ತೆಲಂಗಾಣದ ಚಿನ್ನಜಿಯಾರ ಆಶ್ರಮಕ್ಕೆ ಭೇಟಿ ನೀಡಿದ ಸಿಎಂ
ಪ್ರಗತಿವಾಹಿನಿ ಸುದ್ದಿ, ಬೆಂಗಳೂರು –
ತೆಲಂಗಾಣದ ಚಿನ್ನಜಿಯಾರ ಆಶ್ರಮಕ್ಕೆ ಭೇಟಿ ನೀಡಿದ ಸಿಎಂ ಬಿಎಸ್ ಯಡಿಯೂರಪ್ಪ ಹೋಮ ಹವನ ನಡೆಸಿದ್ದಾರೆ.
ಈ ಹಿಂದೆ ಆಂಧ್ರ ಸಿಎಂ ಸಹ ಅದೃಷ್ಟ ಒಲಿಸಿಕೊಳ್ಳಲು ಇದೇ ಮಠಕ್ಕೆ ಭೇಟಿಯಾಗಿ ಪೂಜೆ ಸಲ್ಲಿಸಿದ್ದರು. ಆ ಭಾಗದಲ್ಲಿ ಬಹಳ ಪ್ರಸಿದ್ಧಿ ಪಡೆದಿರುವ ಚಿನ್ನಜಿಯಾರ ಆಶ್ರಮಕ್ಕೆ ರಾಜ್ಯ ಮತ್ತು ನೆರೆ ರಾಜ್ಯದ ಹಲವಾರು ಗಣ್ಯರು ರಾಜಕಾರಣಿಗಳು ಭೇಟಿ ನೀಡುತ್ತಾರೆ.
ಚಿನ್ನಜಿಯಾರ ಹಲವಾರು ರಾಜಕೀಯ ನಾಯಕರುಗಳಿಗೆ ಗೆಲುವಿನ ದೆಸೆ ತಂದುಕೊಟ್ಟ ಆಶ್ರಮವೆಂದು ಪ್ರಸಿದ್ಧಿಯಾಗಿದೆ.
ಆಶ್ರಮದಲ್ಲೇ ವಾಸ್ತವ್ಯ ಹೂಡಿದ್ದ ಮುಖ್ಯಮಂತ್ರಿ ಯಡಿಯೂರಪ್ಪ ಇಂದೂ ಸಹ ವಿಶೇಷ ಪೂಜೆ ಹೋಮದಲ್ಲಿ ಭಾಗಿಯಾಗಿದ್ದರು.
ಅವರು ಇಂದು ಬೆಳಿಗ್ಗೆ ಮಠದ ಸೀತಾರಾಮ ದೇವಸ್ಥಾನದಲ್ಲಿ ವಿಶೇಷ ವಿಧಿಗಳನ್ನು ನೆರವೇರಿಸಿದರು. ನಂತರ ಯಡಿಯೂರಪ್ಪ ವಿಶೇಷ ಪೂಜೆಗಳಲ್ಲಿ ಭಾಗವಹಿಸಲಿದ್ದರು. ಈ ಸಂದರ್ಭದಲ್ಲಿ ಮಾತನಾಡಿದ ಯಡಿಯೂರಪ್ಪ ಅವರು ಮುಖ್ಯಮಂತ್ರಿಯಾಗಿ ಅಧಿಕಾರ ವಹಿಸಿಕೊಂಡರೆ ಚಿನ್ನ ಜಿಯಾರ ಆಶ್ರಮಕ್ಕೆ ಬಂದು ಆಶೀರ್ವಾದ ಪಡೆಯುವುದಾಗಿ ಅಂದು ಕೊಂಡಿದ್ದರಂತೆ.
ಆಶ್ರಮದಲ್ಲಿ ನಿನ್ನೆ ವೇದ ವಿದ್ವಾಂಸರು ಯಡಿಯೂರಪ್ಪ ಅವರನ್ನು ಸ್ವಾಗತಿಸಿದರು. ನಂತರ ಅವರು ಚಿನ್ನ ಜಿಯಾರ ಸ್ವಾಮಿಯನ್ನು ಭೇಟಿಯಾಗಿ ಆಶೀರ್ವಾದ ಪಡೆದರು.
ಅಂದುಕೊಂಡಂತೆ ಯಡಿಯೂರಪ್ಪನವರ ಮುಖ್ಯಮಂತ್ರಿ ಗುರಿ ಸಫಲವಾಯಿತು, ಆದರೆ ಈಗ ಅವರ ಮುಂದಿರುವುದು ಸಂಪುಟ ಸಂಕಟ.
ಸಂಪುಟ ರಚನೆಯಲ್ಲಿ ಎಲ್ಲರನ್ನೂ ತೃಪ್ತಿ ಪಡಿಸುವ ದೊಡ್ಡ ಸವಾಲು ಬಿ ಎಸ್ ವೈ ಮುಂದಿದೆ. ಒಂದೆಡೆ ತಮ್ಮ ಪಕ್ಷದಲ್ಲೇ ಹಲವಾರು ಆಕಾಂಕ್ಷಿಗಳು ಮತ್ತೊಂದೆಡೆ ಅತೃಪ್ತ ಶಾಸಕರಿಗೆ ಅವಕಾಶ ಕೊಡಬೇಕಾಗಿದೆ, ಇದೆಲ್ಲದರ ನಡುವೆ ಮತ್ತೆ ಎಲ್ಲಿ ಅಧಿಕಾರಕ್ಕೆ ಕಂಟಕ ಬರುತ್ತದೆಯೋ ಎಂಬ ಟೆನ್ಷನ್ ಕಾರಣದಿಂದಾಗಿ ಬಿ ಎಸ್ ವೈ ತೆಲಂಗಾಣದ ಆಶ್ರಮಕ್ಕೆ ತೆರಳಿದ್ದರು.
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
