ನಿಪ್ಪಾಣಿ ಮತಕ್ಷೇತ್ರದ ಸರ್ವಾಂಗೀಣ ಅಭಿವೃದ್ಧಿಗೆ ಬಿಜೆಪಿ ಆಯ್ಕೆ ಮಾಡಿ – ಧನಂಜಯ ಮಾಹಾಡಿಕ

ಪ್ರಗತಿವಾಹಿನಿ ಸುದ್ದಿ, ನಿಪ್ಪಾಣಿ: ವಿಧಾನಸಭಾ ಚುನಾವಣೆ ಹಿನ್ನೆಲೆ, ಸ್ಥಳೀಯ ಮತಕ್ಷೇತ್ರದ ಕೂನ್ನುರ, ಸೌಂದಲಗಾ, ಕೊಗನೋಳಿ ಗ್ರಾಮಗಳಲ್ಲಿ ರಾಜ್ಯಸಭಾ ಸದಸ್ಯ ಧನಂಜಯ ಮಹಾಡಿಕ,  ಬಸವಜ್ಯೋತಿ ಯೂಥ್ ಫೌಂಡೇಶನ ಅಧ್ಯಕ್ಷ್ಯ ಬಸವಪ್ರಸಾದ ಜೊಲ್ಲೆ ಹಾಗೂ ರಾಹುಲ ಆವಾಡೆ ಪ್ರಚಾರ ಸಭೆಗಳನ್ನು ಜರುಗಿಸಿ ಬಿಜೆಪಿ ಅಭ್ಯರ್ಥಿ ಶಶಿಕಲಾ ಜೊಲ್ಲೆಯವರಿಗೆ ಅತ್ಯಧಿಕ ಮತಗಳೊಂದಿಗೆ ಗೆಲ್ಲಿಸಿ ಎಂದು ಮನವಿ ಮಾಡಿಕೊಂಡರು. 

ನಿಪ್ಪಾಣಿ ಕ್ಷೇತ್ರದಲ್ಲಿ ಇನ್ನಷ್ಟು ಅಭಿವೃದ್ದಿಯನ್ನು ಕಾಣಲು ಬಿಜೆಪಿಗೆ ಬೆಂಬಲಿಸಿ. ಕ್ಷೇತ್ರದಲ್ಲಿ  ಸುಮಾರು 2 ಸಾವಿರ ಕೋಟಿ ರೂ.ಗಳಷ್ಟು ಅಭಿವೃದ್ದಿ ಕಾರ್ಯಗಳನ್ನ ಕೈಗೊಳ್ಳುವುದು ಸುಲಭದ ಮಾತಲ್ಲ. ಬಿಜೆಪಿ ಸರಕಾರ ಯಾವಾಗಲೂ ಅಭಿವೃದ್ದಿ ಪರವಾಗಿಯೇ ಚಿಂತನೆ ನಡೆಸುತ್ತದೆ. ಅಭಿವೃದ್ದಿ ಪರ ರಾಜಕಾರಣಕ್ಕೆ ಜನರು ಒಲವು ತೋರುತ್ತಿದ್ದಾರೆ. ಕ್ಷೇತ್ರದಲ್ಲಿ ಇನ್ನಷ್ಟ ಅಭಿವೃದ್ದಿಗಾಗಿ ಬಿಜೆಪಿ ಅಭ್ಯರ್ಥಿ ಶಶಿಕಲಾ ಜೊಲ್ಲೆ ಅವರನ್ನು ಬೆಂಬಲಿಸಿ ಆಶೀರ್ವದಿಸಿ ಎಂದು  ಧನಂಜಯ ಮಹಾಡಿಕ ಮನವಿ ಮಾಡಿದರು.

ನಿಪ್ಪಾಣಿ ನಗರದಲ್ಲಿ 450 ಕೋಟಿ ಅಧಿಕ  ಕಾಮಗಾರಿಗಳನ್ನು ಮಾಡಿದರೆ ಮುಂದಿನ ದಿನಗಳಲ್ಲಿ ಈಜುಕೊಳ, ಯುದ್ದ ವಿಮಾನ, ಮಿನಿ ವಿಧಾನಸೌಧ ಹೀಗೆ ಹಲವಾರು ಕಾಮಗಾರಿ ಮಾಡಲಿದ್ದಾರೆ. ಈ ಚುನಾವಣೆಯಲ್ಲಿ ಶಶಿಕಲಾ ಜೊಲ್ಲೆಯವರಿಗೆ ತಮ್ಮ ಅಮೂಲ್ಯ ಮತವನ್ನು ನೀಡಿ ಎಂದು ಬಸವಪ್ರಸಾದ ಜೊಲ್ಲೆ ಮನವಿ ಮಾಡಿದರು.

ಈ ಸಂದರ್ಭದಲ್ಲಿ ಸಂಜಯ ಶಿಂತ್ರೆ, ಗಣಪತಿ ಗಾಡಿವಡ್ಡರ, ಎಸ್.ಎಸ್. ಢವಣೆ, ಆನಂದಾ ಸೂರ್ಯವಂಶಿ, ದಾದು ಕೊಗನೊಳೆ, ವಿಕ್ರಮ ಪಾಟೀಲ, ದಿಲೀಪ ಅಡಸೂಲೆ, ಸಾಗರ ಪವಾರ, ಸಂಜಯ ದಿಂಡೆ, ಸಂಜಯ ಪಾಟೀಲ, ದತಾತ್ರೆಯ ಚೌಗಲೆ, ರೇಖಾ ಪವಾರ, ಅರ್ಚನಾ ಕೊಗನೋಳೆ, ವೈಶಾಲಿ ಮೇಸ್ತ್ರಿ, ಪಕ್ಷದ ಕಾರ್ಯಕರ್ತರು, ಸ್ಥಳೀಯ ಮುಖಂಡರು, ಬೂತ್ ಅಧ್ಯಕ್ಷರು, ಗ್ರಾಮಸ್ಥರು ಉಪಸ್ಥಿತರಿದ್ದರು.