*ESTIC-2025 ಸಮಾವೇಶದಲ್ಲಿ ಬೆಳಗಾವಿಯ ಅಂಗಡಿ ತಾಂತ್ರಿಕ ಕಾಲೇಜಿನ ಡಾ. ಪೂಜಾ ಅನಗೋಳ್ಕರ್ ಭಾಗಿ*
ಪ್ರಗತಿವಾಹಿನಿ ಸುದ್ದಿ: ಬೆಳಗಾವಿಯ ಅಂಗಡಿ ತಾಂತ್ರಿಕ ಮತ್ತು ವ್ಯವಸ್ಥಾಪನಾ ಮಹಾವಿದ್ಯಾಲಯದ ರೋಬೋಟಿಕ್ಸ್ ಮತ್ತು ಅಟೋಮೇಷನ್ ವಿಭಾಗದ ಪ್ರಾಧ್ಯಾಪಕಿ ಮತ್ತು ಮುಖ್ಯಸ್ಥರಾದ ಡಾ. ಪೂಜಾ ವಿ. ಅನಿಗೋಳ್ಕರ ಅವರು ನವೆಂಬರ್ 3 ರಿಂದ 5 ರವರೆಗೆ ನವದೆಹಲಿಯ ಭಾರತ್ ಮಂಟಪ್ ನಲ್ಲಿ ನಡೆದ ESTIC-2025 ಸಮಾವೇಶದಲ್ಲಿ ಪ್ರತಿಷ್ಠಿತ ಉದಯೋನ್ಮುಖ ವಿಜ್ಞಾನ, ತಂತ್ರಜ್ಞಾನ ನಾಯಕರಾಗಿ ಸಂಸ್ಥೆಯನ್ನು ಪ್ರತಿನಿಧಿಸಿದರು.
ಪ್ರಧಾನಿ ನರೇಂದ್ರ ಮೋದಿ ಉದ್ಘಾಟಿಸಿದ ಸಮಾವೇಶವು ದೇಶದಾದ್ಯಂತದ ದೂರದೃಷ್ಟಿಯ ವಿಜ್ಞಾನಿಗಳು, ತಂತ್ರಜ್ಞರು, ನಾವೀನ್ಯಕಾರರು ಮತ್ತು ಶೈಕ್ಷಣಿಕ ನಾಯಕರನ್ನು ಒಟ್ಟುಗೂಡಿಸಿತು. ವಿಕಸಿತ್ ಭಾರತ 2047ಗಾಗಿ ಡಿಜಿಟಲ್ ಮ್ಯಾನುಫ್ಯಾಕ್ಚರಿಂಗ್, ರೊಬೋಟಿಕ್ಸ್, ಅಟೋಮೇಷನ್ ಮತ್ತು ಭಾರತದ ವೈಜ್ಞಾನಿಕ ಮಾರ್ಗಸೂಚಿಯ ಭವಿಷ್ಯದ ಕುರಿತು ಚರ್ಚೆಗಳಲ್ಲಿ ಡಾ. ಪೂಜಾ ಸಕ್ರಿಯವಾಗಿ ಭಾಗವಹಿಸಿದರು.
ಈ ಸಂದರ್ಭದಲ್ಲಿ ಡಾ. ಪೂಜಾ ವಿ. ಅನಗೋಳ್ಕರ್ ಅವರು ಭಾರತೀಯ ವಾಯುಪಡೆ ಮತ್ತು ಇಸ್ರೋದ ಗ್ರುಪ್ ಕ್ಯಾಪ್ಟನ್ ಶುಭಾಂಶು ಶುಕ್ಲಾ ಅವರೊಂದಿಗೆ ಸ್ಮರಣೀಯ ಸಂವಾದ ನಡೆಸಿದರು. ಅವರ ಸಂಭಾಷಣೆಯ ಬಾಹ್ಯಾಕಾಶ ಕಾರ್ಯಾಚರಣೆಗಳಲ್ಲಿ ರೊಬೊಟಿಕ್ಸ್ ಪಾತ್ರ, ವಿಪರೀತ ಪರಿಸರಕ್ಕಾಗಿ ಸ್ವಾಯತ್ತ ವ್ಯವಸ್ಥೆಗಳು ಮತ್ತು ಭಾರತದ ಬೆಳೆಯುತ್ತಿರುವ ಬಾಹ್ಯಾಕಾಶ ಪರಿಸರ ವ್ಯವಸ್ಥೆಯಲ್ಲಿ ಯುವ ಸಂಶೋಧಕರಿಗೆ ಭವಿಷ್ಯದ ಅವಕಾಶಗಳ ಸುತ್ತ ಕೇಂದ್ರೀಕೃತವಾಗಿತ್ತು. ಗ್ರುಪ್ ಕ್ಯಾಪ್ಟನ್ ಶುಕ್ಲಾ ಅವರು ತಮ್ಮ ಇತ್ತೀಚಿನ ಮಿಷನ್‌ನಿಂದ ಸ್ಪೂರ್ತಿದಾಯಕ ಮಾತುಗಳನ್ನು ಹಂಚಿಕೊAಡರು ಮತ್ತು ಸಂಶೋಧಕರನ್ನು ಧೈರ್ಯದಿಂದ ಆವಿಷ್ಕರಿಸಲು, ಅಂತರಶಿಸ್ತೀಯ ತಂತ್ರಜ್ಞಾನಗಳನ್ನು ಅನ್ವೇಷಿಸಲು ಮತ್ತು ಮಾನವ ಮತ್ತು ರೋಬೋಟಿಕ್ ಬಾಹ್ಯಾಕಾಶ ಹಾರಾಟದಲ್ಲಿ ಭಾರತದ ಆಕಾಂಕ್ಷೆಗಳಿಗೆ ಕೊಡುಗೆ ನೀಡುವಂತೆ ಪ್ರೋತ್ಸಾಹಿಸಿದರು.
ESTIC-2025ರಲ್ಲಿ ಡಾ. ಪೂಜಾ ಅನಗೋಳ್ಕರ್ ಅವರ ಭಾಗವಹಿಸುವಿಕೆಯು ಸುಧಾರಿತ ಸಂಶೋಧನೆ, ರಾಷ್ಟ್ರೀಯ ಮಟ್ಟದ ಸಹಯೋಗ ಮತ್ತು ತಾಂತ್ರಿಕ ಶ್ರೇಷ್ಠತೆಯನ್ನು ಉತ್ತೇಜಿಸಲು ಬೆಳಗಾವಿಯ ಅಂಗಡಿ ತಾಂತ್ರಿಕ ಕಾಲೇಜು ಬದ್ಧತೆಯನ್ನು ವ್ಯಕ್ತಪಡಿಸುತ್ತದೆ ಎಂದು ಸುರೇಶ ಅಂಗಡಿ ಶಿಕ್ಷಣ ಸಂಸ್ಥೆಯ ನಿರ್ದೇಶಕಿ ಡಾ. ಸ್ಪೂರ್ತಿ ಅಂಗಡಿ ಪಾಟೀಲ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
