ಪ್ರಗತಿವಾಹಿನಿ ಸುದ್ದಿ, ಮೂಡಲಗಿ: ತಾಲೂಕಿನ ಯಾದವಾಡ ಗ್ರಾಮದಲ್ಲಿ ರವಿವಾರ 33
ವರ್ಷದ ಓರ್ವ ವ್ಯಕ್ತಿಗೆ ಕೊರೊನಾ ವೈರಸ್ ದೃಟಪಟ್ಟಿದ್ದರಿಂದ ತಾಲೂಕಿನ
ಜನತೆಯಲ್ಲಿ ಆತಂಕ ಮನೆ ಮಾಡಿದೆ.
ಯಾದವಾಡ ಗ್ರಾಮದಲ್ಲಿ ಹೊಟೆಲ್ ನಡೆಸುತ್ತಿದ್ದ ಓರ್ವ ವ್ಯಕ್ತಿ
ಅನಾರೋಗ್ಯದಿಂದ ಬಾಗಲಕೋಟೆಯ ಆಸ್ಪತ್ರೆಯಲ್ಲಿ ದಾಖಲಾದ
ಸಮಯದಲ್ಲಿ ಕೊರೊನಾ ವೈರಸ್ ದೃಡಪಟ್ಟಿದೆ.
ಗ್ರಾಮದಲ್ಲಿ ಕೊರೊನಾ ದೃಡಪಟ್ಟಿದ್ದರಿಂದ ಗ್ರಾಮದಲ್ಲಿ ಮುನ್ನೆಚ್ಚರಿಕೆ
ಕ್ರಮವಾಗಿ ಸ್ಯಾನಿಟೈಜರ್ ಸಿಂಪಡಣೆ ನಡೆಸಲಾಗಿದೆ. ಕರೊನಾ ದೃಡಪಟ್ಟ ವ್ಯಕ್ತಿಯ ಏರಿಯಾದಲ್ಲಿ 50 ಮೀಟರ್ ಸುತ್ತಳತೆ ಸಿಲ್ ಡೌನ್ ಮಾಡಲಾಗಿದ್ದು, ದೃಡಪಟ್ಟ ವ್ಯಕ್ತಿಯ
ಮನೆಯ ಐವರನ್ನು ಕ್ವಾರಂಟೈನ್ ಮಾಡಲಾಗಿದೆ.
ಮುಂಜಾಗೃತ ಕ್ರಮವಾಗಿ ಗ್ರಾ.ಪಂ, ಆರೋಗ್ಯ ಮತ್ತು ಪೋಲಿಸ್
ಇಲಾಖೆ, ಆಶಾಕಾರ್ಯಕರ್ತರು, ಮುಖಂಡರು ಸಭೆ ಸೇರಿ ಚರ್ಚಿಸಿದರು.
ಈ ಸಮಯದಲ್ಲಿ ಗ್ರಾ.ಪಂ ಅಧ್ಯಕ್ಷ ಯಲ್ಲಪ್ಪಗೌಡ ನ್ಯಾಮಗೌಡ್ರ,
ಆರೋಗ್ಯ ಸಹಾಯಕ ಎಸ್.ಪಿ.ಕೌಜಲಗಿ, ಎಸ್.ಐ.ಜಂಬಗಿ, ಶ್ರೀಶೈಲ್ ಚೌಡಾಪೂರ,
ಕಲ್ಮೇಶ ಗಾಣಿಗೇರ, ಪೊಲೀಸ್ ಇಲಾಖೆಯ ಕೃಷ್ಣಾ ಲಂಕೆನ್ನವರ, ಗ್ರಾ.
ಪಂ ಸದಸ್ಯರು, ಸಿಬ್ಬಂದಿ ವರ್ಗದವರು, ಕರವೇ ಕಾರ್ಯಕರ್ತರು,
ಮುಖಂಡರು ಇದ್ದರು.
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
