ಕದ್ದ ಆಭರಣ ಅಡವಿಟ್ಟಿದ್ದ ಭೂಪ ! ಹೆಡೆಮುರಿ ಕಟ್ಟಿದ ಬೆಳಗಾವಿ ಪೊಲೀಸರು

ಪ್ರಗತಿ ವಾಹಿನಿ ಸುದ್ದಿ, ಬೆಳಗಾವಿ:

ಚಿನ್ನಾಭರಣ ಕಳುವು ಮಾಡಿ ಬ್ಯಾಂಕಿನಲ್ಲಿ ಅಡವಿಟ್ಟು ಸಾಲಪಡೆದಿದ್ದ ಭೂಪನನ್ನು ಬೆಳಗಾವಿ ಪೊಲೀಸರು ಹೆಡೆಮುರಿಕಟ್ಟಿದ್ದಾರೆ. ಆರೋಪಿಯಿಂದ ಕಳುವು ಮಾಡಲಾದ ಆಭರಣವನ್ನು ವಶಕ್ಕೆ ಪಡೆಯಲಾಗಿದೆ.

ಹಿಂಡಲಗಾದ ಶಾಂತಾ ಬಸವರಾಜ ಪರಗೊನ್ನವರ ಎಂಬುವವರ ಮನೆಯಲ್ಲಿ ನ.30 ರಂದು ಚಿನ್ನಾಭರಣ ಕಳುವಾಗಿತ್ತು. ಮನೆಯ ಬೀಗ ಮುರಿದು ಚಿನ್ನಾಭರಣ ದೋಚಿಕೊಂಡು ಕಳ್ಳ ಪರಾರಿಯಾಗಿದ್ದನು. ಈ ಕುರಿತು ಬೆಳಗಾವಿ ಗ್ರಾಮೀಣ ಪೆÇಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.

ಎಸಿಪಿ ಗಿರೀಶ್ ನೇತ್ರತ್ವದಲ್ಲಿ ಪೆÇಲೀಸರು ತನಿಖೆ ನಡೆಸಿದ್ದು, ಡಿ.9 ರಂದು ಆರೋಪಿ ಬೈಲಹೊಂಗಲ ತಾಲೂಕಿನ ಕಡಸಗಟ್ಟಿ ಗ್ರಾಮದ ಮಲ್ಲಸರ್ಜ ಗಂಗಪ್ಪಾ ಕೊಟಬಾಗಿ (26) ಎಂಬುವವನ್ನು ಬಂಧಿಸಿದ್ದಾರೆ.

ವಿಚಾರಣೆ ನಡೆಸಿದಾಗ ಕಳ್ಳತನ ಮಾಡಿದ್ದ 46 ಗ್ರಾಂ ಬಂಗಾರದ ಆಭರಣಗಳನ್ನು ದೋಚಿಕೊಂಡು ಕಿತ್ತೂರಿನ ಖಾಸಗಿ ಬ್ಯಾಂಕ್‍ವೊಂದರದಲ್ಲಿ ಅಡವಿಟ್ಟಿರುವುದಾಗಿ ಒಪ್ಪಿಕೊಂಡಿದ್ದಾನೆ. ಆರೋಪಿಯಿಂದ ಆಭರಣವನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಸರಗಳ್ಳನ ಬಂಧನ
ಮಾಳಮಾರುತಿ ಠಾಣೆಯ ವ್ಯಾಪ್ತಿಯಲ್ಲಿ ನಗರದಲ್ಲಿ ಸರಗಳ್ಳತನ ಮಾಡುತ್ತಿದ್ದ ಆರೋಪಿ ಇಲ್ಲಿನ ವಂಟಮೂರಿ ಕಾಲನಿಯ ಜನತಾ ಪ್ಲಾಟಿನ ನಿವಾಸಿ ರಾಜು ಯಲ್ಲಪ್ಪ ಆಲಟ್ಟಿ (20) ಎಂಬುವವನನ್ನು ಪೊಲೀಸರು ಬಂಧಿಸಿದ್ದಾರೆ.

ಸರಗಳ್ಳತನದ ತನಿಖೆ ನಡೆಸಿದ ಮಾಳಮಾರುತಿ ಠಾಣೆಯ ಪಿಐ ಸುನೀಲ ಪಾಟೀಲ್ ನೇತ್ರತ್ವದ ತಂಡ, ಆರೋಪಿಯನ್ನು ಬಂಧಿಸಿದ್ದು, ಆತನಿಂದ 1.30 ಲಕ್ಷ ರೂ. ಮೌಲ್ಯದ ಬಂಗಾರದ ಮಂಗಳಸೂತ್ರ ವಶಪಡಿಸಿಕೊಂಡಿದ್ದಾರೆ.

*51ನೇ ವರ್ಷಕ್ಕೆ ಮೂರನೇ ಮಗುವಿನ ತಂದೆಯಾದ ಬಿಜೆಪಿ ಸಂಸದ*

https://pragati.taskdun.com/bjp-mp-manoj-tivari-became-father-of-baby-girl/

*ರಾಜ್ಯಕ್ಕೆ ಎರಡು ಶಾಕಿಂಗ್ ಸುದ್ದಿ…!*

https://pragati.taskdun.com/karnata1st-zika-virus5-yers-girlkarnatakacold-windrainbreathing-problemminister-sudhakarwarning/

*ಸಚಿವ ಸಂಪುಟ ವಿಸ್ತರಣೆ ಈಗ ಯಾರಿಗೆ ಬೇಕಾಗಿದೆ; ಎಲ್ಲಾ ಸಿಎಂ ಅವರೇ ಇಟ್ಟುಕೊಳ್ಳಲಿ…*

https://pragati.taskdun.com/belagavibasana-gowdapatil-yatnalcabinet-extantionreaction/