ಬೆಳಗಾವಿಯಲ್ಲಿ ಆಯುಷ್ ಮಾನ್ ಭಾರತ್-ಆರೋಗ್ಯ ಕರ್ನಾಟಕ ಕಾರ್ಡ್ ವಿತರಣೆ

ಪ್ರಗತಿವಾಹಿನಿ ಸುದ್ದಿ; ಬೆಳಗಾವಿ: ಬೆಳಗಾವಿಯಲ್ಲಿ ತಲಾ 1000 ಜನರಿಗೆ ಆಯುಷ್ ಮಾನ್ ಭಾರತ್-ಆರೋಗ್ಯ ಕರ್ನಾಟಕ ಕಾರ್ಡುಗಳನ್ನು ಬೆಳಗಾವಿ ದಕ್ಷಿಣ ಮತಕ್ಷೇತ್ರದ ಶಾಸಕ ಅಭಯ ಪಾಟೀಲ್ ವಿತರಣೆ ಮಾಡುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.

ಶಾಸಕ ಅಭಯ ಪಾಟೀಲ್ ಕ್ಷೇತ್ರದ ಜನತೆಗೆ ಆಯುಷ್ ಮಾನ್ ಭಾರತ ಆರೋಗ್ಯ ಕರ್ನಾಟಕ ಕಾರ್ಡ್ ಮಾಡಿಕೊಡುವ ಉದ್ದೇಶದಿಂದ ಸುಮಾರು ಒಂದು ವರ್ಷದ ಹಿಂದಯೇ 17 ಕಡೆಗಳಲ್ಲಿ ಕ್ಯಾಂಪ್ ಮಾಡಿ, ಸದರಿ ಕ್ಯಾಂಪ್ ಗಳಿಗೆ ಅವಶ್ಯವಿರುವ ಕಂಪ್ಯೂಟರ್, ಇಂಟರನೇಟ್, ಪೀಠೋಪಕರಣ, ಸಾರಿಗೆ ವ್ಯವಸ್ಥೆ, ಆಪರೇಟರುಗಳಿಗೆ ಉಪಹಾರ, ಊಟದ ವ್ಯವಸ್ಥೆ ಹಾಗೂ ಮುಂತಾದ ಸೌಲಭ್ಯಗಳನ್ನು ಸ್ವಂತ ಖರ್ಚಿನಲ್ಲಿ ನೀಡುವ‌ ಮೂಲಕ ಅಭಿಯಾನವನ್ನು ಪ್ರಾರಂಭಿಸಿದ್ದರು.

ಸದರಿ ಅಭಿಯಾನದಲ್ಲಿ ಆಯಾಭಾಗದ ಸುಮಾರು 97 ಸಾವಿರಕ್ಕೂ ಹೆಚ್ಚು ಜನರು ಇದರ ಸದುಪಯೋಗವನ್ನು ಪಡೆದುಕೊಂಡು ಕಾರ್ಡಗಳನ್ನು ಮಾಡಿಕೊಂಡಿದ್ದರು. ಸದರಿ ಆಯುಷ್ ಮಾನ್ ಭಾರತ-ಆರೋಗ್ಯ ಕರ್ನಾಟಕ ಕಾರ್ಡಗಳ ವಿತರಣೆ ಕಾರ್ಯಕ್ರಮವನ್ನು ಪ್ರಾರಂಭಿಸಲಾಗಿದೆ. ಮೊದಲನೆ ಹಂತವಾಗಿ ಶಾಸಕ ಅಭಯ ಪಾಟೀಲ್ ದೇವಾಂಗ ಮಂಗಲ ಕಾರ್ಯಾಲಯ, ಬಸವೇಶ್ವರ ವೃತ್ತ, ಖಾಸಭಾಗ, ಬೆಳಗಾವಿ ಇಲ್ಲಿ ಹಾಗೂ ಶ್ರೀ ಚಾಂಗಳೇಶ್ವರ ದೇವಸ್ಥಾನ, ಯಳ್ಳೂರ, ಬೆಳಗಾವಿಯಲ್ಲಿ ತಲಾ 1000 ಸಾವಿರ ಜನರಿಗೆ ಕಾರ್ಡ್ ಗಳನ್ನು ವಿತರಣೆ ಮಾಡಿದರು.

ಈ ಸಂದರ್ಭದಲ್ಲಿ ಗೀತಾ ಸುತಾರ, ಅಧ್ಯಕ್ಷರು ಬಿಜೆಪಿ, ಬೆಳಗಾವಿ ದಕ್ಷಿಣ, ನಾರಾಯಣ ಕುಲಗೋಡ ಹಾಗೂ ಯಳ್ಳೂರ ಗ್ರಾಮದ ಪಂಚಾಯತ ಸದಸ್ಯರು, ಕಾರ್ಯಕರ್ತರು ಹಾಗೂ ಗ್ರಾಮಸ್ಥರು ಉಪಸ್ಥಿತಿತರಿದ್ದರು.

ಮುಂದಿನ ದಿನಗಳಲ್ಲಿ ಹಂತ ಹಂತವಾಗಿ ಕ್ಷೇತ್ರದಲ್ಲಿ ಉಳಿದಿರುವ ಕಾರ್ಡಗಳನ್ನು ವಿತರಿಸಲಾಗುವುದೆಂದು ಅಭಯ ಪಾಟೀಲ್ ಈ ಸಂದರ್ಭದಲ್ಲಿ ತಿಳಿಸಿದರು.