
ಪ್ರಗತಿವಾಹಿನಿ ಸುದ್ದಿ, ಶಿಲ್ಲಾಂಗ್: ಇದು ಫೋಟೋಗ್ರಾಫಿಯ ತಂತ್ರಗಾರಿಕೆಯೋ, ಗ್ರಾಫಿಕ್ ಗಿಮಿಕ್ಕೋ ಎಂದು ತಿಳಿದರೆ ತಪ್ಪಾದೀತು. ಇದೊಂದು ಸ್ಫಟಿಕದಷ್ಟೇ ಸ್ಪಷ್ಟ ನದಿಯ ನೈಜ ಚಿತ್ರ.
ಮೇಘಾಲಯದ ಸ್ಫಟಿಕ-ಸ್ಪಷ್ಟ ಉಮ್ಗೋಟ್ ನದಿಯಲ್ಲಿ ಮಹಿಳೆಯನ್ನು ಹೊತ್ತೊಯ್ಯುತ್ತಿರುವ ದೋಣಿಯನ್ನು ತೋರಿಸುವ ವಿಡಿಯೋ ಒಂದು ಸಖತ್ ವೈರಲ್ ಆಗಿದೆ. ಫೆ. 2 ರಂದು ‘ಗೋ ಅರುಣಾಚಲ ಪ್ರದೇಶ’ ಟ್ವಿಟರ್ನಲ್ಲಿ ವೀಡಿಯೊವನ್ನು ಹಂಚಿಕೊಂಡಿದೆ.
ಕೇಂದ್ರ ಸರ್ಕಾರ 2021 ರ ನವೆಂಬರ್ ನಲ್ಲಿ ಉಮ್ಗೋಟ್ ನದಿಯಲ್ಲಿ ದೋಣಿಯ ಫೋಟೋವನ್ನು ಹಂಚಿಕೊಂಡಿತ್ತು. ಇದು ವಿಶ್ವದ ಅತ್ಯಂತ ಸ್ವಚ್ಛ ನದಿಗಳಲ್ಲಿ ಒಂದಾಗಿದೆ ಎಂದು ಹೇಳಿಕೊಂಡಿತ್ತು.
ಬಹುತೇಕ ನದಿಗಳು ಮಾಲಿನ್ಯದ ಸಮಸ್ಯೆಗೆ ಸಿಲುಕಿದ್ದರೆ ಮೇಘಾಲಯದ ಸ್ವಚ್ಛ ನದಿಯ ವೀಡಿಯೊ ಅನೇಕರಲ್ಲಿ ಅಚ್ಚರಿ ಹುಟ್ಟಿಸಿದೆ. ಮನುಷ್ಯನ ಮನಸ್ಸು ಮಲೀನವಾಗದಿದ್ದರೆ ಪ್ರಕೃತಿಯಲ್ಲಿ ಮಾಲಿನ್ಯ ಉಳಿಯಲಾರದೆಂಬುದನ್ನು ಈ ನದಿ ತೋರಿಸುತ್ತಿದೆ.
ಉಮ್ಗೋಟ್ ನದಿ ಜಗತ್ತಿನಲ್ಲೇ ಅತ್ಯಂತ ಸ್ವಚ್ಛ ನದಿ ಎಂದು ಹೆಸರಾಗಿದೆ. ಇದನ್ನು ಡವ್ಕಿ ನದಿ ಎಂದೂ ಕರೆಯುತ್ತಾರೆ. ಈ ನದಿಯ ಮೇಲ್ಮೈಯಿಂದ ನದಿಯ ಆಳದಲ್ಲಿರುವ ಪರಿಸರದ ಉಸುಕು, ಬೆಣಚುಕಲ್ಲು, ಸಸ್ಯಗಳೆಲ್ಲ ಗಾಜಿನಲ್ಲಿ ಕಂಡಂತೆ ಸ್ಪಷ್ಟವಾಗಿ ಗೋಚರಿಸುತ್ತವೆ. ಹಚ್ಚ ಹಸಿರು ಬೆಟ್ಟಗಳಿಂದ ಸುತ್ತುವರಿದ ಈ ಸ್ಥಳ ಪ್ರಾಕೃತಿಕ ಸೌಂದರ್ಯಕ್ಕೆ ಹೆಸರಾಗಿದೆ.
*ಅಂತರರಾಷ್ಟ್ರೀಯ ಕ್ಯಾನ್ಸರ್ ದಿನಾಚರಣೆ*
https://pragati.taskdun.com/international-cancer-daybelagavihnji-cancer-hospital/
*ಮಹಾಶಿವರಾತ್ರಿ ಮಹೋತ್ಸವ; ನಿಡಸೋಸಿಯ ಜಗದ್ಗುರು ದುರದುಂಡೀಶ್ವರ ಸಿದ್ಧ ಸಂಸ್ಥಾನ ಮಠದಲ್ಲಿ ವಿವಿಧ ಧಾರ್ಮಿಕ ಕಾರ್ಯಕ್ರಮ*
https://pragati.taskdun.com/mahashivaratri-mahotsavanidasosiduradundishwara-sidda-samstana/
https://pragati.taskdun.com/retired-employees-associationsamaveshabelagavidr-l-bhairappa/