ಪ್ರಗತಿವಾಹಿನಿ ಸುದ್ದಿ: ಕಿಡಿಗೇಡಿಗಳು ರಿಯಲ್ ಸ್ಟಾರ್ ಉಪೇಂದ್ರ ಹಾಗೂ ಪತ್ನಿ ಪ್ರಿಯಾಂಕಾ ದಂಪತಿಯ ಫೋನ್ ನಂಬರ್ ಹ್ಯಾಕ್ ಮಾಡಿದ್ದಾರೆ.
ಈ ಬಗ್ಗೆ ನಟ ಉಪೇಂದ್ರ ಹಾಗೂ ಪತ್ನಿ ಪ್ರಿಯಾಂಕಾ ವಿಡಿಯೋ ಮೂಲಕ ಮಾಹಿತಿ ನೀಡಿದ್ದಾರೆ. ನಮ್ಮ ಫೋನ್ ನಂಬರ್ ಗಳನ್ನು ಯಾರೋ ಕಿಡಿಗೇಡಿಗಳು ಹ್ಯಾಕ್ ಮಾಡಿದ್ದು, ಹಲವಾರು ಮೆಸೇಜ್ ಗಳನ್ನು ಕಳುಹಿಸುತ್ತಿದ್ದಾರೆ. ನಮ್ಮ ಹೆಸರಲ್ಲಿ ಮೆಸೇಜ್ ಕಳುಹಿಸಿ ಅರ್ಜಂಟಾಗಿ ಹಣ ಹಾಕಿ ಇನ್ನೆರಡು ಗಂಟೆಯಲ್ಲಿ ವಾಪಸ್ ಮಾಡುತ್ತೇನೆ ನಮ್ಮ ಅಕೌಂಟ್ ಸಮಸ್ಯೆಯಾಗಿದೆ ಎಂದು ಸಂದೇಶ ಕಳುಹಿಸುತ್ತಿದ್ದಾರೆ. ಇಂತಹ ಹಲಾವರು ಮೆಸೇಜ್ ಗಳು ನಮ್ಮ ಫೋನ್ ನಂಬರ್ ನಿಂದ ರವಾನೆಯಾಗುತ್ತಿದ್ದು, ನಮ್ಮಬರ್ ಹ್ಯಾಕ್ ಆಗಿದೆ.
ಹಾಗಾಗಿ ನಮ್ಮ ನಂಬರ್ ಗಳಿಂದ ಇಂತಹ ಯಾವುದೇ ಸಂದೇಶ ಬಂದರೆ ಹಣ ಹಾಕಲು ಹೋಗಬೇಡಿ. ಈಗಾಗಲೇ ನಾವು ಫೋನ್ ನಂಬರ್ ಹ್ಯಾಕ್ ಆಗಿರುವ ಬಗ್ಗೆ ಸದಾಶಿವನಗರ ಠಾಣೆಗೆ ದೂರು ನೀಡಲು ಹೋಗುತ್ತಿದ್ದೇವೆ ಎಂದು ತಿಳಿಸಿದ್ದಾರೆ.
