ಸಚಿವ ಸ್ಥಾನದ ಭಾಗ್ಯದ ಜೊತೆಗೆ ಲಕ್ಷ್ಮೀ ಹೆಬ್ಬಾಳಕರ್ ಮನೆಗೆ ಮಹಾಲಕ್ಷ್ಮೀ ಆಗಮನ

ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ: ಅತ್ತ ಮಂತ್ರಿಸ್ಥಾನ ಒಲಿದು ಬಂದ ಬೆನ್ನಲ್ಲೇ ಶಾಸಕಿ ಲಕ್ಷ್ಮೀ ಹೆಬ್ಬಾಳಕರ್ ಅವರ ಮನೆಗೆ ಮಹಾಲಕ್ಷ್ಮೀಯ ಆಗಮನವಾಗಿದೆ. ಲಕ್ಷ್ಮೀ ಹೆಬ್ಬಾಳಕರ್ ಅವರ ಪುತ್ರ ಮೃಣಾಲ ಹೆಬ್ಬಾಳಕರ್ ಮತ್ತು ಡಾ.ಹಿತಾ ದಂಪತಿಗೆ ಹೆಣ್ಣು ಮಗು ಜನಿಸಿದೆ.

ಭದ್ರಾವತಿಯ ಶಾಸಕ ಸಂಗಮೇಶ ಅವರ ಸಹೋದರರ ಪುತ್ರಿಯಾಗಿರುವ ಹಿತಾ ಅವರನ್ನು ಮೃಣಾಲ ವಿವಾಹವಾಗಿದ್ದು, ಶುಕ್ರವಾರ ರಾತ್ರಿ ಅವರಿಗೆ ಹೆಣ್ಣು ಮಗು ಜನಿಸಿದೆ. ಹಾಗಾಗಿ ತಮಗೆ ಇಂದು ಡಬಲ್ ಧಮಾಕಾ ಎಂದು ಲಕ್ಷ್ಮೀ ಹೆಬ್ಬಾಳಕರ್ ಖುಷಿ ಹಂಚಿಕೊಂಡಿದ್ದಾರೆ.