ಶುಲ್ಕ ಪಾವತಿಸದೇ ಶಾಲೆಗೆ ಬರಬೇಡ ಎಂದ ಆಡಳಿತ ಮಂಡಳಿ; ಆತ್ಮಹತ್ಯೆಗೆ ಶರಣಾದ ವಿದ್ಯಾರ್ಥಿನಿ

ಪ್ರಗತಿವಾಹಿನಿ ಸುದ್ದಿ; ಹೈದರಾಬಾದ್: ಶಾಲಾ ಶುಲ್ಕ ಪಾವತಿಸದೇ ಇದ್ದ ವಿದಾರ್ಥಿನಿಗೆ ಶಾಲೆಗೆ ಬರದಂತೆ ಆಡಳಿತ ಮಂಡಳಿ ಗದರಿದ್ದಕ್ಕೆ ಮನ ನೊಂದ ವಿದ್ಯಾರ್ಥಿನಿ ಆತ್ಮಹತ್ಯೆಗೆ ಶರಣಾಗಿರುವ ಘಟನೆ ಹೈದರಾಬಾದ್ ನ ನೆರೆಡ್ ಮೆಟ್ ನಲ್ಲಿ ನಡೆದಿದೆ.

ಯಶಸ್ವಿನಿ ಆತ್ಮಹತ್ಯೆಗೆ ಶರಣಾದ ವಿದ್ಯಾರ್ಥಿನಿ. ಖಾಸಗಿ ಶಾಲೆಯ 10ನೇ ತರಗತಿ ವಿದ್ಯಾರ್ಥಿನಿಯಾಗಿದ್ದು, ತಂದೆ-ತಾಯಿ ಕೂಲಿ ಕಾರ್ಮಿಕರಾಗಿದ್ದಾರೆ.

ಯಶಸ್ವಿನಿಗೆ ಶಾಲೆ ಆಡಳಿತ ಮಂಡಳಿ ಶುಲ್ಕ ಪಾವತಿಸುವಂತೆ ಸೂಚಿಸಿತ್ತು. ಆದರೆ ಹಣವಿಲ್ಲದೇ ವಿದ್ಯಾರ್ಥಿನಿಗೆ ಶುಲ್ಕ ಪಾವತಿಸಲು ಸಾಧ್ಯವಾಗಿಲ್ಲ. ಆ ಬಳಿಕ ಯಶಸ್ವಿನಿ ಶಾಲೆಗೆ ಹಾಜರಾಗಲು ಆಡಳಿತ ಮಂಡಳಿ ಅವಕಾಶವನ್ನು ನೀಡಿರಲಿಲ್ಲ ಇದೇ ಕಾರಣಕ್ಕೆ ನೊಂದು ವಿದ್ಯಾರ್ಥಿನಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ಪೊಲೀಸ್ ಅಧಿಕಾರಿ ನರಸಿಂಹ ಸ್ವಾಮಿ ತಿಳಿಸಿದ್ದಾರೆ.