​ಹೆಬ್ಬಾಳದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಚನ್ನರಾಜ್ ಹಟ್ಟಿಹೊಳಿ ಪರ ಜಾರಕಿಹೊಳಿ ಮತಯಾಚನೆ

ಪ್ರಗತಿವಾಹಿನಿ ಸುದ್ದಿ, ಯಮಕನಮರಡಿ:  ” ಜಿಲ್ಲೆಯ ವಿಧಾನ ಪರಿಷತ್ ಗೆ  ಇದೇ ಡಿ. 10 ರಂದು ನಡೆಯುವ ಚುನಾವಣೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಚನ್ನರಾಜ್ ಹಟ್ಟಿಹೊಳಿ ಅವರಿಗೆ ಪ್ರಥಮ ಪ್ರಾಶಸ್ತ್ಯ ಮತ ನೀಡಿ, ಬಹು ಅಂತರದಿಂದ ಗೆಲ್ಲಿಸಬೇಕು. ಈ ಗೆಲುವಿನಿಂದ ಕ್ಷೇತ್ರದ ಅಭಿವೃದ್ಧಿಗೆ  ಮತ್ತಷ್ಟು ಸಹಕಾರವಾಗಲಿದೆ ಎಂದು ” ಕೆಪಿಸಿಸಿ ಕಾರ್ಯಾಧ್ಯಕ್ಷ ಸತೀಶ ಜಾರಕಿಹೊಳಿ ಅವರು ಹೇಳಿದರು.

ಹೆಬ್ಬಾಳ ಜಿಲ್ಲಾ ಪಂಚಾಯತ ಯಾವುದೇ ಸ್ಥಳೀಯ ಚುನಾವಣೆ ಹಾಗೂ ವಿಧಾನಸಭಾ ಚುನಾವಣೆ  ನಡೆದರೂ, ನಮ್ಮ​ನ್ನು​ ಬೆಂಬಲಿಸಿ ಹೆಚ್ಚಿ​ನ​ ಮತಗಳನ್ನು ನೀಡಿ ಸಹಕಾರ ನೀಡಿ​ದ್ದೀರಿ​. ಈ ಚುನಾವಣೆ ನ​ಮ​ಗೆ ಪ್ರತಿ​ಷ್ಠೆಯಾಗಿದೆ.  ಹಾಗಾಗಿ ಗ್ರಾಪಂ ಚುನಾಯಿತ ಪ್ರತಿನಿಧಿಗಳ ಮೇಲೆ ಬಾಹಳಷ್ಟು ಜವಾಬ್ದಾರಿ ಇದೆ. ಅದಕ್ಕಾಗಿ ಸದಸ್ಯರು ಅಭ್ಯರ್ಥಿ ಗೆ​ಲು​ವಿಗೆ  ಶ್ರಮಿಸಬೇಕು ಎಂದರು.

ಯಮಕನಮರಡಿ ವಿಧಾನಸಭಾ ಮತಕ್ಷೇತ್ರ ಹಾಗೂ ಹೆಬ್ಬಾಳ ಪಂಚಾಯತ್  ವ್ಯಾಪ್ತಿಯಲ್ಲಿ ಸಾಕಷ್ಟು ಅಭಿವೃದ್ಧಿ ಕಾರ್ಯಗಳನ್ನು ಮಾಡಲಾಗಿದೆ. ಈ ಬಾ​ರಿ​​ ವಿಧಾನ ಪರಿಷತ್ ಚುನಾವಣೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಚನ್ನರಾಜ್ ಹಟ್ಟಿಹೊಳಿ​ಯವ​ರನ್ನು ಬಹು ಅಂತರದಿಂದ ಗೆ​ಲ್ಲಿ​ಸುವ ಮೂಲಕ, ಬರುವ ದಿನಗಳಲ್ಲಿ ಕ್ಷೇತ್ರದಲ್ಲಿ ಅಭಿವೃದ್ಧಿ ಪರ್ವಕ್ಕೆ ನಾಂದಿ ಹಾಡಲಾಗುವುದು.​ ​ಚುನಾವಣೆ ಇ​ರೋ​ದ್ರಿಂದ ಬೇರೆ-ಬೇರೆ ಪಕ್ಷದವರು ಆಸೆ​ ​-ಆಮಿಷ​ ​​ಒ​ಡ್ಡುವ ಯತ್ನ ಮಾಡುತ್ತಿದ್ದಾರೆ. ಅಂತವರ  ಮಾತುಗಳಿಗೆ ಮಾರುಹೋಗದೇ ಒಗ್ಗಟ್ಟಿನಿಂದ ಕಾಂಗ್ರೆಸ್ ಅಭ್ಯರ್ಥಿ​ಗೆ​ ಮತ ಚಲಾಯಿಸಬೇಕು. ಈ ಗೆಲುವು ಮುಂಬರುವ ವಿಧಾನಸಭೆಯ  ಚುನಾವಣೆಯ ದಿಕ್ಸೂಚಿಯಾಗಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.

ಈ ಸಂದರ್ಭದಲ್ಲಿ  ಈರಣ್ಣ ಬಿಸಿರೋಟ್ಟಿ, ಪಪ್ಪುಗೌಡ ಪಾಟೀಲ್ , ಕುಶಾಲ್ ಖೋತ, ಮಹಾತೇಂಶ ಮಗದುಮ್ಮ , ಇಲಿಯಾಸ್ ಇನಾಮಾದಾರ್ , ಆನಂದ ತವಗಮಠ, ಸುದೀರ ಗಿರಿಗೌಡರ, ಸುರೇಶ ಹುದ್ದಾರ, ನಿಂಗನಗೌಡ ಪಾಟೀಲ್ , ರಾಜು ಅವಠೆ, ಕಿರಣ ರಜಪೂತ್ ಹಾಗೂ ಇತರರು ಇದ್ದರು.