ಪ್ರಗತಿವಾಹಿನಿ ಸುದ್ದಿ; ಕಾರವಾರ: ಅರಬ್ಬಿ ಸಮುದ್ರದಲ್ಲಿ ಮೀನುಗಾರಿಕೆಗೆ ತೆರಳಿದ್ದ ಪರ್ಷಿಯನ್ ಬೋಟ್ ಬಿರುಗಾಳಿಗೆ ಸಿಲುಕಿ ಇಂಜಿನ್ ಕೆಟ್ಟುಹೋಗಿದ್ದು ಬೋಟ್ ನಲ್ಲಿದ್ದ 24 ಜನ ಮೀನುಗಾರರನ್ನು ಮಂಗಳೂರು ಕೋಸ್ಟ್ ಗಾರ್ಡ ಸಿಬ್ಬಂದಿಗಳು ರಕ್ಷಿಸಿದ್ದಾರೆ.
ಭಟ್ಕಳದ ಬಂದರಿನಿಂದ ಮೀನುಗಾರಿಕೆಗೆ ತೆರಳಿದ್ದ ಕಮರುಲ್ ಬಾಹರ್ ಬೋಟ್ ಭಟ್ಕಳ-ಹೊನ್ನಾವರ ನಡುಭಾಗದ ಅರಬ್ಬಿ ಸಮುದ್ರದಲ್ಲಿ ಬಿರುಗಾಳಿಗೆ ಸಿಲುಕಿ ಬೋಟ್ ನ ಇಂಜಿನ್ ಕೆಟ್ಟುಹೋಗಿತ್ತು. ಈ ವೇಳೆ ಬಿರುಗಾಳಿ ಅಲೆಗಳ ಅಬ್ಬರದಿಂದ ಬೋಟ್ ಮುಳುಗುವ ಸ್ಥಿತಿಯಲ್ಲಿದ್ದು ಅದರಲ್ಲಿದ್ದ 24 ಜನ ಮೀನುಗಾರರು ಸಂಕಷ್ಟಕ್ಕೊಳಗಾಗಿದ್ದರು.
ವಿಷಯ ತಿಳಿದ ಕೋಸ್ಟ್ ಗಾರ್ಡ ಸಿಬ್ಬಂದಿ ತಕ್ಷಣ ಸ್ಥಳಕ್ಕೆ ಆಗಮಿಸಿ ಮೀನುಗಾರರನ್ನು ಹಾಗೂ ಬೋಟ್ ಅನ್ನು ರಕ್ಷಿಸಿ ಕಾರವಾರದ ಬಂದರಿಗೆ ಕರೆತಂದಿದ್ದಾರೆ.
