ಬೆಳಗಾವಿ ಸೋಷಿಯಲ್ ಕ್ಲಬ್ ನಲ್ಲಿ ಗೆಸ್ಟ್ ಹೌಸ್, ಸೆಂಟ್ರಲ್ ಹಾಲ್, ಜಿಮ್ ಉದ್ಘಾಟಿಸಿದ ಸಿಎಂ ಬೊಮ್ಮಾಯಿ

Home add -Advt

ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ – ಬೆಳಗಾವಿ ನಗರದ ಸೋಷಿಯಲ್ ಕ್ಲಬ್ ಹಾಗೂ  ಕ್ರೀಡಾ ಭವನದಲ್ಲಿ ಬಸವರಾಜ ಹಟ್ಟಿಹೊಳಿ ಗೆಸ್ಟ್ ಹೌಸ್, ಸತೀಶ್ ಜಾರಕಿಹೊಳಿ ಜಿಮ್ ಹಾಗೂ ಪ್ರಭಾಕರ ಕೋರೆ ಸೆಂಟ್ರಲ್  ಹಾಲ್ ಅನ್ನು ಭಾನುವಾರ ಸಂಜೆ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ  ಉದ್ಘಾಟಿಸಿದರು.

ಯಾವುದೇ ಒಂದು ಸಂಸ್ಥೆ ನೂರು ವರ್ಷಗಳನ್ನು ಪೂರೈಸಿದೆ ಅಂತಾದರೆ ಅದು ಅನೇಕ ಐತಿಹಾಸಿಕ ಪರಂಪರೆಗಳನ್ನು ಉಳಿಸಿಕೊಂಡಿರುತ್ತದೆ. ಬ್ರಿಟಿಷರ ಕಾಲದಲ್ಲೇ ಪ್ರಾರಂಭಗೊಂಡ ಈ ಸೋಷಿಯಲ್ ಕ್ಲಬ್ ನಲ್ಲಿ ಮೂಲಸೌಕರ್ಯಗಳನ್ನು ಅಭಿವೃದ್ಧಿಪಡಿಸಿರುವುದು ಶ್ಲಾಘನೀಯ. ಇಲ್ಲಿ ನೂತನವಾಗಿ ನಿರ್ಮಾಣಗೊಂಡಿರುವ ಕಟ್ಟಡಗಳು ಸಮಾಜಕ್ಕೆ ಪ್ರಯೋಜನಕಾರಿಯಾಗಿ ಬಳಕೆಯಾಗಲಿ ಎಂದು ಬೊಮ್ಮಾಯಿ ಆಶಯ ವ್ಯಕ್ತಪಡಿಸಿದರು.

ಸಮಾಜದ ವಿವಿಧ ವರ್ಗದ ವಿವಿಧ ವೃತ್ತಿಯಲ್ಲಿರುವ ಜನ ಒಂದೆಡೆ ಸೇರಿ ನಗರದ ಅಗತ್ಯತೆಗಳ ಬಗ್ಗೆ ಚರ್ಚೆ ಮಾಡುವ ವೇದಿಕೆಯಾಗಿ ಬ್ರಿಟಿಷರ ಕಾಲದಿಂದ ಸೋಷಿಯಲ್ ಕ್ಲಬ್ ರೂಪುಗೊಂಡಿದೆ‌. ಬೆಳಗಾವಿಯಲ್ಲಿ ಈ ಐತಿಹಾಸಿಕ ಸೋಷಿಯಲ್ ಕ್ಲಬ್ ಗಳು ಈಗಲೂ ಈ ಸದುದ್ದೇಶವನ್ನು ಉಳಿಸಿಕೊಂಡಿರುವುದು ಶ್ಲಾಘನೀಯ ಎಂದು  ಬೊಮ್ಮಾಯಿ ಹೇಳಿದರು.