಚ್‌ನಲ್ಲಿದ್ದರು. 17 ನಿಮಿಷಗಳು ಉಳಿದಿರುವಾಗ ಬದಲಿ ಆಟಗಾರನಾಗಿ ಬಂದಿದ್ದರು. ಮ್ಯಾನೇಜರ್ ಫರ್ನಾಂಡೋ ಸ್ಯಾಂಟೋಸ್ ಅವರು ದಕ್ಷಿಣ ಕೊರಿಯಾ ವಿರುದ್ಧ ಬದಲಿಯಾಗಿ ಬಂದ ನಂತರ ರೊನಾಲ್ಡೋ ಅವರ ವರ್ತನೆಯ ನಂತರ ಅವರನ್ನು ಕೈಬಿಟ್ಟಿದ್ದರು.
ಗೆಲುವಿನ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಸ್ಯಾಂಟೋಸ್ “ನಾನು ಈಗಾಗಲೇ ರೊನಾಲ್ಡೊ ಅವರನ್ನು ಕೈಬಿಟ್ಟಿರುವ ವಿಷಯದ ಬಗ್ಗೆ ವಿವರಿಸಿದ್ದೇನೆ. ನಾನು ಅದನ್ನು ಮತ್ತೆ ವಿವರಿಸುವುದಿಲ್ಲ. ಅವರು ವಿಭಿನ್ನ ಆಟಗಾರರು. ಇದು ಆಟದ ತಂತ್ರ, ಎಲ್ಲ ಆಟಗಾರರು ವಿಭಿನ್ನರು. ನಾನು ದಲೋಟ್, ರಾಫೆಲ್ ಅವರನ್ನು ಸಹ ಪರಿಚಯಿಸಿದ್ದೇನೆ. ಕ್ಯಾನ್ಸೆಲೋ ಕೂಡ ಅಸಾಧಾರಣ ಆಟಗಾರ. ಸ್ವಿಟ್ಜರ್ಲೆಂಡ್ ವಿರುದ್ಧದ ಈ ಪಂದ್ಯಕ್ಕೆ ನಮಗೆ ಬೇಕು ಎಂದು ನಾನು ಭಾವಿಸಿದ್ದೆವು,” ಎಂದಿದ್ದಾರೆ.
ರಾಜ್ಯ ರಾಜಕೀಯದಲ್ಲಿ ತಾರಕಕ್ಕೇರಿದ ಮುಲ್ಲಾ, ಖಾನ್ ವಾರ್
