*ಬೆಳಗಾವಿಯಲ್ಲಿ 4 ಕಾರ್ನರ್ ಇಂಡಿಯಾ ಡ್ರೈವ್: ಗರ್ಭಾಶಯ ಬಾಯಿ ಕ್ಯಾನ್ಸರ್ ನಿವಾರಣೆಯ ಧ್ಯೇಯ*

ಪ್ರಗತಿವಾಹಿನಿ ಸುದ್ದಿ: ಬೆಳಗಾವಿಯಲ್ಲಿ ಇತ್ತೀಚೆಗೆ 4 ಕಾರ್ನರ್ ಇಂಡಿಯಾ ಡ್ರೈವ್ ಎಂಬ 40 ದಿನಗಳ, 15,000 ಕಿಮೀ ಉದ್ದದ ಜಾಗೃತಿ ಯಾತ್ರೆ ಆಯೋಜಿಸಲಾಯಿತು. 

ಈ ಯಾತ್ರೆ ಕಾಶ್ಮೀರದಿಂದ ಕನ್ಯಾಕುಮಾರಿ ವರೆಗೆ 15 ರಾಜ್ಯಗಳಲ್ಲಿ ನಡೆಯಿತು. ಗರ್ಭಾಶಯ ಬಾಯಿ ಕ್ಯಾನ್ಸರ್ ತಡೆಗಟ್ಟುವ ಕುರಿತು ಸಾಮೂಹಿಕ ಜಾಗೃತಿ ಮೂಡಿಸುವುದು ಇದರ ಉದ್ದೇಶ. ಈ ಅಭಿಯಾನವನ್ನು ರೋಟರಿ ಕ್ಲಬ್ ಆಫ್ ಬಾಂಬೆ PIER ಪ್ರಾಯೋಜಿಸಿತು ಹಾಗೂ ಇನ್ನರ್ ವ್ಹೀಲ್ ಕ್ಲಬ್ ಆಫ್ ಬಾಂಬೆ PIER ಸಹಭಾಗಿತ್ವ ನೀಡಿತು. ದೇಶದಾದ್ಯಂತ 950 ಲಸಿಕೆಗಳನ್ನು ನೀಡಲಾಗಿದ್ದು, ಇದರ ಮೌಲ್ಯ ರೂ. 28 ಲಕ್ಷ.

Home add -Advt

ಬೆಳಗಾವಿಯಲ್ಲಿ ಉಮಾದಿ ಕ್ಲಿನಿಕ್‌ನಲ್ಲಿ 50 ಬಡ ವಿದ್ಯಾರ್ಥಿನಿಯರಿಗೆ ಲಸಿಕೆ ನೀಡಲಾಯಿತು. ಸ್ತ್ರೀರೋಗ ತಜ್ಞ ರೋಟರಿಯನ್ ಡಾ. ಅನಿತಾ ಉಮಾದಿ ಅವರು ಸ್ವತಃ ಲಸಿಕೆ ನೀಡಿದರು. ರ‍್ಯಾಲಿಯನ್ನು ಡಿ.ಜಿ.ಎನ್ ರೋಟರಿಯನ್ ಅಶೋಕ್ ನಾಯ್ಕ್ ಅವರು ಉದ್ಘಾಟಿಸಿದರು. ಈ ಸಂದರ್ಭದಲ್ಲಿ ಮೂವರು ಕ್ಲಬ್ ಅಧ್ಯಕ್ಷರು – ರೋಟರಿಯನ್ ಅಡ್ವೊ. ವಿಜಯಲಕ್ಷ್ಮಿ ಮನ್ನಿಕೇರಿ (RC Belgaum Darpan), ರೋಟರಿಯನ್ ಡಾ. ಗೋವಿಂದ ಮಿಸಾಲೆ (RC Belgaum South) ಹಾಗೂ ರೋಟರಿಯನ್ ಕವಿತಾ ಕನಗಣಿ (E-Club) ಉಪಸ್ಥಿತರಿದ್ದರು.

ಈ ಕಾರ್ಯಕ್ರಮವನ್ನು ಯಶಸ್ವಿಯಾಗಿ ಸಂಯೋಜಿಸಿದವರು ಈವೆಂಟ್ ಚೇರ್ಸ್ ರೋಟರಿಯನ್ ಡಾ. ಸ್ಪೂರ್ತಿ ಮಸ್ತಿಹೋಳಿ ಮತ್ತು ರೋಟರಿಯನ್ ಸತೀಶ ಕುಲಕರ್ಣಿ. ರೋಟರಿಯನ್ ಹಾಗೂ ರೋಟರಾಕ್ಟರ್‌ಗಳ ಸಕ್ರಿಯ ಪಾಲ್ಗೊಳ್ಳುವಿಕೆಯಿಂದ ಈ ಅಭಿಯಾನ ಪರಿಣಾಮಕಾರಿಯಾಯಿತು ಹಾಗೂ HPV ಮುಕ್ತ ಭಾರತದ ಸಂಕಲ್ಪವನ್ನು ಬಲಪಡಿಸಿತು.

“ಒಂದು ದೇಶ, ಒಂದು ಧ್ಯೇಯ – ಬನ್ನಿ, ಗರ್ಭಾಶಯ ಬಾಯಿ ಕ್ಯಾನ್ಸರ್ ಮುಕ್ತ ಭಾರತ ನಿರ್ಮಿಸೋಣ.”