ಪ್ರಗತಿವಾಹಿನಿ ಸುದ್ದಿ; ಮುಂಬೈ: ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ನಿರ್ದೇಶಕರೊಬ್ಬರಿಗೆ ಗಾಜಿನ ಬಾಟಲ್ ನಿಂದ ಏಕಾಏಕಿ ಹೊಡೆದುಬಿಟ್ಟಿದ್ದು, ಭಾರಿ ಸುದ್ದಿಯಾಗಿದೆ.
ಶಿಲ್ಪಾ ಶೆಟ್ಟಿ, ಇದೀಗ ಸಿನಿಮಾ, ಕಿರುತೆರೆ, ಜಾಹೀರಾತು, ರಿಯಾಲಿಟಿ ಶೋಗಳಲ್ಲಿ ಮತ್ತೆ ಬ್ಯುಸಿಯಾಗಿದ್ದಾರೆ. ಇಂಡಿಯಾಸ್ ಗಾಟ್ ಟ್ಯಾಲೆಂಟ್ ಎಂಬ ಕಾರ್ಯಕ್ರಮದಲ್ಲಿ ಜಡ್ಜ್ ಆಗಿದ್ದು, ಈ ಕಾರ್ಯಕ್ರಮದಲ್ಲಿ ಒಂದು ವಿಚಿತ್ರ ಘಟನೆ ನಡೆದಿದೆ. ನಿರ್ದೇಶಕ ರೋಹಿತ್ ಶೆಟ್ಟಿ ಅವರಿಗೆ ಶಿಲ್ಪಾ ಶೆಟ್ಟಿ ಗಾಜಿನ ಬಾಟಲಿಯಿಂದ ಹೊಡೆದಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಇನ್ನೋರ್ವ ಜಡ್ಜ್ ಆಗಿದ್ದ ಗಾಯಕ, ನಿರ್ದೇಶಕ ಬಾದ್ ಷಾ ಅವರಿಗೂ ಕೂಡ ಏಟು ಬಿದ್ದಿದೆ.
ತಾವು ಮಾತನಾಡಿಸಿದರೂ ತಮ್ಮನ್ನು ಗಮನಿಸದೇ ಇದ್ದ ರೋಹಿತ್ ಶೆಟ್ಟಿಗೆ ಗಾಜಿನ ಬಾಟಲಿಯಿಂದ ಶಿಲ್ಪಾ ಹೊಡೆದಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿದೆ.
ಅಸಲಿಗೆ ಈ ಹೊಡೆದಾಟ ನಡೆದಿರುವುದು ತಮಾಷೆಗಾಗಿ ಎಂಬುದು ವಿಶೇಷ. ಶೂಟಿಂಗ್ ಬಿಡುವಿನ ವೇಳೆ ರೋಹಿತ್ ಶೆಟ್ಟಿ ಮತ್ತು ಬಾದ್ಷಾ ಚರ್ಚೆ ನಡೆಸುತ್ತಿದ್ದರು. ಈ ವೇಳೆ ಶಿಲ್ಪಾ ಶೆಟ್ಟಿ ,ರೋಹಿತ್ ಶೆಟ್ಟಿಯ ಜೊತೆ ಮಾತನಾಡಲು ಪ್ರಯತ್ನಿಸಿದ್ದಾರೆ. ಆದರೆ ಅವರ ಕಡೆಗೆ ರೋಹಿತ್ ಶೆಟ್ಟಿ ಗಮನ ಕೊಡಲಿಲ್ಲ. ಅದರಿಂದ ಶಿಲ್ಪಾ ಶೆಟ್ಟಿಗೆ ಕೋಪ ಬಂದು ಗಾಜಿನ ಬಾಟಲ್ ಎತ್ತಿಕೊಂಡು ರೋಹಿತ್ ಶೆಟ್ಟಿಗೆ ಹೊಡೆದೇ ಬಿತಿದ್ದಾರೆ. ಶಾಕ್ ಆದ ರೋಹಿತ್ ಶೆಟ್ಟಿ, ‘ಹುಚ್ಚು ಹಿಡಿದಿದೆಯಾ’ ಎಂದು ಪ್ರಶ್ನಿಸಿದ್ದಾರೆ. ಈ ವೇಳೆ ಮಧ್ಯೆ ಮಾತನಾಡಲು ಬಂದ ಬಾದ್ಷಾ ಅವರಿಗೂ ಶಿಲ್ಪಾ ಶೆಟ್ಟಿ ಗಾಜಿನ ಬಾಟೆಲ್ನಿಂದ ಹೊಡೆದಿದ್ದಾರೆ. ಈ ಹುಸಿ ತಮಾಷೆ ವಿಡಿಯೋ ಸಖತ್ ವೈರಲ್ ಆಗಿದೆ.
