ಪ್ರಗತಿವಾಹಿನಿ ಸುದ್ದಿ, ಮುಂಬೈ – ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ದೇಶದ ಅತಿದೊಡ್ಡ ಜಿಯೋ ವರ್ಲ್ಡ್ ಸೆಂಟರ್ ತೆರೆಯುವುದಾಗಿ ಇಂದು ಘೋಷಿಸಿದೆ.
ಜಿಯೋ ವರ್ಲ್ಡ್ ಸೆಂಟರ್ ಭಾರತದಲ್ಲಿ ಸಾಂಸ್ಕೃತಿಕ ಕೇಂದ್ರವಾಗಲಿದೆ. ಜಿಯೋ ವರ್ಲ್ಡ್ ಸಂಗೀತ ಕಾರಂಜಿ, ಉನ್ನತ ಮಟ್ಟದ ರಿಟೇಲ್ ವ್ಯವಸ್ಥೆ, ಕೆಫೆಗಳು ಮತ್ತು ಉತ್ತಮ ರೆಸ್ಟೋರೆಂಟ್ಗಳು, ಸರ್ವಿಸ್ ಅಪಾರ್ಟ್ಮೆಂಟ್ಗಳು ಮತ್ತು ಕಚೇರಿಗಳು, ಉತ್ತಮ ಸೌಲಭ್ಯಗಳನ್ನು ಒಳಗೊಂಡಿರುವ ಭಾರತದ ಮೊದಲ ತಾಣ ಆಗಲಿದೆ. ಮುಂಬೈ ಹೆಗ್ಗುರುತಾಗಿ ಪ್ರವಾಸಿ ತಾಣವೂ ಆಗಲಿದೆ.
ರಿಲಯನ್ಸ್ ಇಂಡಸ್ಟ್ರೀಸ್ ನಿರ್ದೇಶಕಿ ಮತ್ತು ರಿಲಯನ್ಸ್ ಫೌಂಡೇಷನ್ನ ಅಧ್ಯಕ್ಷೆ ನೀತಾ ಅಂಬಾನಿ ಮುಂಬೈನ ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್ನಲ್ಲಿ 18.5 ಎಕರೆ ವಿಸ್ತಾರವಾದ ಪ್ರದೇಶವನ್ನು ಜಿಯೋ ವರ್ಲ್ಡ್ ಸೆಂಟರ್ ಮಾಡಲಿದ್ದಾರೆ.
ಎಂಟು ಫೈರ್ ಶೂಟರ್ಗಳು, 392 ವಾಟರ್ ಜೆಟ್ಗಳು ಮತ್ತು 600ಕ್ಕೂ ಹೆಚ್ಚು ಎಲ್‌ಇಡಿ ದೀಪಗಳು ಇಲ್ಲಿ ನಿರ್ಮಾಣಗಲಿರುವ ಸಂಗೀತ ಕಾರಂಜಿಯಲ್ಲಿರಲಿದೆ.
ಮತ್ತೊಂದು ವಿಶೇಷವೆಂದರೆ ಇಲ್ಲಿ 5,000 ಕಾರುಗಳ ನಿಲುಗಡೆಗೆ ಸಾಮರ್ಥ್ಯವಿರುವ ಕನ್ವೆನ್ಷನ್ ಸೆಂಟರ್ ಇರಲಿದ್ದು, ಇದು ಭಾರತದ ಅತಿದೊಡ್ಡ ಆನ್-ಸೈಟ್ ಪಾರ್ಕಿಂಗ್ ಆಗಲಿದೆ. ಇಂಡಿಯಾ ಆಕ್ಸೆಂಟ್ನಂಥ ವಿಶ್ವ ದರ್ಜೆಯ ಶಾಪಿಂಗ್ ಅನುಭವ ಮತ್ತು ಐಷಾರಾಮಿ ಬ್ರಾಂಡ್ಗಳು ಲಭ್ಯವಿರಲಿವೆ. ಈ ಎಲ್ಲಾ ವ್ಯವಸ್ಥೆಗಳೊಂದಿಗೆ 2023ರಲ್ಲಿ ಆರಂಭವಾಗಲಿದೆ.
ಅಮೇರಿಕ, ಇಂಗ್ಲೆಂಡ್ ಧ್ವಜ ಕಿತ್ತೆಸೆದು ಭಾರತದ ಧ್ವಜ ಉಳಿಸಿಕೊಂಡ ರಷ್ಯಾ
