ಪ್ರಗತಿವಾಹಿನಿ ಸುದ್ದಿ, ಹೊಸದಿಲ್ಲಿ: ಏಪ್ರಿಲ್ 1, 2023 ರಿಂದ ಭಾರತದಲ್ಲಿ ವಾಹನಗಳಿಗೆ ಹೊಸ ರಿಯಲ್ ಡ್ರೈವಿಂಗ್ ಎಮಿಷನ್ (RDE) ಮಾನದಂಡಗಳನ್ನು ಅಳವಡಿಸಲಾಗಿದೆ. ಇದು ವಾಹನಗಳಿಗೆ ನೈಜ-ಸಮಯದ ಹೊರಸೂಸುವಿಕೆಯ ಡೇಟಾವನ್ನು ತಯಾರಕರು ಒದಗಿಸುವ ಅಗತ್ಯವಿರುವುದರಿಂದ ಹಲವು ಕಾರುಗಳನ್ನು ಸ್ಥಗಿತಗೊಳಿಸಲಾಗುತ್ತಿದೆ.
ನಿಸ್ಸಾನ್ ಕಿಕ್ಸ್, ಹೋಂಡಾ ಸಿಟಿ 4 ನೇ ಜೆನ್ ಮತ್ತು ಡಬ್ಲ್ಯುಆರ್-ವಿ, ಮಹೀಂದ್ರಾದ ಮರಾಜ್ಜೊ ಮತ್ತು ಕೆಯುವಿ 100, ರೆನಾಲ್ಟ್ ಕ್ವಿಡ್ 800 ಮತ್ತು ಮಾರುತಿ ಸುಜುಕಿ ಆಲ್ಟೊ 800 ಸೇರಿದಂತೆ ಹಲವಾರು ಕಾರುಗಳನ್ನು ಸ್ಥಗಿತಗೊಳಿಸಲಾಗಿದೆ.
ಇವುಗಳಲ್ಲಿ ಆಲ್ಟೊ, ರೇನಾಲ್ಟ್ ಸೇರಿದಂತೆ ಕೆಲವು ಸಾಮಾನ್ಯರ ಕೈಗೆಟುಕುವ ದರದ ಕಾರುಗಳು ಹೊಸ ನೀತಿಯಿಂದ ದುರ್ಲಭವಾಗಲಿವೆ. ಇಂಥ ನೀತಿಗೆ ಜನಸಾಮಾನ್ಯರ ಅಸಮಾಧಾನಗಳು ವ್ಯಕ್ತವಾಗಿದ್ದು, ಸಾರಿಗೆ ವ್ಯವಸ್ಥೆ ಸುಧಾರಣೆಗೆ ಅನೇಕ ಅನ್ಯ ಅವಶ್ಯಕತೆಗಳಿದ್ದು ಆ ಬಗ್ಗೆ ಗಮನ ಹರಿಸಬೇಕೇ ಹೊರತು ಸಾಮಾನ್ಯ ಜನರಿಗೆ ಭಾರವಾಗುವ ನೀತಿಗಳನ್ನೇ ಗಂಭೀರವಾಗಿ ಜಾರಿಗೊಳಿಸಲು ಮುಂದಾಗುತ್ತಿರುವ ಬಗ್ಗೆ ಆಕ್ಷೇಪಗಳು ಕೇಳಿಬಂದಿವೆ.
