*ಯುಪಿಐ ವಹಿವಾಟು ತೆರಿಗೆ ವಿಧಿಸಿ ಜನತೆಗೆ ಮೋದಿ ಸರ್ಕಾರದಿಂದ ಮಹಾದ್ರೋಹ: ರಣದೀಪ್ ಸುರ್ಜೇವಾಲ ವಾಗ್ದಾಳಿ*

ಪ್ರಗತಿವಾಹಿನಿ ಸುದ್ದಿ: 2026ರ ಅಕ್ಟೋಬರ್ 15 ರಿಂದ ಜಾರಿಗೆ ಬರುವಂತೆ ರೂ. 2000ಕ್ಕಿಂತ ಹೆಚ್ಚಿನ ಯುಪಿಐ ವಹಿವಾಟುಗಳ ಮೇಲೆ “ಯುಪಿಐ ವಹಿವಾಟು ತೆರಿಗೆ” ವಿಧಿಸಲು ಕೇಂದ್ರದ ಬಿಜೆಪಿ ಸರ್ಕಾರ ದಾರಿ ಮಾಡಿಕೊಟ್ಟಿದ್ದು, 2026ರ ಸೆಪ್ಟೆಂಬರ್ 14ರ ದಿನವು “ಡಿಜಿಟಲ್ ಪಲ್ಟಿ” (Digital Somersault) ಹೊಡೆದ ಹಾಗೂ “ದ್ರೋಹ ಮತ್ತು ಶರಣಾಗತಿ”ಯ ದಿನವಾಗಿ ನೆನಪಿನಲ್ಲಿ ಉಳಿಯಲಿದೆ ಎಂದು ರಾಜ್ಯ ಕಾಂಗ್ರೆಸ್ ಉಸ್ತುವಾರಿ ರಣದೀಪ್ ಸುರ್ಜೇವಾಲಾ ಕಿಡಿಕಾರಿದ್ದಾರೆ.

ಸರ್ಕಾರ ಮತ್ತು ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (NPCI) ಪ್ರಸ್ತುತ ಪಿ2ಎಮ್ (ವ್ಯಕ್ತಿಯಿಂದ ವ್ಯಾಪಾರಿಗೆ – Person-to-Merchant) ವಹಿವಾಟುಗಳಿಗೆ 0.4% ಶುಲ್ಕವನ್ನು ನಿಗದಿಪಡಿಸುತ್ತಿವೆ. ಖಂಡಿತವಾಗಿಯೂ, ಭಾರತ ಸರ್ಕಾರವು ಕೇವಲ ಒಂದು ಅಧಿಸೂಚನೆಯನ್ನು ಹೊರಡಿಸುವ ಮೂಲಕ ಈ ವಹಿವಾಟು ಶುಲ್ಕವನ್ನು ಯಾವುದೇ ಸಮಯದಲ್ಲಿ ಮತ್ತು ಯಾವುದೇ ವಹಿವಾಟಿನ ವಿಭಾಗದ ಮೇಲಾದರೂ ಹೆಚ್ಚಿಸಬಹುದು.

Home add -Advt

ಡಿಜಿಟಲ್, ನಗದುರಹಿತ ಮತ್ತು ಒಳಗೊಳ್ಳುವಿಕೆಯ ಭಾರತ ನಿರ್ಮಾಣಕ್ಕೆ ಯುಪಿಐ ಒಂದು ಪ್ರಮುಖ ಅಸ್ತ್ರವಾಗಿತ್ತು, ಆದರೆ ಮೋದಿ ಸರ್ಕಾರವು ಸಾಮಾನ್ಯ ಜನರನ್ನು ಗುರಿಯಾಗಿಸಿಕೊಂಡು ಅದನ್ನು ‘ತೆರಿಗೆ ವಿಧಿಸುವ ಮತ್ತು ಸಂಗ್ರಹಿಸುವ ಯಂತ್ರ’ವಾಗಿ ಪರಿವರ್ತಿಸುತ್ತಿದೆ. ಇದು ಬಿಜೆಪಿ ಸರ್ಕಾರವು ಸಾಮಾನ್ಯ ಭಾರತೀಯರಿಗೆ ಮಾಡಿದ “ದ್ರೋಹ, ಬೆನ್ನಿಗೆ ಚೂರಿ ಹಾಕಿ – ಮಹಾವಂಚನೆ”ಮಾಡಿದ ಕಥೆಯಾಗಿದೆ ಎಣ್ದು ವಾಗ್ದಾಳಿ ನಡೆಸಿದ್ದಾರೆ. ಈ ಬಗ್ಗೆ ಮಾಧ್ಯಮ ಹೇಳಿಕೆ ಬಿಡುಗಡೆ ಮಾಡಿದ್ದಾರೆ.

ಉಚಿತ ಯುಪಿಐ ವಹಿವಾಟು ನಿಂದ ರಹಸ್ಯ ಕಾನೂನು ತಿದ್ದುಪಡಿಯವರೆಗೆ

● ಯುಪಿಐ ಎಂಬುದು ಭಾರತೀಯ ಸಂಸ್ಥೆಗಳು ಮತ್ತು ಬ್ಯಾಂಕ್‌ಗಳು ನಿರ್ಮಿಸಿದ ಸಾರ್ವಜನಿಕ ಧನಸಹಾಯದ ಪಾವತಿ ಮೂಲಸೌಕರ್ಯವಾಗಿದೆ. ಇದನ್ನು ಯಾವುದೇ ವಹಿವಾಟು ತೆರಿಗೆಯಿಂದ ಮುಕ್ತಗೊಳಿಸಲಾಗಿದೆ ಎಂದು ಘೋಷಿಸಲಾಗಿತ್ತು, ಇದು ಡಿಜಿಟಲ್ ಮತ್ತು ನಗದುರಹಿತ ಭಾರತದತ್ತ ಒಂದು ವಿಶಿಷ್ಟ ಉಪಕ್ರಮವಾಗಿತ್ತು.

● ಇದಕ್ಕೆ ಬೆಂಬಲವಾಗಿ, “ಪಾವತಿ ಮತ್ತು ಇತ್ಯರ್ಥ ವ್ಯವಸ್ಥೆಗಳ ಕಾಯ್ದೆ, 2007” (2019 ರಲ್ಲಿ ತಿದ್ದುಪಡಿ ಮಾಡಲಾಗಿದೆ) ಅನ್ನು ತರಲಾಯಿತು. ಇದರಲ್ಲಿನ ಕಾಯ್ದೆ 10-ಎ ಪ್ರಕಾರ, ಆದಾಯ ತೆರಿಗೆ ಕಾಯ್ದೆಯ ಸೆಕ್ಷನ್ 269FU ಅಡಿಯಲ್ಲಿ ವಿದ್ಯುನ್ಮಾನ ಪಾವತಿ ವಿಧಾನದ ಮೂಲಕ ಪಾವತಿ ಮಾಡುವ ಅಥವಾ ಸ್ವೀಕರಿಸುವ ವ್ಯಕ್ತಿಯ ಮೇಲೆ ಯಾವುದೇ ಶುಲ್ಕವನ್ನು ವಿಧಿಸುವುದನ್ನು ಕಾನೂನುಬದ್ಧವಾಗಿ ಸಂಪೂರ್ಣವಾಗಿ ನಿಷೇಧಿಸಲಾಗಿತ್ತು. ಆದಾಯ ತೆರಿಗೆ ಕಾಯ್ದೆಯ ಸೆಕ್ಷನ್ 269SU ವಿದ್ಯುನ್ಮಾನ ವಿಧಾನವನ್ನು ಯುಪಿಐ ಮೂಲಕ ಮಾಡುವ ಪಾವತಿ ಎಂದು ವಿವರಿಸುತ್ತದೆ.

● ಯುಪಿಐ ವಿಶ್ವದ ಅತಿ ದೊಡ್ಡ ಪಾವತಿ ವೇದಿಕೆಯಾಗುತ್ತಿದ್ದಂತೆ, ಅಮೆರಿಕಕ್ಕೆ ಗಂಭೀರ ಕಳವಳಗಳು ಉಂಟಾದವು. ಅದು ಯುಪಿಐ ಮತ್ತು ರುಪೇ (RuPay) ಕಾರ್ಡ್‌ಗಳ ಬಗ್ಗೆ ದೂರು ನೀಡಿತು. ಏಕೆಂದರೆ ಇವು ಭಾರತದಲ್ಲಿ ಅಮೆರಿಕದ ವೀಸಾ (Visa) ಮತ್ತು ಮಾಸ್ಟರ್‌ಕಾರ್ಡ್ (Mastercard) ವ್ಯವಹಾರಕ್ಕೆ ಧಕ್ಕೆ ತಂದಿದ್ದವು. ಅಷ್ಟೇ ಅಲ್ಲದೆ, ಶೇ. 80ರಷ್ಟು ಯುಪಿಐ ವಹಿವಾಟುಗಳನ್ನು ಪ್ರಕ್ರಿಯೆಗೊಳಿಸುತ್ತಿದ್ದ ಅಮೆರಿಕನ್ ಕಂಪನಿಗಳಾದ ಫೋನ್ ಪೇ (PhonePe) ಮತ್ತು ಗೂಗಲ್ ಪೇ (GooglePay) ಲಾಭದ ಮೇಲೆಯೂ ಪರಿಣಾಮ ಬೀರಿದ್ದವು.

● 2026ರ ಫೆಬ್ರವರಿ 10 ರಂದು, ಮೋದಿ ಸರ್ಕಾರವು ಯುಎಸ್-ಇಂಡಿಯಾ ವ್ಯಾಪಾರ ಒಪ್ಪಂದದ “ಫ್ಯಾಕ್ಟ್ ಶೀಟ್”ಗೆ ಸಹಿ ಹಾಕುವ ಮೂಲಕ ಅಮೆರಿಕ ಮತ್ತು ಅದರ ಕಾರ್ಪೊರೇಟ್ ವಲಯಗಳಿಗೆ ರಿಯಾಯಿತಿಗಳ ಭರವಸೆಯನ್ನು ನೀಡಿತು. 2026ರ ಆಗಸ್ಟ್ 4 ರಂದು, ಮೋದಿ ಸರ್ಕಾರವು “ತೆರಿಗೆ ಮತ್ತು ಇತರ ಕಾನೂನುಗಳ (ತಿದ್ದುಪಡಿ) ವಿಧೇಯಕ, 2026” ಅನ್ನು ರಹಸ್ಯವಾಗಿ ಮಂಡಿಸಿತು ಹಾಗೂ “ಪಾವತಿ ಮತ್ತು ಇತ್ಯರ್ಥ ವ್ಯವಸ್ಥೆಗಳ ಕಾಯ್ದೆ”ಯ ಕಾಯ್ದೆ 10-ಎ ಗೆ ತಿದ್ದುಪಡಿ ತಂದಿತು. ಇದರ ಮೂಲಕ ಸಂಸತ್ತಿನ ಅನುಮೋದನೆಗೆ ಹೋಗದೆ, ಕೇವಲ ಅಧಿಸೂಚನೆಯ ಮೂಲಕವೇ ಯುಪಿಐ ವಹಿವಾಟುಗಳ ಮೇಲೆ ಯಾವುದೇ ಶುಲ್ಕವನ್ನು ವಿಧಿಸಲು ಸರ್ಕಾರಕ್ಕೆ ಅಧಿಕಾರ ನೀಡಿಕೊಂಡಿತು. ಈ ಕಾನೂನನ್ನು 2026ರ ಆಗಸ್ಟ್ 10 ರಂದು ಸಂಸತ್ತಿನಲ್ಲಿ ಅಂಗೀಕರಿಸಲಾಯಿತು.

● ಭಾರತದ ಜನರ ವಿರುದ್ಧ ನಡೆಸಿದ ಈ ಕ್ರೂರ ವಂಚನೆಯ ಮರೆಯಲ್ಲಿ, ಮೋದಿ ಸರ್ಕಾರವು ರೂ. 2000ಕ್ಕಿಂತ ಹೆಚ್ಚಿನ ಯುಪಿಐ ವಹಿವಾಟುಗಳ ಮೇಲೆ 0.4% ತೆರಿಗೆ ವಿಧಿಸಲು 2026ರ ಸೆಪ್ಟೆಂಬರ್ 14 ರಂದು ಅಧಿಸೂಚನೆಯನ್ನು ಪ್ರಕಟಿಸಿದೆ. ಆದಾಗ್ಯೂ, ಯುಪಿಐ ವಹಿವಾಟಿನ ಎಲ್ಲಾ ವರ್ಗಗಳ ಮೇಲಿನ ಶುಲ್ಕವನ್ನು ಯಾವುದೇ ಸಮಯದಲ್ಲಿ ಹೆಚ್ಚಿಸುವುದನ್ನು ತಡೆಯಲು ಸರ್ಕಾರಕ್ಕೆ ಯಾವುದೇ ಅಡೆತಡೆಗಳಿಲ್ಲ.

ಯುಪಿಐ ವಹಿವಾಟು ತೆರಿಗೆ ವಿಧಿಸುವುದು ಭಾರತದ ಜನರಿಗೆ ಮಾಡಿದ ನಂಬಿಕೆದ್ರೋಹ, ಬೆನ್ನಿಗೆ ಚೂರಿ ಹಾಕಿ, ಮಹಾವಂಚನೆ:

2026ರ ಏಪ್ರಿಲ್ 30 ಮತ್ತು 2026ರ ಆಗಸ್ಟ್ 24 ರಂದು ಬಿಡುಗಡೆ ಮಾಡಿದ ಎರಡು ಪ್ರತ್ಯೇಕ ಪಿಐಬಿ (PIB) ಪತ್ರಿಕಾ ಪ್ರಕಟಣೆಗಳಲ್ಲಿ, ಮೋದಿ ಸರ್ಕಾರವು 2025-26 ರ ಸಾಲಿನಲ್ಲಿ ರೂ. 314 ಲಕ್ಷ ಕೋಟಿ ಮೌಲ್ಯದ 24,162 ಕೋಟಿ ಯುಪಿಐ ವಹಿವಾಟುಗಳು ನಡೆದಿವೆ ಎಂದು ಒಪ್ಪಿಕೊಂಡಿದೆ. ಪ್ರಸ್ತುತ 2026-27 ರ ಸಾಲಿನಲ್ಲಿ, ಇದು ರೂ. 400 ಲಕ್ಷ ಕೋಟಿಗೆ ತಲುಪುವ ನಿರೀಕ್ಷೆಯಿದೆ.

● ಈ ವಹಿವಾಟುಗಳಲ್ಲಿ, ರೂ. 2000 ಗಿಂತ ಹೆಚ್ಚಿನ ವಹಿವಾಟುಗಳು ಒಟ್ಟು ವಹಿವಾಟಿನ ಶೇ. 63 ರಷ್ಟಿವೆ. ಅಂದರೆ, 2025-26 ರ ಅಂಕಿಅಂಶಗಳ ಪ್ರಕಾರ ರೂ. 200 ಲಕ್ಷ ಕೋಟಿ ಮತ್ತು 2026-27 ರ ಸಾಲಿಗೆ ರೂ. 253 ಲಕ್ಷ ಕೋಟಿ.

● ಪ್ರಸ್ತುತ ವಹಿವಾಟುಗಳಲ್ಲಿ ಶೇ. 5 ರಷ್ಟು ಪಿ2ಎಮ್ (ವ್ಯಕ್ತಿಯಿಂದ ವ್ಯಾಪಾರಿಗೆ – Person to Merchant) ವಹಿವಾಟುಗಳಾಗಿವೆ ಎಂದು ಸರ್ಕಾರ ಹೇಳಿಕೊಳ್ಳುತ್ತದೆ. ಹಾಗಿದ್ದಲ್ಲಿ, 2026-27 ರ ಸಾಲಿನಲ್ಲಿ, ರೂ. 2000 ಕ್ಕಿಂತ ಹೆಚ್ಚಿನ ಪಿ2ಎಮ್ ವಹಿವಾಟುಗಳ ಮೌಲ್ಯ ರೂ. 12.60 ಲಕ್ಷ ಕೋಟಿಗಳಷ್ಟಾಗಲಿದೆ. ಇದಕ್ಕೆ 0.4% ವಹಿವಾಟು ತೆರಿಗೆ ವಿಧಿಸಿದರೆ ಅದು ರೂ. 5,040 ಕೋಟಿಗಳಾಗುತ್ತದೆ.

● ಈಗ 0.4% ಯುಪಿಐ ವಹಿವಾಟು ತೆರಿಗೆಯ ಮೂಲಕ ವಿಧಿಸಲಾಗುವ ರೂ. 5,040 ಕೋಟಿಗಳ ಹೆಚ್ಚುವರಿ ಹೊರೆಯ ಪರಿಣಾಮಗಳನ್ನು ಊಹಿಸಿ. ಇದು ಸಾಮಾನ್ಯವಾಗಿ ವ್ಯಾಪಾರಿಗಳು, ಅಂಗಡಿಯವರು ಮತ್ತು ವರ್ತಕರ ಮೇಲೆ ಭಾರೀ ಹೊರೆಯಾಗಲಿದೆ. ಅಂತಿಮವಾಗಿ ಈ ಹೊರೆಯು ಗ್ರಾಹಕರ ಮೇಲೆಯೇ ವರ್ಗಾಯಿಸಲ್ಪಡುತ್ತದೆ ಎಂಬುದು ಬೇರೆ ಹೇಳಬೇಕಿಲ್ಲ.

● “ಪಾವತಿ ಮತ್ತು ಇತ್ಯರ್ಥ ವ್ಯವಸ್ಥೆಗಳ ಕಾಯ್ದೆ”ಯ ಕಾಯ್ದೆ 10-ಎ ಗೆ ರಹಸ್ಯವಾಗಿ ತಿದ್ದುಪಡಿ ಮಾಡುವ ಮೂಲಕ ಮತ್ತು “ತೆರಿಗೆ ಮತ್ತು ಇತರ ಕಾನೂನುಗಳ (ತಿದ್ದುಪಡಿ) ವಿಧೇಯಕ, 2026” ರ ಮೂಲಕ, ಭಾರತ ಸರ್ಕಾರವು ಅಧಿಸೂಚನೆಯನ್ನು ಹೊರಡಿಸಿ ಯುಪಿಐ ವಹಿವಾಟು ತೆರಿಗೆ ದರವನ್ನು ಯಾವುದೇ ಸಮಯದಲ್ಲಿ ಹೆಚ್ಚಿಸಬಹುದು. ಜೊತೆಗೆ, ಅತ್ಯಂತ ವ್ಯಾಪಕವಾಗಿ ಬಳಸಲಾಗುವ ವ್ಯಕ್ತಿಯಿಂದ ವ್ಯಕ್ತಿಗೆ (P2P) ವರ್ಗ ಸೇರಿದಂತೆ ಯಾವುದೇ ಇತರ ವರ್ಗವನ್ನು ಇದಕ್ಕೆ ಸೇರಿಸಬಹುದು.

● ಶೇ. 80 ರಷ್ಟು ಯುಪಿಐ ವಹಿವಾಟುಗಳು “ಫೋನ್ ಪೇ” ಮತ್ತು “ಗೂಗಲ್ ಪೇ” ಎಂಬ ಎರಡು ಅಮೆರಿಕನ್ ಕಂಪನಿಗಳ ಮೂಲಕ ನಡೆಯುತ್ತವೆ.

● 2026ರ ಫೆಬ್ರವರಿ 10 ರಂದು, ಮೋದಿ ಸರ್ಕಾರವು ಯುಎಸ್-ಇಂಡಿಯಾ ವ್ಯಾಪಾರ ಒಪ್ಪಂದದ “ಫ್ಯಾಕ್ಟ್ ಶೀಟ್”ಗೆ ಸಹಿ ಹಾಕುವ ಮೂಲಕ ಅಮೆರಿಕ ಮತ್ತು ಅದರ ಕಾರ್ಪೊರೇಟ್ ವಲಯಗಳಿಗೆ ರಿಯಾಯಿತಿಗಳ ಭರವಸೆಯನ್ನು ನೀಡಿತು. 2026ರ ಆಗಸ್ಟ್ 4 ರಂದು, ಮೋದಿ ಸರ್ಕಾರವು “ತೆರಿಗೆ ಮತ್ತು ಇತರ ಕಾನೂನುಗಳ (ತಿದ್ದುಪಡಿ) ವಿಧೇಯಕ, 2026” ಅನ್ನು ರಹಸ್ಯವಾಗಿ ಮಂಡಿಸಿತು ಹಾಗೂ “ಪಾವತಿ ಮತ್ತು ಇತ್ಯರ್ಥ ವ್ಯವಸ್ಥೆಗಳ ಕಾಯ್ದೆ”ಯ ಕಾಯ್ದೆ 10-ಎ ಗೆ ತಿದ್ದುಪಡಿ ತಂದಿತು. ಇದರ ಮೂಲಕ ಸಂಸತ್ತಿನ ಅನುಮೋದನೆಗೆ ಹೋಗದೆ, ಕೇವಲ ಅಧಿಸೂಚನೆಯ ಮೂಲಕವೇ ಯುಪಿಐ ವಹಿವಾಟುಗಳ ಮೇಲೆ ಯಾವುದೇ ಶುಲ್ಕವನ್ನು ವಿಧಿಸಲು ಸರ್ಕಾರಕ್ಕೆ ಅಧಿಕಾರ ನೀಡಿಕೊಂಡಿತು. ಈ ಕಾನೂನನ್ನು 2026ರ ಆಗಸ್ಟ್ 10 ರಂದು ಸಂಸತ್ತಿನಲ್ಲಿ ಅಂಗೀಕರಿಸಲಾಯಿತು.

● ಭಾರತದ ಜನರ ವಿರುದ್ಧ ನಡೆಸಿದ ಈ ಕ್ರೂರ ವಂಚನೆಯ ಮರೆಯಲ್ಲಿ, ಮೋದಿ ಸರ್ಕಾರವು ರೂ. 2000ಕ್ಕಿಂತ ಹೆಚ್ಚಿನ ಯುಪಿಐ ವಹಿವಾಟುಗಳ ಮೇಲೆ 0.4% ತೆರಿಗೆ ವಿಧಿಸಲು 2026ರ ಸೆಪ್ಟೆಂಬರ್ 14 ರಂದು ಅಧಿಸೂಚನೆಯನ್ನು ಪ್ರಕಟಿಸಿದೆ. ಆದಾಗ್ಯೂ, ಯುಪಿಐ ವಹಿವಾಟಿನ ಎಲ್ಲಾ ವರ್ಗಗಳ ಮೇಲಿನ ಶುಲ್ಕವನ್ನು ಯಾವುದೇ ಸಮಯದಲ್ಲಿ ಹೆಚ್ಚಿಸುವುದನ್ನು ತಡೆಯಲು ಸರ್ಕಾರಕ್ಕೆ ಯಾವುದೇ ಅಡೆತಡೆಗಳಿಲ್ಲ.

● 2026-27ರ ಯುಪಿಐ ವಹಿವಾಟುಗಳ ಪ್ರಮಾಣದ ಆಧಾರದ ಮೇಲೆ, ಭವಿಷ್ಯದಲ್ಲಿ ಸರ್ಕಾರವು ಎಲ್ಲಾ ವರ್ಗದ ಯುಪಿಐ ವಹಿವಾಟುಗಳ ಮೇಲೆ 1% ತೆರಿಗೆ ವಿಧಿಸಿದರೆ, ವಾರ್ಷಿಕ ತೆರಿಗೆಯು ರೂ. 2,53,000 ಕೋಟಿಗೆ ಏರುತ್ತದೆ. ಮೋದಿ ಸರ್ಕಾರವು ತನಗಾಗಿ ಪಡೆದುಕೊಂಡಿರುವ ಈ ಅಪಾಯಕಾರಿ ಅಧಿಕಾರವು ಜನರಿಗೆ ಮಾಡಿದ ನಂಬಿಕೆದ್ರೋಹವಾಗಿದೆ.

ಅಮೆರಿಕನ್ ಕಂಪನಿಗಳ ಇಷ್ಟಾರ್ಥಗಳಿಗೆ ಮೋದಿ ಸರ್ಕಾರದ ಶರಣಾಗತಿ

● ಶೇ. 80 ರಷ್ಟು ಯುಪಿಐ ವಹಿವಾಟುಗಳು “ಫೋನ್ ಪೇ” ಮತ್ತು “ಗೂಗಲ್ ಪೇ” ಎಂಬ ಎರಡು ಅಮೆರಿಕನ್ ಕಂಪನಿಗಳ ಮೂಲಕ ನಡೆಯುತ್ತವೆ. ಅಂದರೆ 2026-27 ರ ಸಾಲಿನಲ್ಲಿ ಶೇ. 320 ಲಕ್ಷ ಕೋಟಿ ಮೌಲ್ಯದ ಯುಪಿಐ ವ್ಯವಹಾರವನ್ನು (ಒಟ್ಟು 400 ಲಕ್ಷ ಕೋಟಿ ಪೈಕಿ) ಈ ಎರಡು ಅಮೆರಿಕನ್ ಕಂಪನಿಗಳೇ ಪ್ರಕ್ರಿಯೆಗೊಳಿಸುತ್ತವೆ. ಇದರರ್ಥ, ಈ ಹಿಂದೆ ಸಂಪೂರ್ಣವಾಗಿ ಉಚಿತವಾಗಿದ್ದ ಯುಪಿಐ ವಹಿವಾಟಿನ ರೂ. 5040 ಕೋಟಿ ತೆರಿಗೆಯ ಪಾಲಿನಲ್ಲಿ ಮೊದಲ ಬಾರಿಗೆ ಇವುಗಳಿಗೂ ಪಾಲು ಸಿಗುತ್ತದೆ.

● ವಾಲ್‌ಮಾರ್ಟ್ (Walmart) ಒಡೆತನದ ಫೋನ್ ಪೇ ಒಂದೇ ಶೇ. 45 ರಷ್ಟು ಯುಪಿಐ ವಹಿವಾಟುಗಳನ್ನು ಪ್ರಕ್ರಿಯೆಗೊಳಿಸುತ್ತದೆ. ಫೋನ್ ಪೇ ತನ್ನ ಮೌಲ್ಯಮಾಪನವು 10 ಬಿಲಿಯನ್ ಡಾಲರ್‌ಗಿಂತ ಕಡಿಮೆಯಾದ ನಂತರ ಮಾರ್ಚ್ 2026 ರಲ್ಲಿ ತನ್ನ ಭಾರತೀಯ ಐಪಿಒ (IPO) ಅನ್ನು ತಾತ್ಕಾಲಿಕವಾಗಿ ತಡೆಹಿಡಿದಿತ್ತು. ತಾನು ಪ್ರಕ್ರಿಯೆಗೊಳಿಸುವ ಯುಪಿಐ ವಹಿವಾಟುಗಳಿಂದ ಹಣ ಗಳಿಸಲು ಪ್ರಾರಂಭಿಸಿದ ತಕ್ಷಣ, ಅದರ ಮೌಲ್ಯಮಾಪನವು ಸ್ವಯಂಚಾಲಿತವಾಗಿ ಹೆಚ್ಚಾಗುತ್ತದೆ.

● ಭಾರತ ಸರ್ಕಾರವು ಅಮೆರಿಕನ್ ಕಂಪನಿಗಳಿಗೆ ತಾಂತ್ರಿಕ ಪ್ರವೇಶವನ್ನು ನೀಡಿದೆ ಮತ್ತು ಅವರು ಲಕ್ಷಾಂತರ ಭಾರತೀಯರ ಖರ್ಚು ಮಾಡುವ ಅಭ್ಯಾಸಗಳ ಬಗ್ಗೆ ಅಗಾಧ ಪ್ರಮಾಣದ ಡೇಟಾವನ್ನು ಪಡೆಯುತ್ತಿದ್ದಾರೆ. ಈ ಡೇಟಾವೇ ಒಂದು ಚಿನ್ನದ ಗಣಿಯಾಗಿದೆ, ಆದರೆ ಯುಪಿಐನಿಂದ ಲಾಭ ಪಡೆಯುತ್ತಿರುವ ಪ್ರತಿಯೊಂದು ಪ್ರಬಲ ವಿದೇಶಿ ಕಂಪನಿಯ ಮೇಲೆ “ವಾರ್ಷಿಕ ಭಾಗವಹಿಸುವಿಕೆ ಶುಲ್ಕ” (Annual Participation Fee) ವಿಧಿಸುವ ಬಗ್ಗೆ ಮೋದಿ ಸರ್ಕಾರ ಎಂದಿಗೂ ಯೋಚಿಸಿಲ್ಲ. ಯುಪಿಐ ವಹಿವಾಟುಗಳನ್ನು ಪ್ರಕ್ರಿಯೆಗೊಳಿಸುವುದಕ್ಕಾಗಿ ಅವರಿಗೆ ಹಣ ನೀಡುವ ಬದಲಿಗೆ, 50 ರಿಂದ 100 ಮಿಲಿಯನ್ ಅಮೆರಿಕನ್ ಡಾಲರ್‌ಗಳಷ್ಟು ಭಾಗವಹಿಸುವಿಕೆ ಶುಲ್ಕವನ್ನು ವಿಧಿಸಬಹುದಿತ್ತು.

● ಭಾರತದಲ್ಲಿ 1-1.5% ವಹಿವಾಟು ಶುಲ್ಕವನ್ನು ವಿಧಿಸುವ ಅಮೆರಿಕದ ವೀಸಾ (Visa) ಮತ್ತು ಮಾಸ್ಟರ್‌ಕಾರ್ಡ್ (Mastercard) ಕಂಪನಿಗಳ ವ್ಯವಹಾರದ ಮೇಲೆ ಯುಪಿಐ ಮತ್ತು ರುಪೇ (RuPay) ಕಾರ್ಡ್‌ಗಳು ಪರಿಣಾಮ ಬೀರುತ್ತಿವೆ ಎಂದು ಅಮೆರಿಕ ಸರ್ಕಾರವೂ ದೂರಿತ್ತು. ಈ ಬೇಡಿಕೆಗಳನ್ನು ಈಡೇರಿಸುವ ಸಲುವಾಗಿಯೇ ಮೋದಿ ಸರ್ಕಾರವು ಉಚಿತ ಯುಪಿಐ ವಹಿವಾಟುಗಳ ಮೇಲೆ ವಹಿವಾಟು ಶುಲ್ಕವನ್ನು ವಿಧಿಸಲು ನಿರ್ಧರಿಸಿದೆಯೇ? ಕಾನೂನಿನಲ್ಲಿ ಮಾಡಿದ ರಹಸ್ಯ ಬದಲಾವಣೆಯು ಅದನ್ನೇ ಸೂಚಿಸುವಂತಿದೆ.

ಎನ್‌ಪಿಸಿಐ (NPCI) ಲಾಭದಲ್ಲಿದ್ದರೆ, ಯುಪಿಐ ವಹಿವಾಟು ತೆರಿಗೆಯನ್ನು ಏಕೆ ವಿಧಿಸಬೇಕು?

● ಎನ್‌ಪಿಸಿಐ ತೆರಿಗೆಯ ಪೂರ್ವ ಕಾರ್ಯಾಚರಣೆಯ ಲಾಭ ರೂ. 1900 ಕೋಟಿ ಎಂದು ತೋರಿಸಿದೆ. ಮೋದಿ ಸರ್ಕಾರವು ಕಳೆದ ವರ್ಷ ಎನ್‌ಪಿಸಿಐನಿಂದ ರೂ. 1000 ಕೋಟಿ ತೆರಿಗೆ ಗಳಿಸಿದೆ. ಹೆಚ್ಚುವರಿಯಾಗಿ, ಎನ್‌ಪಿಸಿಐ ಬ್ಯಾಲೆನ್ಸ್ ಶೀಟ್‌ನಲ್ಲಿ ರೂ. 6119 ಕೋಟಿ ನಗದು ಹಣವಿದೆ.

● ಹಾಗಿರುವಾಗ, ಸಾಮಾನ್ಯ ಭಾರತೀಯರ ವೆಚ್ಚದಲ್ಲಿ ವಿದೇಶಿ ಒತ್ತಡಕ್ಕೆ ಮಣಿಯುವುದನ್ನು ಹೊರತುಪಡಿಸಿ, ಕಾನೂನನ್ನು ಬದಲಾಯಿಸಲು ಮತ್ತು ಯುಪಿಐ ವಹಿವಾಟು ತೆರಿಗೆಯನ್ನು ವಿಧಿಸಲು ಇರುವ ಸಮರ್ಥನೆ ಏನು?

ಉಚಿತ ಯುಪಿಐ ವಹಿವಾಟುಗಳನ್ನು ಸಬ್ಸಿಡಿ ಮಾಡಲು ಸಾಧ್ಯವಿಲ್ಲ ಎಂಬುದು ಮೋದಿ ಸರ್ಕಾರ ಮತ್ತು ಎನ್‌ಪಿಸಿಐನ ಕುಂಟು ನೆಪ ಹಾಗೂ ಬೂಟಾಟಿಕೆ

● ಉಚಿತ ಯುಪಿಐ ವಹಿವಾಟುಗಳು ಮತ್ತು ಭದ್ರತಾ ಪ್ರೋಟೋಕಾಲ್‌ಗಳಿಗೆ ವಾರ್ಷಿಕವಾಗಿ ರೂ. 20,000 ಕೋಟಿ ಅಗತ್ಯವಿದೆ ಎಂಬ ಕಾರಣ ನೀಡಿ ಯುಪಿಐ ವಹಿವಾಟು ತೆರಿಗೆ ವಿಧಿಸಲು ಹೊರಟಿರುವ ಕುಂಟು ನೆಪವು ಕೇವಲ ಪೊಳ್ಳು ಅಷ್ಟೇ ಅಲ್ಲ, ಬಿಜೆಪಿ ಸರ್ಕಾರದ ದುರುದ್ದೇಶವನ್ನು ಬಯಲು ಮಾಡುತ್ತದೆ.

● ಈ ಹಾಸ್ಯಾಸ್ಪದ ವಾದವನ್ನು 2025-26 ರಲ್ಲಿ ಸಾರ್ವಜನಿಕ ವಲಯದ (PSU) ಬ್ಯಾಂಕುಗಳ ಲಾಭದೊಂದಿಗೆ ಹೋಲಿಸಿ ನೋಡೋಣ, ಅದು ರೂ. 2 ಲಕ್ಷ ಕೋಟಿಯಾಗಿತ್ತು (2026ರ ಮೇ 29 ರ ಪಿಐಬಿ ಪತ್ರಿಕಾ ಪ್ರಕಟಣೆ).

● ಆರ್‌ಬಿಐ (RBI) ಕೂಡ 2025-26 ರ ಸಾಲಿಗೆ ಮೋದಿ ಸರ್ಕಾರಕ್ಕೆ ರೂ. 2.86 ಲಕ್ಷ ಕೋಟಿ ಹೆಚ್ಚುವರಿ ಹಣವನ್ನು ವರ್ಗಾಯಿಸಿದೆ.

● ಇದನ್ನು ಬದಿಗಿಟ್ಟರೂ, 2026ರ ಜುಲೈ 28 ರ ರಾಜ್ಯಸಭೆಯ ಉತ್ತರ ಒಂದರ ಪ್ರಕಾರ (ಅನುಬಂಧ A3) ಸರ್ಕಾರಿ/ಖಾಸಗಿ ಬ್ಯಾಂಕುಗಳು ಕನಿಷ್ಠ ಮೊತ್ತದ ದಂಡ, ಡೆಬಿಟ್ ಕಾರ್ಡ್ ಶುಲ್ಕಗಳು ಮತ್ತು ಖಾತೆ ನಿರ್ವಹಣೆ ಶುಲ್ಕಗಳ ರೂಪದಲ್ಲಿಯೇ ರೂ. 57,259 ಕೋಟಿಗಳನ್ನು ಗಳಿಸಿವೆ.

● ಅಲ್ಲದೆ, ಎನ್‌ಪಿಸಿಐ ತೆರಿಗೆಗೆ ಮೊದಲಿಗಿನ ಕಾರ್ಯಾಚರಣೆಯ ಲಾಭ ರೂ. 1900 ಕೋಟಿ ಮತ್ತು ರೂ. 6000 ಕೋಟಿಗಳಷ್ಟು ನಗದು ಮೀಸಲನ್ನು ಹೊಂದಿದೆ. ಆದ್ದರಿಂದ ಇದು ಯುಪಿಐ ವಹಿವಾಟು ತೆರಿಗೆ ವಿಧಿಸಲು ನೆಪವಾಗಿ ನೀಡಲಾಗುತ್ತಿರುವ ಇಡೀ “ಸಬ್ಸಿಡಿ ವಾದ”ವನ್ನೇ ಧ್ವಂಸಗೊಳಿಸುತ್ತದೆ. ಈ ಬೂಟಾಟಿಕೆಯು ಎದ್ದು ಕಾಣುತ್ತಿದೆ. ದೇಶಕ್ಕೆ ಉತ್ತರ ಬೇಕಾಗಿದೆ! ಎಂದು ಆಗ್ರಹಿಸಿದ್ದಾರೆ.