*ಪ್ರಾಥಮಿಕ ಮತ್ತು ಪ್ರೌಢಶಾಲಾ ಶಿಕ್ಷಕರ ವರ್ಗಾವಣೆ ಕೌನ್ಸಲಿಂಗ್ ಬಗ್ಗೆ ಇಲ್ಲಿದ ಮಾಹಿತಿ*

ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ: 2024-25 ನೇ ಸಾಲಿನ ಸರಕಾರಿ ಪ್ರಾಥಮಿಕ ಮತ್ತು ಪ್ರೌಢಶಾಲಾ ಶಿಕ್ಷಕರ ಕೋರಿಕೆ ವರ್ಗಾವಣೆ ಕೌನ್ಸಲಿಂಗ್ ಪ್ರಕ್ರಿಯೆಗಳನ್ನು ದಿನಾಂಕ: 04-11-2025 ರಿಂದ 12-11-2025 ರವರೆಗೆ ನಗರದ ಜಿಝಾಮಾತಾ ಮರಾಠಿ ಪ್ರೌಢ ಶಾಲೆ ಚವ್ಹಾಟಗಲ್ಲಿಯಲ್ಲಿ ಜರುಗಲಿದೆ.

ಕೋರಿಕೆ ವರ್ಗಾವಣೆಗಳ ಗಣಕೀಕೃತ ಕೌನ್ಸಲಿಂಗ್ ಮೂಲಕ ಸ್ಥಳ ನಿಯುಕ್ತಿ ಪ್ರಕ್ರಿಯೆ ತಾಲೂಕಿನ ಒಳಗೆ ಮತ್ತು ತಾಲೂಕಿನ ಹೊರಗೆ ಪ್ರಾಥಮಿಕ ಶಿಕ್ಷಕರ ವೃಂದ ದಿನಾಂಕ: 04-11-2025 ರಿಂದ 06-11-2025 ರವರೆಗೆ ಹಾಗೂ ಪ್ರೌಢ ಶಿಕ್ಷಕರ ವೃಂದ ದಿನಾಂಕ: 07-11-2025 ರಿಂದ 10-11-2025 ರವರೆಗೆ ಹಾಗೂ ಪರಸ್ಪರ ವರ್ಗಾವಣೆ ಪ್ರಾಥಮಿಕ ಮತ್ತು ಪ್ರೌಢ ಪ್ರಾಥಮಿಕ/ಪ್ರೌಢ ಶಿಕ್ಷಕರ ವೃಂದ ದಿನಾಂಕ: 11-11-2025 ಪೂರ್ವಾಹ್ನ (ಪ್ರಾಥಮಿಕ) ಹಾಗೂ 11-11-2025 ಅಪರಾಹ್ನ (ಪ್ರೌಢ) ಕೌನ್ಸಲಿಂಗ್ ದಿನಾಂಕವನ್ನು ನಿಗಧಿ ಪಡಿಸಲಾಗಿದೆ.

ಕನಿಷ್ಠ (3 ರಿಂದ 5 ವರ್ಷದೊಳಗಡೆ) ಅವಧಿ ಮುಗಿದ ನಿರ್ದಿಷ್ಟಪಡಿಸಿದ ತಾಂತ್ರಿಕ ಸಹಾಯಕರ ಕೌನ್ಸಲಿಂಗ್ ಪ್ರಾಥಮಿಕ/ಪ್ರೌಢ ಶಿಕ್ಷಕರ ವೃಂದ ದಿನಾಂಕ: 12-11-2025 ರಂದು ಪೂರ್ವಾಹ್ನ (ಪ್ರಾಥಮಿಕ) ಹಾಗೂ ಅಪರಾಹ್ನ (ಪ್ರೌಢ) ಕೌನ್ಸಲಿಂಗ್ ದಿನಾಂಕವನ್ನು ನಿಗಧಿ ಪಡೆಸಲಾಗಿದೆ.

ಆದ್ಯತೆ/ವಿನಾಯಿತಿ ಬಯಸಿರುವ ಶಿಕ್ಷಕರು ಮೂಲ ದಾಖಲೆಗಳೊಂದಿಗೆ ಕೌನ್ಸಲಿಂಗ್‌ನಲ್ಲಿ ಹಾಜರಾಗಬೇಕು ಎಂದು ಶಾಲಾ ಶಿಕ್ಷಣ ಇಲಾಖೆ ಬೆಳಗಾವಿ (ದ) ಉಪನಿರ್ದೇಶಕರು (ಆ) ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.