ಪ್ರಗತಿವಾಹಿನಿ ಸುದ್ದಿ, ಮುಗಳಖೋಡ: ಪಟ್ಟಣದ ದಕ್ಷಿಣ ಭಾಗದಲ್ಲಿ ಹರಿಯುವ ಘಟಪ್ರಭಾ ಎಡದಂಡೆಯ ಜಮಖಂಡಿ ವಿಭಾಗ ನಾಲೆಯಲ್ಲಿ ಬಸವರಾಜ ಲಕ್ಷ್ಮಣ ಗೌಲತ್ತಿನವರ ಎಂಬ ಬಾಲಕ ಕೊಚ್ಚಿಹೋಗಿದ್ದಾನೆ.
ಶುಕ್ರವಾರ ಮಧ್ಯಾಹ್ನ ೧೨ ಗಂಟೆ ವೇಳೆಗೆ ಗೆಳೆಯರೊಂದಿಗೆ ಈಜಲು ಈ ಬಾಲಕ ಲಮಾಣಿ ತಾಂಡಾ ಹತ್ತಿರ ಕಾಲುವೆಗೆ ಹೋಗಿದ್ದ. ಕಾಲುವೆಗೆ ಇತ್ತೀಚೆಗೆ ಹೊಸದಾಗಿ ಕಾಂಕ್ರೀಟ್ ಕಾಮಗಾರಿಯಾಗಿದ್ದು, ನೀರಿನ ರಭಸಕ್ಕೆ ಸಿಲುಕಿ ಬಾಲಕ ಕೊಚ್ಚಿ ಹೋಗಿದ್ದಾನೆ.
Home add -Advt
ಸ್ಥಳೀಯರು ಹಾಗೂ ಪೋಷಕರಿಂದ ನಾಲೆಯಲ್ಲಿ ಬಾಲಕನನ್ನು ಹುಡುಕುವ ಕಾರ್ಯಾಚರಣೆ ನಡೆದಿದೆ. ಸುಲ್ತಾನಪೂರ ಮತ್ತು ಚಿಮ್ಮಡ ನಾಲೆಯ ಗೇಟ್ (ಕವಾಟ) ಗಳಿಗೆ ಬಲೆ ಹಾಕಲಾಗಿದ್ದು, ಬಾಲಕನ ದೇಹ ಪತ್ತೆಯಾಗಿಲ್ಲ. ಬಾಲಕನ ತಂದೆ-ತಾಯಿ ಆಕ್ರಂದನ ಮುಗಿಲು ಮುಟ್ಟಿದೆ.
