ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ
ನಗರದ ಶ್ರವಣ ವಿಕಲಚೇತನ ಈಜು ಕ್ರೀಡಾಪಟು ಉಮೇಶ ಖಾಡೆ ನವದೆಹಲಿಯಲ್ಲಿ ನಡೆದ ೨೨ನೇ ರಾಷ್ಟ್ರೀಯ ಶ್ರವಣ ವಿಕಲಚೇತನರ ಈಜುಸ್ಪರ್ಧೆಯಲ್ಲಿ ೩ ಚಿನ್ನದ ಪದಕ ಪಡೆದು ಸಾಧನೆ ಮಾಡಿದ್ದಾರೆ. ೫೦ ಮೀ., ೧೦೦ ಮೀ. ಹಾಗೂ ೨೦೦ ಮೀ. ಬ್ರೆಸ್ಟ್ ಸ್ಟ್ರೋಕ್ ಈಜು ವಿಭಾಗದಲ್ಲಿ ಭಾಗವಹಿಸಿದ ಉಮೇಶ ಮೂರೂ ವಿಭಾಗಗಳಲ್ಲಿ ಚಿನ್ನದ ಪದಕ ಪಡೆದಿದ್ದಾರೆ. ಈ ಕ್ರೀಡಾಕೂಟದಲ್ಲಿ ೨೫ ರಾಜ್ಯಗಳ ಒಟ್ಟು ೩೫೦ ಸ್ಪರ್ಧಿಗಳು ಭಾಗವಹಿಸಿದ್ದರು.
ಉಮೇಶ ಖಾಡೆ ಬೆಳಗಾವಿಯ ರೋಟರಿ ಕಾರ್ಪೊರೇಷನ್ ಸ್ಪೊರ್ಟ್ಸ ಅಕಾಡೆಮಿಯ ಉದ್ಯೋಗಿಯಾಗಿದ್ದು, ಬೆಳಗಾವಿ ಸ್ವಿಮ್ಮರ್ಸ್ ಕ್ಲಬ್ ಹಾಗೂ ಅಕ್ವೇರಿಯಸ್ ಸ್ವಿಮ್ ಕ್ಲಬ್‌ಗಳ ಸದಸ್ಯರಾಗಿದ್ದಾರೆ. ಆನಂದೇಶ್ವರ ಪಾಟೀಲ ಹಾಗೂ ಉಮೇಶ ಕಲಘಟಗಿ ಇವರಿಗೆ ಮಾರ್ಗದರ್ಶನ ನೀಡಿದ್ದಾರೆ.
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
