ಬ್ರೇಕ್ ಬದಲಿಗೆ ಎಕ್ಸಿಲೇಟರ್ ಒತ್ತಿದ ಚಾಲಕಿ: ಏನಾಯ್ತು ನೀವೇ ನೋಡಿ
ಶಿರಸಿಯಲ್ಲಿ ಘಟನೆ
ಪ್ರಗತಿವಾಹಿನಿ ಸುದ್ದಿ, ಶಿರಸಿ: ಪೆಟ್ರೋಲ್ ಬಂಕ್ ಒಳಗೆ ಬರುತ್ತಿದ್ದ ಕಾರಿನ ಡ್ರೈವರ್ ಬ್ರೇಕ್ ಬದಲಿಗೆ ಎಕ್ಸಿಲೇಟರ್ ಒತ್ತಿದ ಪರಿಣಾಮ, ಎದುರಿಗಿದ್ದ ಬೈಕ್ ಗೆ ಗುದ್ದಿದ ಘಟನೆ ನಗರದ ಅಗ್ರಿಕಲ್ಚರಲ್ ಸೊಸೈಟಿಯ ಪೆಟ್ರೋಲ್ ಬಂಕ್ ನಲ್ಲಿ ಜರುಗಿದೆ.
ಕಾರಿನ ಚಾಲಕಿಯ ಅಚಾತುರ್ಯದಿಂದ ಈ ಘಟನೆ ಸಂಭವಿಸಿದ್ದು, ಬೈಕ್ ನಲ್ಲಿದ್ದ ಸವಾರ, ಹಾಗು ಓರ್ವ ಮಹಿಳೆಗೆ ಗಾಯಗಳಾಗಿವೆ. ಪೆಟ್ರೋಲ್ ಬಂಕಿನ ಮಷಿನ್ ಗೆ ಹಾನಿ ಉಂಟಾಗಿದೆ ಎಂಬ ಮಾಹಿತಿ ದೊರೆತಿದೆ. ಅದೃಷ್ಟವಷಾತ್ ದೊಡ್ಡ ಪ್ರಮಾಣದ ದುರ್ಘಟನೆ ಸಂಭವಿಸಿಲ್ಲ.
