ಅನ್ನಪೂರ್ಣೇಶ್ವರಿ ದೇವಸ್ಥಾನದ ವಾರ್ಷಿಕ ಮಹೋತ್ಸವ

ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ:
ವಡಗಾವಿ ಯಳ್ಳೂರು ರಸ್ತೆಯ ಶ್ರೀ ಅನ್ನಪೂರ್ಣೇಶ್ವರಿ ದೇವಸ್ಥಾನದ ಶ್ರೀ ಅನ್ನಪೂರ್ಣೇಶ್ವರಿ ದೇವಿಯ ಆರನೇ ವಾರ್ಷಿಕ ಮಹೋತ್ಸವ ಮೇ ೨೩, ೨೪, ೨೫ ರಂದು ನಡೆಯಲಿದೆ.
ಮೇ ೨೩ ರಂದು ಬೆಳಗ್ಗೆ ೫ ರಿಂದ ಮಧ್ಯಾಹ್ನ ೧೨ ಗಂಟೆವರೆಗೆ ಗಂಗಾಪೂಜೆ, ಗಣಪತಿ ಪೂಜೆ, ಸ್ವಸ್ತಿ ಪುಣ್ಯಾಹ ವಚನ, ಗಣಹೋಮ, ಲಘು ರುದ್ರಾಭಿಷೇಕ, ನವಗ್ರಹ ಪೂಜೆ, ಮಂಟಪ ಪೂಜೆ, ಅಲಂಕಾರ ಪೂಜೆ, ಮಂಗಳಾರತಿ, ವಿಶೇಷ ಅಲಂಕಾರ, ಸಂಜೆ ೪ ಕ್ಕೆ ಭಜನೆ, ಸಂಜೆ ೬ ಕ್ಕೆ ಸುದರ್ಶನ ಹೋಮ ನಡೆಯಲಿದೆ.
ಮೇ ೨೪ ರಂದು ಬೆಳಗ್ಗೆ ೫ ರಿಂದ ಮಧ್ಯಾಹ್ನ ೧೨ ಗಂಟೆವರೆಗೆ ರುದ್ರ ಹೋಮ, ದಿಗ್ಭಂಧನ ಹೋಮ, ಕುಂಕುಮಾರ್ಚನೆ, ಮಂಗಳಾರತಿ, ವಿಶೇಷ ಅಲಂಕಾರ, ಸಂಜೆ ೪ ಕ್ಕೆ ದೇವಿಯ ಪಲ್ಲಕಿ ಉತ್ಸವ, ಬಲಿ ಉತ್ಸವ, ರಾತ್ರಿ ೮ ಕ್ಕೆ ದೀಪೋತ್ಸವ, ರಂಗಪೂಜೆ ನಡೆಯಲಿದೆ.
ಮೇ ೨೫ ರಂದು ಬೆಳಗ್ಗೆ ೫ ರಿಂದ ಮಧ್ಯಾಹ್ನ ೧೨ ರ ವರೆಗೆ ಮಹಾಭಿಷೇಕ, ಬಿಲ್ವಾರ್ಚನೆ, ಪುಷ್ಪಾರ್ಚನೆ, ಬೆಳಗ್ಗೆ ೯ ಕ್ಕೆ ಚಂಡಿಕಾ ಹೋಮ, ಪೂರ್ಣಾಹುತಿ, ಮಹಾ ಮಂಗಳಾರತಿ, ಉಡಿ ತುಂಬುವ ಕಾರ್ಯಕ್ರಮ, ವಿಶೇಷ ಅಲಂಕಾರ, ಮಧ್ಯಾಹ್ನ ೧೨ ಕ್ಕೆ ಮಹಾಪ್ರಸಾದ ಏರ್ಪಡಿಸಲಾಗಿದೆ ಎಂದು ದೇವಸ್ಥಾನದ ಮೊಕ್ತೇಸರ ರವಿರಾಜ ಹೆಗ್ಡೆ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.