ಪ್ರಗತಿವಾಹಿನಿ ಸುದ್ದಿ, ಶಿರಸಿ: ಕನ್ನಡದ ಪ್ರಸಿದ್ದ ಹಾಸ್ಯ ನಟ, ಬಹುಮುಖ ಪ್ರತಿಭೆ ಕಲಾವಿದ ಟೆನ್ನಿಸ್ ಕೃಷ್ಣ ಅವರು ಶಿರಸಿ ನಗರದ ಹೊರ ವಲಯದಲ್ಲಿ ಇರುವ ನಿಸರ್ಗಮನೆ ವೇದ ಆರೋಗ್ಯ ಕೇಂದ್ರಕ್ಕೆ ಭೇಟಿ ನೀಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ನಿಸರ್ಗ ಮನೆಯ ಪರಿಸರ, ಇಲ್ಲಿ‌ನ ಆರೋಗ್ಯ ಸಂಬಂಧಿ ಚಿಕಿತ್ಸೆ, ಆಹಾರ ಪದ್ಧತಿ ಅನುಸರಿಸಿ ತಮ್ಮ ಆರೋಗ್ಯವೂ ಸುಧಾರಣೆ ಆಗಿದ್ದನ್ನು ಉಲ್ಲೇಖಿಸಿದ ಅವರು, “ಯಾಕೆ ಟೆನ್ನಿಸ್ ವೀಕ್ ಆಗಿದ್ದೀರಿ? ಅಂತ ಜನ ಪ್ರಶ್ನಿಸುತ್ತಾರೆ. ಅವರಿಗೆಲ್ಲ ನಾನು ಸ್ಟ್ರಾಂಗ್ ಆಗಿದ್ದೇನೆ ಎನ್ನುತ್ತೇನೆ. ನನ್ನ ಆರೋಗ್ಯ ಸುಧಾರಣೆಗೆ ನಿಸರ್ಗಮನೆ ಕಾರಣ” ಎಂದು ಹೇಳಿದರು.
ನನ್ನ ಮಗ ನಾಗಾರ್ಜುನ್ ಕೂಡ ಇಲ್ಲಿ ಚಿಕಿತ್ಸೆ ಪಡೆದು ಉದರ ಸಮಸ್ಯೆಯಿಂದ ಗುಣಮುಖರಾಗಿದ್ದಾರೆ. ನಮ್ಮ ಕುಟುಂಬದ ಆರೋಗ್ಯ ಸುಧಾರಣೆಗೆ ಈ ಕೇಂದ್ರ ಕಾರಣ ಎಂದ ಕೃಷ್ಣ, ಡಾ.ವೆಂಕಟರಮಣ ಹೆಗಡೆ ಅವರೊಂದಿಗಿನ ಒಡನಾಟ ಪ್ರಸ್ತಾಪಿಸಿ, ಎಲ್ಲರೂ ಆರೋಗ್ಯ ಪೂರ್ಣ ಜೀವನ ಶೈಲಿ ರೂಢಿಸಿಕೊಳ್ಳಬೇಕು ಎಂದೂ ಹೇಳಿದರು.
ಈ ವೇಳೆ ಮಾತನಾಡಿದ ಪ್ರಸಿದ್ಧ ಆಯುರ್ವೇದ ವೈದ್ಯ, ಅಂಕಣಕಾರ ಡಾ. ವೆಂಕಟ್ರಮಣ ಹೆಗಡೆ,
“ಸಾವಿರಾರು ಚಲನಚಿತ್ರ, ಧಾರಾವಾಹಿ, ನಾಟಕಗಳಲ್ಲೂ ಪಾತ್ರ ಮಾಡಿದ ಟೆನ್ನಿಸ್ ಕೃಷ್ಣ ಅವರು ತಮ್ಮ ಮಾತಿನ ಶೈಲಿಯ ಮೂಲಕವೇ ಜನಪ್ರಿಯರಾಗಿದ್ದಾರೆ. ಕೃಷ್ಣ ಅವರು ನಮ್ಮ ನಿಸರ್ಗ ಮನೆಯ ಸಾಧಕರು ಎಂಬುದು ನಮ್ಮ ಹೆಮ್ಮೆ” ಎಂದರು.
ಈ ವೇಳೆ ತಮ್ಮ ಸ್ವಂತ ಊರು, ಕಲಬುರ್ಗಿಯ ಮುಲ್ಲಾಮಾರಿ ಆಶ್ರಮದ ಅವಧೂತರಾದ ಶ್ರೀ ಅಭಿನವ ಶರಣ ಶಂಕರಲಿಂಗ ಸ್ವಾಮೀಜಿಗಳು, ಹುಮ್ನಾಬಾದ್ ಪುರಸಭೆ ಉಪಾಧ್ಯಕ್ಷ ಮಲ್ಲಿಕಾರ್ಜುನ ಸೀಗಿ, ಬೆಂಗಳೂರಿನ ಪ್ರಸಿದ್ಧ ರಾಮ ಲಕ್ಷ್ಮಣ ಕೇಟರಿಂಗ್ ನ ಮಾಲೀಕ ರಾಮ, ಎಸ್.ಎಸ್.ಕ್ಯಾಟರಿಂಗ್ ನ ಶ್ರೀಧರ, ಆಯುರ್ವೇದ ವೈದ್ಯ ಡಾ. ವೆಂಕಟೇಶ್ ಗಾಂವಕರ್ ಇತರರು ಇದ್ದರು.
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
