ಪ್ರಗತಿವಾಹಿನಿ ಸುದ್ದಿ, ಅಗಸಗಿ : ಮತ್ತೆ ಬೆಳಗಾವಿ ತಾಲೂಕಿನ ತಹಸೀಲ್ದಾರ ಆಗಿ ಮಂಜುಳಾ ನಾಯಕ ಅಧಿಕಾರ ವಹಿಸಿಕೊಂಡಿದ್ದಾರೆ. ಮೂರೇ ದಿನದಲ್ಲಿ ಮತ್ತೆ ಈ ಪೀಠವನ್ನು ಏರಿದ್ದಾರೆ. ತಮ್ಮ ವರ್ಗಾವಣೆ ಪ್ರಶ್ನಿಸಿ ಅವರು ಕೆಎಟಿ ಮೊರೆ ಹೋಗಿದ್ದರು. ಕೆಎಟಿ ಈಗ ವರ್ಗಾವಣೆಗೆ ತಡೆ ನೀಡಿದ್ದು ಇಂದು ಮತ್ತೆ ಅಧಿಕಾರ ವಹಿಸಿಕೊಂಡರು. ಮೂರು ದಿನಗಳ ಹಿಂದೆ ಆರ್.ಕೆ ಕುಲಕರ್ಣಿ ಅಧಿಕಾರ ವಹಿಸಿಕೊಂಡಿದ್ದರು. ಇದು ಸಾರ್ವಜನಿಕ ಗೊಂದಲ ಸೃಷ್ಠಿಸಿದೆ. ಸಿಹಿ ಹಂಚಿ ಸಂಭ್ರಮ..!! ಕೆಎಟಿ ತಡೆ ಸಿಕ್ಕ ನಂತರ ಖಾಸಗಿ ಕಾರಿನಲ್ಲಿ ನೇರವಾಗಿ ಕಚೇರಿಗೆ ಬಂದ ಮಂಜುಳಾ ನಾಯಕರು ಅಲ್ಲಿ ನಡೆಯುತ್ತಿದ್ದ ಪ್ರವಾಹ ಪರಿಹಾರ ಸಭೆಯಲ್ಲಿದ್ದ ಎಲ್ಲ ಸಿಬ್ಬಂದಿಗಳಿಗೆ ತಾವು ತಂದಿದ್ದ ಸಿಹಿ ಹಂಚಿ ಸಂಭ್ರಮಿಸಿ ಹೂಗುಚ್ಛ ಸ್ವೀಕರಿಸಿದರು. ಈ ಬಗ್ಗೆ ಆರ್.ಕೆ. ಕುಲಕರ್ಣಿ ಅವರ ಪ್ರತಿಕ್ರಿಯೆ ಪಡೆದಾಗ ನಾನು ಸಿಎಂ ಸ್ವಾಗತ ಕ್ಕೆ ಸಾಂಬ್ರಾ ವಿಮಾನ ನಿಲ್ದಾಣಕ್ಕೆ ಹೋದಾಗ ಮಂಜುಳಾ ನಾಯಕರು ಅಧಿಕಾರ ಸ್ವೀಕರಿಸಿದ ಬಗ್ಗೆ ತಿಳಿದಿದೆ. ಕೆಎಟಿ ಪ್ರತಿ ಈಗ ನೋಡಿದ್ದು, ಸರಕಾರದ ಅದೇಶಕ್ಕೆ ತಲೆ ಬಾಗುತ್ತೇನೆ. ಮರಳಿ ನನ್ನ ಮೊದಲ ಗೂಡಾದ ಎ.ಸಿ. ಕಚೇರಿಯಲ್ಲಿ ಕಾರ್ಯ ನಿರ್ವಹಿಸುವೆ ಎಂದಿದ್ದಾರೆ.
