ಪ್ರಗತಿವಾಹಿನಿ ಸುದ್ದಿ, ಸಬಾಹ್: ತಂದೆಯೊಂದಿಗೆ ಮೀನು ಹಿಡಿಯಲು ಹೋಗಿದ್ದ ಒಂದು ವರ್ಷದ ಬಾಲಕನನ್ನು ಮೊಸಳೆಯೊಂದು ಜೀವಂತ ಹಿಡಿದು ತಿಂದುಹಾಕಿದೆ.
ಮಲೇಷ್ಯಾದ ಸಬಾಹ್ ನ ಲಹಾದ್ ದಾತು ಎಂಬಲ್ಲಿ ಈ ದುರ್ಘಟನೆ ನಡೆದಿದೆ. ಪಲಾವ್ ಆದಿವಾಸಿ ಸಮುದಾಯಕ್ಕೆ ಸೇರಿದ ಮೊಹೆರತ್ ಎಂದು ಗುರುತಿಸಲಾದ 45 ವರ್ಷದ ತಂದೆಯೊಂದಿಗೆ ಬಾಲಕ ದೋಣಿಯಲ್ಲಿ ಹೋಗುತ್ತಿದ್ದಾಗ 11 ಅಡಿ ಉದ್ದದ ದೈತ್ಯ ಮೊಸಳೆ ಮಗನನ್ನು ಹಿಡಿದಿದೆ.
ಈ ವೇಳೆ ನೀರಿಗೆ ಜಿಗಿದ ಮೊಹೆರತ್ ಮೊಸಳೆಯೊಂದಿಗೆ ಹೋರಾಡಿ ಮಗನನ್ನು ರಕ್ಷಿಸಲು ಪ್ರಯತ್ನಿಸಿದರು. ಆದರೆ ಮೊಸಳೆ ಅವರನ್ನು ಸುಲಭವಾಗಿ ಸೋಲಿಸಿ ಮಗನನ್ನು ತಂದೆ ಕಣ್ಣೆದುರೇ ಭಕ್ಷಿಸಿತು. ಸ್ಥಳೀಯರು ಮೊಹೆರತ್ ಅವರನ್ನು ರಕ್ಷಿಸಿದರು. ಈ ದೃಷ್ಯ ವಿಡಿಯೊದಲ್ಲಿ ಸೆರೆಯಾಗಿದೆ.
ಮೊಸಳೆ ದಾಳಿಯಿಂದ ಮೊಹೆರತ್ ಅವರಿಗೂ ತಲೆಗೆ ಗಂಭೀರ ಗಾಯಗಳಾಗಿದ್ದು ಎರಡು ಕಡೆ ಕಚ್ಚಿದ ಗಾಯಗಳಾಗಿವೆ. ಬಾಲಕನನ್ನು ದವಡೆಯಲ್ಲಿ ಕಚ್ಚಿ ಹಿಡಿದ ಮೊಸಳೆ ನೀರಿನಲ್ಲಿ ಮುಳುಗು ಹಾಕುವ ಮುನ್ನ ಬಾಲಕನ ದೇಹದೊಂದಿಗೆ ಮೇಲ್ಮುಖವಾಗಿ ಚಿಮ್ಮಿರುವುದು ವಿಡಿಯೊದಲ್ಲಿ ದಾಖಲಾಗಿದೆ.
ಮೋಜು-ಮಸ್ತಿಗೆ ತೆರಳಿದ್ದ ಟೆಕ್ಕಿ ಕಿಡ್ನ್ಯಾಪ್ ಪ್ರಕರಣ; ನಾಲ್ವರು ಆರೋಪಿಗಳ ಬಂಧನ
