ಪ್ರಗತಿವಾಹಿನಿ ಸುದ್ದಿ, ಮೂಡಲಗಿ:- ಸ್ಥಳೀಯ ಶ್ರೀ ಮಹಾಲಕ್ಷ್ಮೀ ಅರ್ಬನ್ ಸೊಸಾಯಿಟಿಯ ನಿರ್ದೇಶಕ ಮತ್ತು ಮಾಳಿ ಸಮಾಜದ ತಾಲೂಕಾಧ್ಯಕ್ಷ ಮುತ್ತಪ್ಪ ಭೀಮಪ್ಪ ಈರಪ್ಪನವರ ಅವರ ಮಾತೋಶ್ರಿ ಶತಾಯುಷಿ ಭಾಗವ್ವಾ ಇವರ ಜನ್ಮ ಶತಮಾನೋತ್ಸವ ಸಮಾರಂಭವನ್ನು ನ.೧೯ ಮಂಗಳವಾರದಂದು ವಿಶಿಷ್ಟ ರೀತಿಯಿಂದ ಹಮ್ಮಿಕೊಳ್ಳಲಾಗಿದೆ ಎಂದು ಪುರಸಭೆ ಮಾಜಿ ಸದಸ್ಯ ಪ್ರಕಾಶ ಈರಪ್ಪನವರ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.
ಪಟ್ಟಣದ ಹೊಸನಗರದಲ್ಲಿರುವ ಈರಪ್ಪನವರ ತೋಟದಲ್ಲಿ ನಡೆಯುವ ಸಮಾರಂಭವು ವಿಶಿಷ್ಠ ರೀತಿಯಿಂದ ಕೂಡಿದ್ದು ಮಾತೋಶ್ರೀ ಭಾಗವ್ವಾ ಅವರು ಮಕ್ಕಳು, ಮೊಮ್ಮಕ್ಕಳು, ಮರಿ ಮೊಮ್ಮಕ್ಕಳು ಮತ್ತು ಹಿರಿ ಮೊಮ್ಮಕ್ಕಳ ೫ ನೇ ತಲೆಮಾರಿನ ಹಿರಿಯರಾಗಿದ್ದು ಇವರ ಸಮಕಾಲಿನ ಸುಮಾರು ೮೫ ರಿಂದ ೧೦೦ ವರ್ಷ ವಯೋಮಾನದ ೫೦ಕ್ಕೂ ಹೆಚ್ಚು ಅವರ ಹಿರಿಯ ಗೆಳತಿಯರನ್ನು ಗುರುತಿಸಿದ್ದು ಇವರನ್ನು ಸನ್ಮಾನಿಸಲಾಗುವುದು.
ಸಮಾರಂಭದ ದಿವ್ಯ ಸಾನಿಧ್ಯವನ್ನು ಶ್ರೀಪಾದಬೋಧ ಮಹಾ ಸ್ವಾಮಿಗಳು ಮತ್ತು ಕೊಲ್ಹಾಪುರದ ಕನ್ಹೇರಿ ಕಾಡಶಿದ್ದೇಶ್ವರ ಮಠದ ಶ್ರೀ ಮುಪ್ಪಿನ ಕಾಡಸಿದ್ದೇಶ್ವರ ಸ್ವಾಮಿಗಳು ಭಾಗವಹಿಸುವರು.
ಅಶೋಕ ಪೂಜಾರಿಗಾಗಿ ಬೆಂಗಳೂರಿನಿಂದ ಹೊರಟ ಜೆಡಿಎಸ್ ಬಿ ಫಾರ್ಮ್
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
