ಪ್ರಗತಿವಾಹಿನಿ ಸುದ್ದಿ: ಮುಗಳಖೋಡ ಪಟ್ಟಣದ ನಿವಾಸಿ ರವಿ ಮಾರುತಿ ಮಾದರ(50) ವ್ಯಕ್ತಿ ಹೊಲಕ್ಕೆ ಹೋಗಿ ಬರುವುದಾಗಿ ಹೇಳಿ ಸಿದ್ದರಾಯನ ಮಡ್ಡಿ ಹತ್ತಿರ ಇರುವ ಘಟಪ್ರಭಾ ಎಡದಂಡಿಯ ಕಾಲುವೆ ಹತ್ತಿರ ತನ್ನ ಟಿವಿಎಸ್ ಮೋಟಾರ್ ಬೈಕ್ ನ್ನು ಕಾಲುವೆಯ ಪಕ್ಕದಲ್ಲಿ ನಿಲ್ಲಿಸಿ ಕಾಣೆಯಾಗಿದ್ದಾನೆಂದು ಪತ್ನಿ ರಾಣವ್ವ ರವಿ ಮಾದರ ಗುರುವಾರ ರಂದು ಹಾರೂಗೇರಿ ಪೊಲೀಸ್ ಠಾಣೆಯಲ್ಲಿ ದೂರು ಸಲ್ಲಿಸಿದರು.
ಸಿಪಿಐ ರವಿಚಂದ್ರನ್ ಬಿ.ಡಿ, ಮಾರ್ಗದರ್ಶನದಲ್ಲಿ ಪಿಎಸ್ಐ ಮಾಳಪ್ಪ ಪೂಜಾರಿ, ಕ್ರೈಂ ಪಿಎಸ್ಐ ಗಿರಿಮಲ್ಲಪ್ಪ ಉಪ್ಪಾರ ಸಿಬ್ಬಂದಿ ವರ್ಗ ಹಾಗೂ ರಾಯಬಾಗ ಅಗ್ನಿ ಶಾಮಕದಳ ಸಿಬ್ಬಂದಿ, ಸ್ಥಳೀಯ ಸಾರ್ವಜನಿಕರ ಸಹಾಯದಿಂದ ಗುರುವಾರ ಸಂಜೆಯಿಂದ ಶೋಧ ಕಾರ್ಯವು ನಡೆದಿದ್ದು, ಮುಗಳಖೋಡದ ಸಿದ್ದರಾಯನ ಮಡ್ಡಿ ಹತ್ತಿರದ ಘಟಪ್ರಭಾ ಎಡದಂಡೆ ಕಾಲುವೆಯಲ್ಲಿ ಬೈಕ್ ನಿಲ್ಲಿಸಿದ ದೂರಳತೆಯಲ್ಲಿ ಶುಕ್ರವಾರ ಸಂಜೆ 4:30ಕ್ಕೆ ರವಿ ಮಾರುತಿ ಮಾದರ ಶವವಾಗಿ ಪತ್ತೆಯಾಗಿದ್ದಾನೆ. ಈ ಕುರಿತು ಹಾರೂಗೇರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
