ಗುರುವಾರ, ಶುಕ್ರವಾರ ಪುನಃ ಹಾರಾಡಲಿವೆ ಗಾಳಿಪಟಗಳು… ಜೊತೆಗೆ ಇನ್ನಷ್ಟು ಕಾರ್ಯಕ್ರಮ

    ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ

ತುಮಕೂರಿನ ಸಿದ್ದಗಂಗಾ ಮಠದ ಶಿವಕುಮಾರ ಸ್ವಾಮಿಗಳ ನಿಧನದ ಹಿನ್ನೆಲೆಯಲ್ಲಿ ಮುಂದೂಡಲಾಗಿದ್ದ ಗಾಳಿಪಟ ಉತ್ಸವದ 3 ಮತ್ತು ನಾಲ್ಕನೇ ದಿನದ ಕಾರ್ಯಕ್ರಮಗಳು ಗುರುವಾರ ಮತ್ತು ಶುಕ್ರವಾರ ನಡೆಯಲಿವೆ. 

ಶಾಸಕ ಅಭಯ ಪಾಟೀಲ ಬೆಳಗಾವಿಯ ರಾಷ್ಟ್ರೀಯ ಹೆದ್ದಾರಿ ಪಕ್ಕದ ಯಡಿಯೂರಪ್ಪ ಮಾರ್ಗದ ಮಾಲಿನಿ ಸಿಟಿಯಲ್ಲಿ 4 ದಿನಗಳ ಅಂತಾರಾಷ್ಟ್ರೀಯ ಗಾಳಿಪಟ ಉತ್ಸವ ಆಯೋಜಿಸಿದ್ದಾರೆ.

ಗುರುವಾರ ಸಂಜೆ 4 ಗಂಟೆಗೆ ಬಲೂನ್ ಫೆಸ್ಟಿವಲ್, 5.30ಕ್ಕೆ ಚಿತ್ರಕಲಾ ಸ್ಪರ್ಧೆ ವಿಜೇತರಿಗೆ ಬಹುಮಾನ ವಿತರಣೆ ಹಾಗೂ 6 ಗಂಟೆಗೆ ಸೋಲೋ ನೃತ್ಯ ಮತ್ತು ಹಿಪ್ ಆಫ್ ನೃತ್ಯ ನಡೆಯಲಿದೆ. 

ಶುಕ್ರವಾರ 6 ಗಂಟೆಗೆ ಸೋಲೋ ಫ್ಯಾಶನ್ ಶೋ, ಮೋಕ್ ಪ್ರೆಸ್, ಗ್ರುಪ್ ಫ್ಯಾಶನ್ ಶೋ, 8 ಗಂಟೆಗೆ ಕ್ರ್ಯಾಕರ್ ಶೋ ಮತ್ತು ಉಮಂಗ್ ಹಾಗೂ ಮಕ್ಕಳ ಉತ್ಸವದ ಬಹುಮಾನ ವಿತರಣೆ ನಡೆಯಲಿದೆ.