ಪ್ರಗತಿವಾಹಿನಿ ಸುದ್ದಿ, ಖಾನಾಪುರ: ಬೈಲಹೊಂಗಲ ತಾಲೂಕಿನ ಎಂ.ಕೆ.ಹುಬ್ಬಳ್ಳಿಯ ಯುವತಿ ಪರ್ವೀನ್ ಇಬ್ರಾಹಿಮ್ ಮೀರಾನಾಯ್ಕ (೧೮) ನಾಪತ್ತೆಯಾಗಿದ್ದಾಳೆ. ಸೆಪ್ಟೆಂಬರ್ ೨೫ ರಂದು ಸಂಜೆ ೬ರಿಂದ ೬.೩೦ ಗಂಟೆಯ ಒಳಗೆ ಖಾನಾಪುರ ದ ತನ್ನ ಅತ್ತೆಯ ಮನೆಯಿಂದ ಯಾರೂ ಇಲ್ಲದ ಸಮಯ ನೋಡಿ ಎಲ್ಲಿಗೋ ಹೋಗಿದ್ದಾಳೆ ಎಂದು ಅವಳ ತಂದೆ ಇಬ್ರಾಹಿಮ್ ಮೀರಾನಾಯ್ಕ ಖಾನಾಪುರ ಪೋಲಿಸ್ ಠಾಣೆಯಲ್ಲಿ ಅಕ್ಟೋಬರ್ ೨ ರಂದು ದೂರು ದಾಖಲಿಸಿದ್ದಾರೆ.
ಗುಂಡು ಮುಖ, ನೇರ ಮೂಗು, ಸಾಧಾರಣ ಮೈಕಟ್ಟು, ಗೋದಿಗೆಂಪು ಮೈಬಣ್ಣ, ನೇರ ಉದ್ದ ತಲೆಗೂದಲು ಹೊಂದಿರುವ ಈಕೆಯ ಎತ್ತರ ೫’-೨” , ತಿಳಿಗುಲಾಬಿ ಬಣ್ಣದ ಚೂಡಿದಾರ ಮತ್ತು ಗುಲಾಬಿ ಬಣ್ಣದ ವೇಲ್ ಧರಿಸಿದ್ದು , ಉರ್ದು ಹಾಗೂ ಕನ್ನಡ ಭಾಷೆಯಲ್ಲಿ ಮಾತನಾಡುತ್ತಾಳೆ.
ಯುವತಿ ಪತ್ತೆಯಾದರೆ ತಕ್ಷಣ ಖಾನಾಪುರ ಪಿಎಸ್.ಐ – ೯೪೮೦೮೦೪೦೮೬, ಖಾನಾಪುರ ಪೋಲಿಸ್ ಠಾಣೆ- ೦೮೩೩೬-೨೨೨೩೩೩, ಪಿಎಸ್.ಐ ಖಾನಾಪುರ ವೃತ್ತ -೯೪೮೦೮೦೪೦೩೩, ಬೆಳಗಾವಿ ಜಿಲ್ಲಾ ಕಂಟ್ರೋಲ್ ರೂಂ. ೦೮೩೧-೨೪೦೫೨೩೧ ಈ ಫೋನ್ ಗಳಿಗೆ ಕರೆ ಮಾಡಿ ತಿಳಿಸುವಂತೆ ಪೋಲಿಸ್ ಪ್ರಕಟಣೆಯಲ್ಲಿ ಕೋರಲಾಗಿದೆ.
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
