ಪ್ರಗತಿವಾಹಿನಿ ಸುದ್ದಿ; ಬೆಳಗಾವಿ: ಜಮೀನು ವಿವಾದದಲ್ಲಿ ಅಣ್ಣ-ತಮ್ಮಂದಿರ ನಡುವೆ ಆರಂಭವಾದ ಜಗಳ ಕೊಲೆಯಲ್ಲಿ ಅಂತ್ಯವಾದ ಘಟನೆ ಬೆಳಗಾವಿ ಜಿಲ್ಲೆಯ ಬೈಲಹೊಂಗಲ ತಾಲೂಕಿನ ತಿಗಡಿ ಗ್ರಾಮದಲ್ಲಿ ನಡೆದಿದೆ.
28 ಎಕರೆ ಜಮೀನಿಗೆ ಸಂಬಂಧಿಸಿದಂತೆ ಐವರು ಸಹೋದರರು ಹಾಗೂ ಅವರ ಮಕ್ಕಳ ನಡುವೆ ಗಲಾಟೆ ಆರಂಭವಾಗಿ, ನಿವೃತ್ತ ಸೈನಿಕನಾಗಿದ್ದ ಸಹೋದರನನ್ನೇ ಸ್ವಂತ ಅಣ್ಣ ಹತ್ಯೆಗೈದು, ಬಳಿಕ ಪೊಲೀಸ್ ಠಾಣೆಯಲ್ಲಿ ಶರಣಾಗಿದ್ದಾನೆ.
ಮೊದಲ ಸಹೋದರ ಹಾಗೂ ಅವರ ಮಕ್ಕಳು ಮಾಹಿತಿ ನೀಡದೇ ಬೆಳೆ ಕಟಾವ್ ಮಾಡುತ್ತಿದ್ದಾರೆ ಎಂದು ಗೊತ್ತಾಗುತ್ತಿದ್ದಂತೆ ನಿವೃತ್ತ ಸೈನಿಕರಾಗಿದ್ದ ಸುರೇಶ್ ಹಾಗೂ ಸದಾಶಿವ ಸ್ಥಳಕ್ಕೆ ತೆರಳಿ ವಿಚಾರಿಸಿದಾಗ ಜಗಳ ಆರಂಭವಾಗಿದ್ದು, ಈ ವೇಳೆ ಅಣ್ಣ ಹಾಗೂ ಆತನ ಮಕ್ಕಳು ಸುರೇಶ್ ಹಾಗೂ ಸದಾಶಿವನ ಮೇಲೆ ಮಾರಣಾಂತಿಕವಾಗಿ ಹಲ್ಲೆ ನಡೆಸಿದ್ದಾರೆ. ಘಟನೆಯಲ್ಲಿ ನಿವೃತ್ತ ಸೈನಿಕ ಸುರೇಶ್ ಸ್ಥಳದಲ್ಲೇ ಮೃತಪಟ್ಟಿದ್ದರೆ, ಸದಾಶಿವ ಗಂಭೀರವಾಗಿ ಗಾಯಗೊಂಡು ಬೆಳಗವೈ ಆಸ್ಪತ್ರೆಗೆ ಸೇರಿದ್ದಾರೆ.
ಆರೋಪಿ ಶಂಕ್ರಪ್ಪ ಕಣಗಾವಿ ಪೊಲೀಸ್ ಠಾಣೆಗೆ ಬಂದು ಶರಣಾಗಿದ್ದು, ಆತನಿಂದ ಕೃತ್ಯಕ್ಕೆ ಬಳಸಲಾಗಿದ್ದ ಮಾರಕಾಸ್ತ್ರಗಳನ್ನು ವಶಕ್ಕೆ ಪಡೆಯಲಾಗಿದೆ. ಬೈಲಹೊಂಗಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರೆದಿದೆ.
https://pragati.taskdun.com/odisha-train-ragidysignal-problemjaya-varma/
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
