*ಬೆಳಗಾವಿ ವಿಮಾನ ನಿಲ್ದಾಣದಲ್ಲಿ ಪ್ರಗತಿಯಲ್ಲಿದೆ ADS-B ವ್ಯವಸ್ಥೆ ಸ್ಥಾಪನೆ ಕಾರ್ಯ*

ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ: ಬೆಳಗಾವಿ ವಿಮಾನ ನಿಲ್ದಾಣದಲ್ಲಿ ADS-B (ಆಟೋಮ್ಯಾಟಿಕ್ ಡಿಪೆಂಡೆಂಟ್ ಸರ್ವೆಲೆನ್ಸ್–ಬ್ರಾಡ್‌ಕಾಸ್ಟ್) ಎಂಬ ಆಧುನಿಕ ವಿಮಾನ ಮೇಲ್ವಿಚಾರಣಾ ವ್ಯವಸ್ಥೆಯ ಸ್ಥಾಪನೆ ಕಾರ್ಯ ಪ್ರಸ್ತುತ ಪ್ರಗತಿಯಲ್ಲಿದೆ.

ಈ ಹೊಸ ವ್ಯವಸ್ಥೆ ಕಾರ್ಯಾರಂಭಿಸಿದ ನಂತರ, ವಿಮಾನ ಸಂಚಾರ ನಿಯಂತ್ರಕರಿಗೆ ವಿಮಾನಗಳ ಚಲನವಲನವನ್ನು ಇನ್ನಷ್ಟು ನಿಖರವಾಗಿ ಗಮನಿಸಲು ಸಹಕಾರಿಯಾಗಲಿದೆ. 

ಇದರಿಂದ ವಿಮಾನ ಸಂಚಾರದ ಸುರಕ್ಷತೆ ಹೆಚ್ಚುವುದರ ಜೊತೆಗೆ, ವಾಯುಮಾರ್ಗದ ಉತ್ತಮ ಬಳಕೆ ಸಾಧ್ಯವಾಗಲಿದೆ. ADS-B ವ್ಯವಸ್ಥೆ ಪೂರ್ಣ ಪ್ರಮಾಣದಲ್ಲಿ ಕಾರ್ಯನಿರ್ವಹಿಸಲು ಆರಂಭಿಸಿದ ಬಳಿಕ, ಬೆಳಗಾವಿ ವಿಮಾನ ನಿಲ್ದಾಣದಲ್ಲಿ ವಿಮಾನ ಸಂಚಾರವು ಇನ್ನಷ್ಟು ಸುಗಮ ಹಾಗೂ ಪರಿಣಾಮಕಾರಿಯಾಗಿ ನಡೆಯಲಿದೆ ಎಂದು ನಿರೀಕ್ಷಿಸಲಾಗಿದೆ.