*ವರನ ತಂದೆ ಜೊತೆ ಪರಾರಿಯಾದ ವಧು* 

ಪ್ರಗತಿವಾಹಿನಿ ಸುದ್ದಿ: ಬಹಳಷ್ಟು ಪ್ರಕರಣದಲ್ಲಿ ಮಧುವಿಗೆ ನಿಶ್ಚಯಿಸಿದ ವರನ ಜೊತೆ ವಧುವಿನ ತಾಯಿ ಪರಾರಿಯಾಗಿದ್ದನ್ನು ನೋಡಿದ್ದೇವೆ.‌ ಆದರೆ ಈ ಪ್ರಕರಣದಲ್ಲಿ ಎಲ್ಲಾ ಉಲ್ಟಾ ಆಗಿದೆ.

ಈ ಪ್ರಕರಣದಲ್ಲಿ ಪುತ್ರನಿಗೆ ನಿಶ್ಚಯಿಸಿದ್ದ ವಧು ಜತೆ 6 ಮಕ್ಕಳ ತಂದೆ ಪರಾರಿಯಾಗಿರುವ ಘಟನೆ ನಡೆದಿದೆ.

ಆರು ಮಕ್ಕಳ ತಂದೆಯೊಬ್ಬ ತನ್ನ ಪುತ್ರನಿಗೆ ನಿಶ್ಚಯಿಸಿದ್ದ ವಧುವಿನೊಂದಿಗೆ ಪರಾರಿಯಾಗಿರುವ ಪ್ರಕರಣ ಉತ್ತರಪ್ರದೇಶದ ರಾಂಪುರದಲ್ಲಿ ಬೆಳಕಿಗೆ ಬಂದಿದೆ.

ಶಕೀಲ್ ಎಂಬಾತನಿಗೆ 6 ಮಕ್ಕಳಿದ್ದು, ಆತ ತನ್ನ 17 ವರ್ಷದ ಪುತ್ರನಿಗೆ 22 ವರ್ಷದ ಯುವತಿ ಜತೆ ನಿಶ್ಚಿತಾರ್ಥ ಮಾಡಿಸಿದ್ದ. ಆ ಬಳಿಕ ಶಕೀಲ್ ಆ ಯುವತಿಯೊಂದಿಗೆ ನಿರಂತರವಾಗಿ ಫೋನ್ ಸಂಪರ್ಕದಲ್ಲಿದ್ದ ಮತ್ತು ದಿನದ ಬಹುತೇಕ ಸಮಯ ವಿಡಿಯೋ ಕಾಲ್‌ನಲ್ಲಿ ಮಾತನಾಡುತ್ತಿದ್ದ. ಯುವತಿ ಜತೆ ಆತನಿಗೆ ಅನೈತಿಕ ಸಂಬಂಧವಿರುವ ಕುರಿತು ನಮಗೆ ಅನುಮಾನವಿತ್ತು. ಆ ಕುರಿತು ನಾವು ಸಾಕ್ಷ್ಯವನ್ನೂ ಕಲೆ ಹಾಕಿದ್ದೆವು ಎಂದು ಶಕೀಲ್ ಪತ್ನಿ ಶಬಾನಾ ತಿಳಿಸಿದ್ದಾರೆ.

ಶಕೀಲ್ ಪುತ್ರನಿಗೆ ಈ ವಿಷಯ ತಿಳಿದಿತ್ತು, ಆ ಬಳಿಕ ಆತ ಮದುವೆಗೆ ನಿರಾಕರಿಸಿದ್ದ. ಈ ಹಿನ್ನೆಲೆಯಲ್ಲಿ ಶಕೀಲ್ 2 ಲಕ್ಷ ರೂ. ಹಣ ಮತ್ತು 17 ಗ್ರಾಂ ಚಿನ್ನದೊಂದಿಗೆ ಯುವತಿಯನ್ನು ಕರೆದುಕೊಂಡು ಪರಾರಿಯಾಗಿ ಮದುವೆಯಾಗಿದ್ದಾನೆ ಎಂದು ವರನ ತಾಯಿ ಶಬಾನಾ ಆರೋಪಿಸಿದ್ದಾರೆ ಎಂದು ಮಾಧ್ಯಮಗಳು ಅವರದಿ ಮಾಡಿವೆ.