*ಕ್ರೆಡೈ ಹಾಗೂ ಕೆಎಲ್ಎಸ್ ಗೊಗಟೆ ಸಂಸ್ಥೆ ನಡುವೆ ಒಪ್ಪಂದ*
ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ: ಬೆಳಗಾವಿಯ ಕೆಎಲ್ಎಸ್ ಗೊಗಟೆ ತಾಂತ್ರಿಕ ಸಂಸ್ಥೆ (KLS GIT)ಯ ನಾಗರಿಕ ಇಂಜಿನಿಯರಿಂಗ್ ವಿಭಾಗ ಹಾಗೂ CREDAI ಬೆಳಗಾವಿ ನಡುವೆ ಉದ್ಯಮ–ಶೈಕ್ಷಣಿಕ ಸಹಭಾಗಿತ್ವವನ್ನು ಮತ್ತಷ್ಟು ಬಲಪಡಿಸುವ ಉದ್ದೇಶದಿಂದ ಮಹತ್ವದ ಒಪ್ಪಂದ ಪತ್ರ (MoU)ಗೆ ಸಹಿ ಹಾಕಲಾಯಿತು.
ಈ ಒಪ್ಪಂದದಡಿ ಪದವಿ (UG) ಹಾಗೂ ಸ್ನಾತಕೋತ್ತರ (PG) ವಿದ್ಯಾರ್ಥಿಗಳಿಗೆ ಪಠ್ಯಕ್ರಮದೊಂದಿಗೆ ಸಂಯೋಜಿತ ಇಂಟರ್ನ್ಶಿಪ್ಗಳು, ಉದ್ಯಮ ತಜ್ಞರಿಂದ ತಾಂತ್ರಿಕ ಉಪನ್ಯಾಸಗಳು, ಕೌಶಲ್ಯ ಪ್ರಯೋಗಾಲಯಗಳಲ್ಲಿ ತಜ್ಞರ ಮಾರ್ಗದರ್ಶನ ಹಾಗೂ ವಿವಿಧ ನಿರ್ಮಾಣ ಕಾಮಗಾರಿ ಸ್ಥಳಗಳಿಗೆ ಭೇಟಿ ನೀಡುವ ಅವಕಾಶ ಕಲ್ಪಿಸಲಾಗುತ್ತದೆ. ಇದರಿಂದ ವಿದ್ಯಾರ್ಥಿಗಳ ಶೈಕ್ಷಣಿಕ ಜ್ಞಾನ ಮತ್ತು ವೃತ್ತಿಪರ ಅನುಭವದ ನಡುವಿನ ಅಂತರವನ್ನು ಕಡಿಮೆ ಮಾಡುವ ಉದ್ದೇಶ ಹೊಂದಲಾಗಿದೆ.
ಒಪ್ಪಂದಕ್ಕೆ CREDAI ಬೆಳಗಾವಿಯ ಅಧ್ಯಕ್ಷ ಯುರಾಜ್ ಹುಲಜಿ ಹಾಗೂ KLS GIT ಅಧ್ಯಕ್ಷ ರಾಜೇಂದ್ರ ಬೆಳಗಾವ್ಕರ್ ಸಹಿ ಹಾಕಿದರು. ಕಾರ್ಯಕ್ರಮದಲ್ಲಿ CREDAI ಉಪಾಧ್ಯಕ್ಷ ಆನಂದ ಕುಲಕರ್ಣಿ, ಕಾರ್ಯದರ್ಶಿ ಪ್ರಸಾಂತ್ ವಾಂಡ್ಕರ್, ಖಜಾಂಚಿ ಸುಧೀರ್ ಪನಾರೆ, CWW ನಗರ ಸಂಯೋಜಕಿ ಕರೂಣಾ ಹಿರೇಮಠ, ಕಾರ್ಯದರ್ಶಿ ಸವಿತಾ ಸಾಯಣೇಕರ್, ರಾಜ್ಯ ಸಂಯೋಜಕಿ ದೀಪಾ ವಾಂಡ್ಕರ್ ಸೇರಿದಂತೆ CREDAI ಹಾಗೂ KLS GIT ಆಡಳಿತ ಮಂಡಳಿಯ ಸದಸ್ಯರು ಉಪಸ್ಥಿತರಿದ್ದರು.
ಈ ಸಂದರ್ಭದಲ್ಲಿ KLS GIT ಪ್ರಾಂಶುಪಾಲ ಡಾ. ವಿಜಯ ಅಥವಲೆ, ನಾಗರಿಕ ಇಂಜಿನಿಯರಿಂಗ್ ವಿಭಾಗದ ಮುಖ್ಯಸ್ಥರು ಹಾಗೂ ಸಿಬ್ಬಂದಿಯೂ ಭಾಗವಹಿಸಿದ್ದರು. ವಿದ್ಯಾರ್ಥಿಗಳ ಕೌಶಲ್ಯಾಭಿವೃದ್ಧಿ, ಉದ್ಯೋಗಾರ್ಹತೆ ಮತ್ತು ಉದ್ಯಮದ ಅಗತ್ಯಗಳಿಗೆ ತಕ್ಕಂತೆ ಅವರನ್ನು ಸಜ್ಜುಗೊಳಿಸುವ ನಿಟ್ಟಿನಲ್ಲಿ ಈ ಒಪ್ಪಂದ ಮಹತ್ವದ ಮೈಲಿಗಲ್ಲಾಗಲಿದೆ ಎಂದು ತಿಳಿಸಲಾಯಿತು.
KLS GIT’s Civil Engineering Department Signs MoU with CREDAI, Belagavi to Strengthen Industry-Academia Collaboration
The Department of Civil Engineering signed a Memorandum of Understanding (MoU) with CREDAI, Belagavi on 21st July 2026 to strengthen industry–academia collaboration by facilitating curriculum integrated internships for UG and PG students. The collaboration will further enhance student’s industry exposure through technical talks by industry experts, expert engagement in skill laboratory activities and visits to ongoing construction sites, thereby bridging the gap between academic learning and professional practice.
The MoU was signed by Shri. Yuvaraj Hulji, President CREDAI, Belagavi and Shri. Rajendra Belgaumkar, Chairman, KLS GIT in presence of Shri. Anand Kulkarni (Vice President), Shri. Prashant Wandkar (Secretary), Shri Sudhir Panare (Treasurer), Smt. Karuna Hiremath (City Coordinator, CWW), Smt. Savita Sayanekar (Secretary, CWW), Smt. Deepa Wandkar (State Coordinator, Karnataka) and other board members of CREDAI and KLS GIT alongside Dr. Vijay Athavale, Principal; HOD and Staff of Civil Engineering Department, KLS GIT, Belagavi
