ಮದುವೆ ಮನೆಗೆ ನುಗ್ಗಿ ಮನಸಾರೆ ಉಂಡ ಕರಡಿ!

ಪ್ರಗತಿವಾಹಿನಿ ಸುದ್ದಿ, ವಾಷಿಂಗ್ಟನ್: ಮದುವೆ ಮನೆಯೊಂದಕ್ಕೆ ನುಗ್ಗಿದ ಕರಡಿಯೊಂದು ಮನಸಾರೆ ಭೋಜನ ಭಕ್ಷಿಸಿ ದಿಗಿಲೆಬ್ಬಿಸದ ಘಟನೆಯೊಂದು ಅಮೆರಿಕದ ಕೊಲೊರಾಡೋದ ಬೌಲ್ಡರ್ ಕೌಂಟಿಯಲ್ಲಿ ನಡೆದಿದೆ.

ಬ್ರ್ಯಾಂಡನ್  ಮಾರ್ಟಿನೇಜ್​ ಮತ್ತು ಕೈಲಿನ್​ ಮ್ಯಾಕ್​ರೊಸ್ಸಿ ಮಾರ್ಟಿನೇಜ್ ಅವರ ವಿವಾಹ ಸಮಾರಂಭ ನಡೆಯುತ್ತಿತ್ತು. ಎಲ್ಲ ಅತಿಥಿಗಳು ಆಗಮಿಸಿ ನವಜೋಡಿಗೆ ಶುಭ ಹಾರೈಸಿ ಭೋಜನ ಸವಿಯುತ್ತಿದ್ದರು. ಈ ವೇಳೆ ‘ಬಿನ್ ಬುಲಾಯೇ ಮೆಹೆಮಾನ್’ ಆಗಿ ಮದುವೆಮನೆಗೆ ನುಗ್ಗಿದ ಕರಡಿ ಅಲ್ಲಿರುವ ಅಡುಗೆಯನ್ನೆಲ್ಲ ತನಗಾಗಿಯೇ ಇರಿಸಿದಂತೆ ಭಕ್ಷಣೆಗಿಳಿಯಿತು.

Home add -Advt

ಕಣ್ಣೆದುರಲ್ಲಿ ಕರಡಿ ಅವಾಂತರ ಕಂಡ ವಧುವರರು ಮತ್ತು ಅತಿಥಿಗಳು ಕಕ್ಕಾಬಿಕ್ಕಿಯಾದರು. ನವದಂಪತಿ ಇದನ್ನು ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಿದ್ದಂತೆ ವ್ಯಾಪಕ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ.