*ಈ ರೈಲುಗಳಿಗೆ ಹೆಚ್ಚುವರಿ ಬೋಗಿಗಳ ಸೇರ್ಪಡೆ: ಪ್ರಯಾಣಿಕರಿಗೆ ಅನುಕೂಲ*
ಪ್ರಗತಿವಾಹಿನಿ ಸುದ್ದಿ: ಶ್ರೀ ಸಿದ್ಧಾರೂಢ ಸ್ವಾಮೀಜಿ ಹುಬ್ಬಳ್ಳಿ ನಿಲ್ದಾಣದಿಂದ ಸಂಚರಿಸುವ ದಾದರ್ ಹಾಗೂ ವಿಜಯವಾಡ ಎಕ್ಸ್ ಪ್ರೆಸ್ ರೈಲುಗಳ ಬೋಗಿಗಳನ್ನು ಹೆಚ್ಚಿಸಲು ನೈಋತ್ಯ ರೈಲ್ವೆ ನಿರ್ಧರಿಸಿದೆ. ಇನ್ಮುಂದೆ ಈ ಎರಡೂ ರೈಲುಗಳು ತಲಾ 17 ಬೋಗಿಗಳೊಂದಿಗೆ ಸಂಚರಿಸಲಿವೆ.
ಹುಬ್ಬಳ್ಳಿ-ದಾದರ್-ಹುಬ್ಬಳ್ಳಿ ಡೈಲಿ ಎಕ್ಸ್ ಪ್ರೆಸ್ (17317/17318)
ಪ್ರಸ್ತುತ 15 ಬೋಗಿಗಳೊಂದಿಗೆ ಸಂಚರಿಸುತ್ತಿರುವ ಈ ರೈಲಿಗೆ ಎರಡು ಹೆಚ್ಚುವರಿ ‘ಎಸಿ 3-ಟೈರ್’ ಬೋಗಿಗಳನ್ನು ಸೇರ್ಪಡೆಗೊಳಿಸಲಾಗುವುದು. ಈ ಬದಲಾವಣೆಯು ಹುಬ್ಬಳ್ಳಿಯಿಂದ 2026ರ ಜನವರಿ 3 ರಿಂದ ಹಾಗೂ ದಾದರ್ನಿಂದ ಜನೆವರಿ 4 ರಿಂದ ಜಾರಿಗೆ ಬರಲಿದೆ.
ಹುಬ್ಬಳ್ಳಿ–ವಿಜಯವಾಡ-ಹುಬ್ಬಳ್ಳಿ ರೈಲು (17329/17330)
ಪ್ರಸ್ತುತ 16 ಬೋಗಿಗಳೊಂದಿಗೆ ಸಂಚರಿಸುತ್ತಿದ್ದ ಈ ರೈಲಿಗೆ ಒಂದು ಹೆಚ್ಚುವರಿ ‘ಸ್ಲೀಪರ್’ ಬೋಗಿಯನ್ನು ಸೇರಿಸಲಾಗುವುದು. ಹುಬ್ಬಳ್ಳಿಯಿಂದ 2026ರ ಜನವರಿ 5 ರಿಂದ ಹಾಗೂ ವಿಜಯವಾಡದಿಂದ ಜನವರಿ 6 ರಿಂದ ಪರಿಷ್ಕೃತ ಬೋಗಿಗಳೊಂದಿಗೆ ಸಂಚರಿಸಲಿದೆ.
ಪರಿಷ್ಕೃತ ಬೋಗಿಗಳ ವಿವರ
ಎರಡೂ ರೈಲುಗಳಲ್ಲಿ ತಲಾ ಒಂದು ಎಸಿ 2-ಟೈರ್, ಮೂರು ಎಸಿ 3-ಟೈರ್, ಏಳು ಸ್ಲೀಪರ್ ಕ್ಲಾಸ್, ನಾಲ್ಕು ಸಾಮಾನ್ಯ ದ್ವಿತೀಯ ದರ್ಜೆ ಹಾಗೂ ಎರಡು ಎಸ್ಎಲ್ಆರ್ ಬೋಗಿಗಳು ಸೇರಿ ಒಟ್ಟು 17 ಬೋಗಿಗಳು ಇರಲಿವೆ.
