ಹುಬ್ಬಳ್ಳಿ ಮಂದಿಗಾಗಿ ಹಾಡು ಮಾಡಿದ ಖ್ಯಾತ ರೇಡಿಯೋ ಜಾಕಿ ಮಾಹಿ

ಪ್ರಗತಿವಾಹಿನಿ; ಹುಬ್ಬಳ್ಳಿ: ಉತ್ತರ ಕರ್ನಾಟಕದ ಮೊದಲ ರೇಡಿಯೋ ಜಾಕಿ ಎಂಬ ಖ್ಯಾತಿಗೆ ಪಾತ್ರವಾಗಿರುವ ಆರ್​ಜೆ ಮಾಹಿ (ಮಹೇಶ ನೇತ್ರೇಕರ) ಹುಬ್ಬಳ್ಳಿಯ ಪ್ರತಿಭೆ. ರೇಡಿಯೋ ಜಾಕಿಯಾಗಿ, ಧಾರಾವಾಹಿ, ಸಿನಿಮಾಗಳಲ್ಲಿ ನಟನಾಗಿ, ನಿರೂಪಕನಾಗಿ  ಗುರುತಿಸಿಕೊಂಡಿದ್ದಾರೆ.

ಆರ್​ಜೆ ಮಾಹಿ ಈಗ ‘ಹುಬ್ಬಳ್ಳಿ ಗಿಚ್ ಐತಿ, ನಮ್ ಮಂದ್ಯಾಗ ಕಿಚ್ ಐತಿ …’ ಎಂಬ ಜವಾರಿ ಹಿಪ್​ಹಾಪ್ ವಿಡಿಯೋ ಗೀತೆಯನ್ನು ಮಾಡಿದ್ದಾರೆ. ಈ ಹಾಡು ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.

ಹುಬ್ಬಳ್ಳಿಯ ಪ್ರಾಮುಖ್ಯತೆಯನ್ನು ಜಗತ್ತಿಗೆ ತೋರಿಸುವ ಉದ್ದೇಶದಿಂದ ಮಾಹಿ ಈ ಹಾಡನ್ನು ಮಾಡಿದ್ದಾರೆ.ಆರ್​ಜೆ ಮಾಹಿ ವಿಶೇಷವಾಗಿ ರಚಿಸಿ, ಹಾಡಿ, ನಿರ್ದೇಶಿರುವ ‘ಹುಬ್ಬಳ್ಳಿ ಗಿಚ್ ಐತಿ …’ ಹಾಡು ಅಶ್ವಿನಿ ರೆಕಾರ್ಡಿಂಗ್ ಕಂಪನಿ (ಎಆರ್​ಸಿ) ಯೂಟ್ಯೂಬ್ ಚಾನೆಲ್​ನಲ್ಲಿ ಬಿಡುಗಡೆಯಾಗಿದೆ. ಖ್ಯಾತ ಸಂಗೀತ ನಿರ್ದೇಶಕ ಪ್ರಮೋದ ಸ್ಟಿಫನ್ ಸಂಗೀತ ನೀಡಿದ್ದು, ವಿನಾಯಕ ಬಾಕಳೆ, ವಿಜಯ ಬಾಕಳೆ ಸಂಕಲನ ಮಾಡಿದ್ದಾರೆ.
ತರಬೇತಿ ವೇಳೆ ಹೃದಯಾಘಾತ; ಐಆರ್ ಬಿ ಪೊಲೀಸ್ ದಾರುಣ ಸಾವು