*ಲಾಡ್ಜ್ ನಲ್ಲಿ ಸಾವಿರಾರು ಸೀರೆಗಳು ಪತ್ತೆ: ಲಾಡ್ಜ್ ನ ಎರಡು ಕೊಠಡಿ ಸೀಜ್*

ಪ್ರಗತಿವಾಹಿನಿ ಸುದ್ದಿ: ಲೋಕಸಭಾ ಚುನಾವಣೆ ಸಮಯದಲ್ಲಿ ವಿಜಯನಗರ ಜಿಲ್ಲೆಯ ಹೊಸಪೇಟೆಯ ಲಾಡ್ಜವೊಂದರಲ್ಲಿ ಸಾವಿರಾರು ಸೀರೆಗಳು ಪತ್ತೆ ಆಗಿದ್ದು, ಯಾವುದೇ ದಾಖಲೆ ಇಲ್ಲದ ಅನಧಿಕೃತ ಸೀರೆಗಳು ಪತ್ತೆಯಾಗಿರುವುದು ಹಲವು ಅನುಮಾನಗಳಿಗೆ ಕಾರಣವಾಗಿದೆ.

ಚುನಾವಣೆ ಸಂದರ್ಭದಲ್ಲಿ ಮತದಾರರಿಗೆ ಆಮಿಷದ ರೂಪದಲ್ಲಿ ಸೀರೆಗಳನ್ನು ಹಂಚಲು ತಂದಿರಬಹುದೆಂಬ ಅನುಮಾನ ಹುಟ್ಟಿಕೊಂಟಿದ್ದು, ಹೊಸಪೇಟೆಯ ಡಿವೈಎಸ್ಪಿ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ‌ ಮಾಡಿದ್ದಾರೆ.

ಇನ್ನೂ ಈ ಸೀರೆಗಳು ಯಾವ ಪಕ್ಷಕ್ಕೆ ಸೇರಿವೆ ಎಂಬುದು ಸದ್ಯಕ್ಕೆ ತಿಳಿದು ಬಂದಿಲ್ಲ. ಹೊಸಪೇಟೆಯ ಖಾಸಗಿ ಲಾಡ್ಜವೊಂದರ ಎರಡು ಕೊಠಡಿಗಳಲ್ಲಿ ಸೀರೆಗಳು ಪತ್ತೆಯಾಗಿವೆ. ಹೊಸಪೇಟೆ ಠಾಣಾ ಸಿಬ್ಬಂದಿಯು ಆ ಎರಡು ಕೊಠಡಿಗಳನ್ನತ ಲಾಕ್ ಮಾಡಿ ತಮ್ಮ ವಶಕ್ಕ ತೆಗೆದುಕೊಂಡಿದ್ದಾರೆ.

Home add -Advt