ಪ್ರಗತಿವಾಹಿನಿ ಸುದ್ದಿ : ಮನೆಯ ಯಜಮಾನಿಗೆ ರಾಜ್ಯ ಕಾಂಗ್ರೆಸ್‌ ಸರ್ಕಾರ ಗೃಹಲಕ್ಷ್ಮಿ ಯೋಜನೆಯಡಿ ಮಾಸಿಕ 2,000 ಸಾವಿರ ರೂಪಾಯಿ ನೀಡುತ್ತಿದೆ. ಈವರೆಗೂ ಬಂದಿರುವ ದುಡ್ಡನ್ನು ಕೂಡಿಟ್ಟು ಮಹಿಳೆಯೋರ್ವರು ಟಾಪ್ ಲೋಡ್ ಹೊಸ ವಾಷಿಂಗ್ ಮಷಿನ್ ಖರೀದಿ ಮಾಡಿದ್ದಾರೆ.
ಹಾವೇರಿ ಜಿಲ್ಲೆಯ ಹಾನಗಲ್‌ ತಾಲೂಕು ಬಾಳಂಬೀಡ ಗ್ರಾಮದ ಚಂಪಾವತಿ ಕರೆವ್ವನವರ ಎಂಬುವವರು ತಮಗೆ 9 ಕಂತು ಹಣ ಬಂದಿದ್ದು, ಈವರೆಗೆ ಬಂದಿರುವ ಹಣ ಸಂಗ್ರಹಿಸಿಟ್ಟು ಮಷಿನ್ ಖರೀದಿ ಮಾಡಿರುವುದಾಗಿ ಸಂತಸ ವ್ಯಕ್ತಪಡಿಸಿದ್ದಾರೆ.
ಈ ಹಿಂದೆ ಅನೇಕ ಮಹಿಳೆಯರು ಟಿವಿ, ಫ್ರಿಡ್ಜ್ ಸೇರಿದಂತೆ ಮೊಬೈಲ್ ಕೂಡ ಇದೇ ಯೋಜನೆಯ ಹಣದಿಂದ ಖರೀದಿ ಮಾಡಿರುವ ಬಗ್ಗೆ ವರದಿಗಳಾಗಿದ್ದವು. ಈಗ ಮಹಿಳೆಯೋರ್ವರು ವಾಷಿಂಗ್ ಮಷಿನ್ ಖರೀದಿ ಮಾಡಿದ್ದಾರೆ.
ಹೊಸ ವಾಷಿಂಗ್ ಮಷಿನ್ ಗೆ ಅಲಂಕಾರ ಮಾಡಿ ಪೂಜೆ ಮಾಡಿದ್ದಲ್ಲದೇ, ಖರೀದಿಗೆ ಕಾರಣರಾದ ಸಿಎಂ ಸಿದ್ದರಾಮಯ್ಯ ನೇತೃತ್ವದ ಕಾಂಗ್ರೆಸ್‌ ಸರ್ಕಾರಕ್ಕೆ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವೆ ಲಕ್ಷ್ಮೀ ಹೆಬ್ಬಾಳಕರ್ ಅವರಿಗೆ ಧನ್ಯವಾದ ತಿಳಿಸಿದ್ದಾರೆ.
Home add -Advt
