ಕಿತ್ತೂರು ಉತ್ಸವಕ್ಕೆ 1 ಕೋಟಿ ರೂ ಅನುದಾನ
ಪ್ರಗತಿವಾಹಿನಿ ಸುದ್ದಿ, ಚನ್ನಮ್ಮನ ಕಿತ್ತೂರು – ಅ.23 ರಂದು ನಡೆಯುವ ಕಿತ್ತೂರು ಉತ್ಸವ ಕ್ಕೆ ಸಿಎಂ. ಯಡಿಯೂರಪ್ಪ 1 ಕೋಟಿ ರೂ. ಅನುದಾನ ಬಿಡುಗಡೆಗೆ ಆದೇಶ ಮಾಡಿದ್ದಾರೆ ಎಂದು ಶಾಸಕ ಮಹಾಂತೇಶ ದೊಡಗೌಡರ ಹೇಳಿದರು.
ಸೋಮವಾರ ಶಾಸಕರ ಕಛೇರಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಕಳೆದ ಬಾರಿಯೂ ಉತ್ಸವಕ್ಕೆ 1 ಕೋಟಿ ಅನುದಾನ ನೀಡಿದ್ದರು. ಆದರೆ ಅದರಲ್ಲಿ 50 ಲಕ್ಷ ರೂ ಅನುದಾನ ಮಾತ್ರ ಸರಕಾರ ನೀಡಿತ್ತು. ಈ ಬಾರಿ ಕಳೆದ ವರ್ಷದ ಇನ್ನುಳಿದ 50 ಲಕ್ಷ ರೂ ಅನುದಾನವನ್ನು ಕೂಡಾ ನೀಡಿದ್ದಾರೆ. ಅದರ ಜೊತೆ ಈ ವರ್ಷದ ಉತ್ಸವಕ್ಕೆ ಮತ್ತೆ 1 ಕೋಟಿ ರೂ ಅನುದಾನ ನೀಡಿದ್ದಾರೆ.
ಆದರೆ ಈ ವರ್ಷ ಸುರಿದ ಬಾರಿ ಮಳೆ ಪ್ರವಾಹದಿಂದ ಉತ್ಸವವನ್ನು ಅದ್ದೂರಿಯಾಗಿ ಆಚರಣೆ ಮಾಡಬೇಕಾ? ಅಥವಾ ಸರಳವಾಗಿ ಆಚರಣೆ ಮಾಡಬೇಕಾ? ಎಂದು ಉತ್ಸವದ ಪೂರ್ವ ಬಾವಿ ಸಭೆ ಕರೆದು ಕಿತ್ತೂರು ನಾಗರಿಕರನ್ನು ಕೇಳಿ ತಿರ್ಮಾನ ಕೈಗೊಳ್ಳುತ್ತೇನೆ ಎಂದು ಹೇಳಿದರು.
ಇದನ್ನೂ ಓದಿ – ಅಂತೂ ಜಿಲ್ಲಾ ಉಸ್ತುವಾರಿ ಸಚಿವರ ನೇಮಕ
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
