ನವೆಂಬರ್ 18 ಮತ್ತು 19 ರಂದು ’ನೀನಾಸಂ ನಾಟಕೋತ್ಸವ’

ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ:  -ನೀನಾಸಂ ತಿರುಗಾಟ-೨೦೧೯ ರ ಎರಡು ದಿನಗಳ ನಾಟಕೋತ್ಸವವು ಇದೇ ನವೆಂಬರ್ ೧೮ ಮತ್ತು ೧೯ ರಂದು ಸಂಜೆ ೭ ಗಂಟೆಗೆ ಸದಾಶಿವನಗರದ ಪದ್ಮಶ್ರೀ ಚಿಂದೋಡಿ ಲೀಲಾ ರಂಗಮಂದಿರದಲ್ಲಿ ನಡೆಯಲಿದೆ.
ಸೋಮವಾರ ದಿ: ೧೮ ರಂದು ಸಂಜೆ ೭ ಗಂ, ಗಿರೀಶ ಕಾರ್ನಾಡರ ’ರಾಕ್ಷಸ-ತಂಗಡಿ’ ನಾಟಕದ ಪ್ರಯೋಗವಿದ್ದು ಇದನ್ನು ಬಿ.ಆರ್.ವೆಂಕಟರಮಣ ಐತಾಳ ಅವರು ನಿರ್ದೇಶಿಸಿದ್ದಾರೆ.
ಮಂಗಳವಾರ ದಿ: ೧೯ ರಂದು ಸಂಜೆ ೭ ಗಂ, ಪಂಪ, ಕುಮಾರವ್ಯಾಸ ಮತ್ತು ಜನಪದ ಮಹಾಭಾರತಗಳ ಆಧರಿಸಿ ರಂಗಪಠ್ಯ ಸಿದ್ಧಪಡಿಸಿದ ನಾಟಕ ’ಕರ್ಣ ಸಾಂಗತ್ಯ’ ವು ಪ್ರಯೋಗವಾಗಲಿದ್ದು ರಚನೆ-ನಿರ್ದೇಶನ ಗಣೇಶ ಮಂದರ್ತಿ ಅವರದು.
ಯುನೈಟೆಡ್ ಸೋಶಿಯಲ್ ವೆಲ್‌ಫೇರ್ ಅಸೋಶಿಯೇಷನ್ (ರಿ),ಬೆಳಗಾವಿ, ರೋಟರಿ ಕ್ಲಬ್ ಬೆಳಗಾವಿ ಮಿಡ್ ಟೌನ್, ಕೆ.ಎಲ್.ಇ ಸಂಸ್ಥೆಯ ಡಾ.ಪ್ರಭಾಕರ ಕೋರೆ ಆಸ್ಪತ್ರೆ, ಬೆಳಗಾವಿ ಮತ್ತು ವಿನುತಶ್ರೇಯ ಪ್ರಕಾಶನ,ಬೆಳಗಾವಿ ಇವರುಗಳ ಸಂಯುಕ್ತ ಆಶ್ರಯದಲ್ಲಿ ಈ ನಾಟಕೋತ್ಸವ ವನ್ನು ಆಯೋಜಿಸಲಾಗಿದೆ.