ಪ್ರಗತಿವಾಹಿನಿ ಸುದ್ದಿ, ಶಿರಸಿ:
ಸುನೀಲ್ ಹೆಗಡೆ ಮತ್ತು ಅವರ ಹೆಂಡತಿ ಕ್ಯಾಸಿನೋದಲ್ಲಿ ಬೌನ್ಸರ್ ಎದುರು ತಿರುಗುತ್ತಾ ಇರಬೇಕು. ಅವರು ಬೌನ್ಸರ್ ಬಳಿ ತಿಂದ ಏಟನ್ನು ನನ್ನ ಮೇಲೆ ಹಾಕುತ್ತಿದ್ದಾರೆ ಎಂದು ಜೆಡಿಎಸ್ ಅಭ್ಯರ್ಥಿ ಆನಂದ್ ಅಸ್ನೋಟಿಕರ್ ತಿರುಗೇಟು ನೀಡಿದ್ದಾರೆ.
ಕಳೆದ ಎಂಎಲ್ಎ ಚುನಾವಣೆಯಲ್ಲಿ ಸೋತ ಬಳಿಕ ಅನಂದ್ ಅಸ್ನೋಟಿಕರ್ 5 ವರ್ಷ ಎಲ್ಲಿದ್ರು? ಎನ್ನುವ ಸುನೀಲ್ ಹೆಗಡೆ ಪ್ರಶ್ನೆಗೆ ಶಿರಸಿಯಲ್ಲಿ ಉತ್ತರಿಸಿದ ಅಸ್ನೋಟಿಕರ್, ಅವರು ಗಂಡ-ಹೆಂಡತಿ ನನ್ನ ಜೊತೆಯೇ ಕ್ಯಾಸಿನೋ ಕ್ಲಬ್ ಪಾರ್ಟಿಯಲ್ಲಿ ಇದ್ದರು. ನಾನು ಎಲ್ಲಿದ್ದೆ ಅನ್ನೋದು ಸುನಿಲ್ ಕುಟುಂಬಕ್ಕೆ ಗೊತ್ತಿದೆ. ಕ್ಯಾಸಿನೋ ಬೌನ್ಸರ್ಸ್ ನನಗೆ ಎಷ್ಟು ಹೊಡೆದಿದ್ರು ಅನ್ನೋದು ಸುನೀಲ್ ಹೆಗಡೆ ಮತ್ತು ಅವರ ಹೆಂಡತಿಗೇನೇ ಕೇಳಬೇಕು. ಈ ರೀತಿ ಅವರು ನನ್ನ ವೈಯಕ್ತಿಕ ವಿಚಾರ ಹೋದಲ್ಲೆಲ್ಲ ಮಾತನಾಡೋದು ತಪ್ಪು ಎಂದು ಅವರು ಹೇಳಿದರು.
ಈ ಹಿಂದೆ ಶಿರಸಿಯಲ್ಲಿ ಪತ್ರಿಕಾಗೋಷ್ಠಿ ನಡೆಸಿದ್ದ ಬಿಜೆಪಿ ಮಾಧ್ಯಮ ವಕ್ತಾರ ಸುನೀಲ್ ಹೆಗಡೆ, ಅನಂತ್ ಕುಮಾರ್ ಹೆಗಡೆ ಜಿಲ್ಲೆಯಲ್ಲಿ ಕಾಣಿಸಿಕೊಳ್ಳುತ್ತಿಲ್ಲ ಎನ್ನುವ ಅಸ್ನೋಟಿಕರ್ ಆರೋಪಕ್ಕೆ ಉತ್ತರ ನೀಡಿದ್ದರು. “ಲೋಕಸಭೆಗೆ ಜೆಡಿಎಸ್ ನಿಂದ ಟಿಕೆಟ್ ಸಿಕ್ಕ ಬೆನ್ನಲ್ಲೇ ಜಿಲ್ಲೆಯಲ್ಲಿ ಕಾಣಿಸಿಕೊಳ್ಳುವ ಅಸ್ನೋಟಿಕರ್ 5 ವರ್ಷ ಎಲ್ಲಿದ್ರು ಅನ್ನೋದನ್ನು ಕ್ಯಾಸಿನೋ ಬೌನ್ಸರ್ಸ್ ಗೇ ಕೇಳಬೇಕು” ಎಂದು ಲೇವಡಿ ಮಾಡಿದ್ದರು.
(ಪ್ರಗತಿವಾಹಿನಿ ಸುದ್ದಿಗಳನ್ನು ಎಲ್ಲ ಗ್ರುಪ್ ಗಳಿಗೆ ಶೇರ್ ಮಾಡಿ)
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
